ललित सामन्त,माघ ११ दार्चुला । दार्चुला जिल्लाका विभिनन चारओटा सडक खण्डको कालोपत्रे गरिने भएको छ । दार्चुलाबाट निर्वाचित प्रतिनिधिसभा सांसद गणेशसिँह ठगुन्नाको पहलमा जिल्लाका चारओटा सडक खण्ड कालोपत्रे गरिने भएको हो ।
महाकाली लोकमार्गको विकल्पमा रहेको देथला–खार–खलंगा सडक, बिटुले–पारीबगड–खण्डेश्वरी सडक र भर्तोला–उकु–शेरा सडक खण्डमा कालोपत्रेका लागि प्रतिनिधिसभा सांसद गणेशसिँह ठगुन्नाले मन्त्रालयलाई निवेदन गरेका छन् । यस्तै दार्चुला तिंकर सडक सडक खण्ड अन्तरगत पर्ने खलंगा–सुन्सेरा सडक खण्डमा समेत कालोपत्रेका लागि सांसद ठगुन्नाले भौतिक पूर्वाधार तथा यातायात मन्त्रालयलाई निवेदन दिएका हुन् । यस्तै महाकाली कोरिडोर अन्तरगत पर्ने धन्थला सडक खण्डमा मोटरेबल पक्की पुल समेत निर्माण गर्न सांसद ठगुन्नाले मन्त्रालयलाई आग्रह गर्नु भएको थियो ।
दार्चुलाबाट निर्वाचित सांसद ठगुन्नाले भौतिक पूर्वाधार तथा यातायात मन्त्रालयलाई लिखित अनुरोध गरेको सांसद ठगु्न्नका सोकिय सचिव दौलतसिँह ठगुन्नाले जानकारी दिनुभयो । माघ ८ गते सांसद ठगुन्नाले मन्त्रालयमा लिखित अनुरोध गरेपछि मन्त्रालयले सम्बन्धीत पक्षलाई कामकारबाही अगाडी बढाउन निर्देशन दिएको छ । भौतिक पूर्वाधार तथा यातायात मन्त्रालयले सडक भिडिजन कार्यालय बैतडी र दार्चुला तिंकर सडक आयोजना दार्चुलालाई उक्त काम गर्न निर्देशन गरेको छ ।
नेकपा सांसद गणेशसिँह ठगुन्नाको माघ ८ गतेको लिखित अनुरोध पश्चात् भौतिक पूर्वाधार तथा यातायात मन्त्रालयका शाखा अधिकृत राजेश उप्रेतीले उक्त निर्देशन दिएका हुन् । जिल्लाका विभिन्न यी चार ओटा सडक अर्थात् देथला–खार–खलंगा सडकखण्ड, बिटुले–पारीबगड–खण्डेश्वरी सडक र भर्तोला–जौलजीवि–सेरा सडक र खलंगा–सुन्सेरा सडकमा कालो पत्र गर्ने यी दुबै कार्यालयलाई मन्त्रालयले निर्देशन दिएको हो । 
दार्चुला तिंकर सडक खण्ड अन्तरगत खलंगा–हुतीसम्म ट्«याक खोलिएको छ, र फागुन महिनासम्म व्याँसको सुन्सेरा सडक पु¥याउने लक्ष्य दार्चुला तिंकर सडक आयोजनाले लिएको छ । यस्तै बिटुले–पारीबगड–खण्डेश्वरी सडक खण्डको सडक डिभजन पाटन बैतडीले विस्तार कार्य गरिरहेको थियो । गत वर्षदेखि नै सडक डिभिजन कार्यालय पाटन बैतडीले उक्त सडक खण्ड फराकिलो बनाउने कार्य समेत गरेको थियो । यस्तै जिल्लाको महाकाली लोकमार्ग अर्थात् गोकुलेश्वर–खलंगा सडक खण्ड भन्दा छोटो पर्ने देथला–खार–खलंगा सडक खण्ड कालोपत्रेका लागि मन्त्रालयले निर्देशन गरेको छ ।
आउँदो असार १ गतेदेखि भदौ मसान्तसम्म सडक खन्न नपाइने भएको छ । सङ्घीय सडक सुपरिवेक्षण तथा अनुगमन कार्यालयले आज सार्वजनिक सूचना निकालेर यो अवधिभर सडक खन्न रोक लगाएको जनाएको...
नेपाल कम्युनिष्ट पार्टी एमालेका अध्यक्ष केपी शर्मा ओलीले राजनीतिक अस्थिरताका कारण विकास निर्माण हुन नसकेको बताएका छन् । एमालेको भौतिक पूर्वाधार तथा यातायात केन्द्रिय विभ...
दार्चुलामा सहिद दिवस धुमधामका साथ मनाईएको छ । सीप विकासमा निर्पुण बन्नुहोस र सिकाउनुहोस भन्ने मुल नाराका साथ मंगलबार सहिद दिवसको अवसर पारी दार्चुला बहुमखी क्यामपस स्वतन्...
कैलालीको टीकापुर–८ धनसिंहपुरमा केराको थामबाट रेसा उत्पादन थालिएको छ । धनसिंहपुर एकता समाज बचत तथ ऋण सहकारी संस्थाले उद्योग स्थापना गरी रेसा उत्पादन थालेको हो । उत्पादन भए...
दार्चुला लगायत सुदुरपश्चिमका विभिन्न पहाडी जिल्लाहरुमा परम्परागत रुपमा तेल पेल्ने कोल्हु लोप भईरहेका छन् । पुरानो प्रविधिमा काठबाट निर्माण गरिएका मेसिनहरु लोप हुने अवस्था...
दार्चुलाको दुहँु गाउँपालिकाले चालु आर्थिक वर्षमा छुट्याएको २५ लाख रुपैँया युवा स्वरोजगारका लागि खर्च गर्ने निर्णय गरेको छ ।
दृष्टिकोण दैनिक सम्बाददाता