दृष्टिकोण समाचार मंसिर १८, दार्चुला ।
जीप व्यवसायीहरुले बढी भाडा असुली गर्दा सर्वसाधारण मार्कामा परेका छन् । जिल्ला प्रहरी कार्यालय दार्चुलाले अवैधानिक रुपमा पछाडीका सीट सहित सञ्चालन भइरहेका जीपहरुको पछाडीका सीट हटाएपछि जीपधनीहरु तेब्बर भाडा असुली रहेका छन् । जीप व्यवसायीहरुले अगाडीका ५ वटा सिटमा मात्र यात्रु बोक्दा तेलको रुपैँया पनि नउठने भनि बढी भाडा असुली गरी रहेका छन् । जीपहरुको पछाडीका सीट हटाएपछि तोकिएको भाडामा यात्रुहरु लैँजान नमान्ने पछि सर्वसाधारण जनता मार्कामा परिरहेका छन् । अनुमानित १८ किलोमिटर बाटो आफुले अहिले ३ सय भाडा तिरेर सदरमुकाम खलंगा आउनु परेको दुहुँ गाउँपालिका २ बस्ने उमेश जोशीले बताउनु भयो । काम परेपछि जानै पर्ने भएकाले पहिलाको भन्दा तेब्बर भाडा तिर्नु पर्ने तथा बुकीङ गरी जानु पर्ने बाध्यता यात्रुहरुलाई परेको दुहुँ गाउँपालिका २ बस्ने जोशीले बताउनु भएको छ । यस्तै मार्मा गाउँपालिकाको लटिनाथबाट खलंगा आउँदा पहिले ४ सय ५० रुपैँयामा आउने गरेपनि हाल १२ सय रुपैँया लगेको विनिता बोहराले बताउनु भयो । सदरमुकाम उपचार गर्नका लागि आएकी विनिताले पहिलेको भन्दा बढी भाडा असुलने गरेकोमा सर्वसाधारण मारमा परेको बताएकी छिन् । जीप चालकहरुले यसरी तेब्बर भाडा असुली गर्दा पैसा भएकाहरुले तेब्बर भाडा तिरेर जाने गरेता पनि खान लाउनलाई धौधौ पर्ने जनताहरु भने मर्कामा परेका छन् । काम पर्दा र अप्ठयारो पर्दा त जति भाडा भने पनि जानु पर्ने यात्रुहरुकाे गुनासाे रहेकाे छ । जीपका पछाडीको सीट हटाइएपछि जीपहरुमा लाग्ने तेल र भाडा असुल हुने गरी बुकिङ गरी जीपहरु सञ्चालनमा रहेको महाकाली यातायात व्यवसायी समितिका काउन्टर लबदेव अवस्थीले बताउनु भयो । हाल सम्म जीप व्यवसायहरुले बढी भाडा लैँजाने गरेको गुनोसो नआएको जिल्ला प्रहरी कार्यालय दार्चुलाका सुचना अधिकारी तथा प्रबत्ता हिक्मत बहादुर बोहराले बताउनु भयो । यात्रुहरुले ठगिने गरेपनि प्रहरी कहाँ जानकारी नआउँदा कारवाही गर्न नसकिएको जिल्ला प्रहरी कार्यालय दार्चुलाका सुचना अधिकारी तथा प्रबत्ताबोहराले बताउनु भयो ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता