दृष्टिीकोण समाचार मंसिर ११ काठमाण्डौ प्रधानमन्त्री केपी शर्मा ओलीले सिंगो नेपाली समाज नयाँ युगमा प्रवेश गरेको बताउनुभएको छ ।योगदानमा आधारित सामाजिक सुरक्षा कार्यक्रमको सुरुवात गर्दै उहाँले अबदेखि हुँदा खाने अथवा पाएका बेला खाने र खान कठिन भएका, रोजगारीमा भएका वा रोजगारी गुमाएका अथवा रोजगारी नपाएका सबैलाई समेट्ने नयाँ प्रणालीको सुरुवात गरिएको बताउनुभयो । अघिल्लो पटक प्रधानमन्त्री हुँदा सबैका लागि सबैको सहभागितामा सामाजिक सुरक्षा योजना लागु गर्छु भनेर घोषणा गरेको सम्झँदै उहाँले अहिले निरन्तरतास्वरुप यो कार्यक्रम सुरुवात भएको बताउनुभयो । हरेक परिवारको आर्थिक सुरक्षा र हरेक नागरिकको सुरक्षित भविष्य सुनिश्चित गर्ने काम सरकारले गर्ने भन्दै सरकार शासक नभई नागरिकको अभभिावक बन्ने काम गरेको बताउनुभयो । यहाँसम्म आइपुग्न लामो संघर्ष र छलफलबाट मात्रै सम्भव रहेको भन्दै प्रधानमन्त्री ओलीले २५ वर्षअघि थालेको काम आजबाट नयाँ आयाममा बदलिएर नयाँ युगको सुरुवात भएको बताउनुभयो ।२०५१ सालमा पहिलो पटक ज्येष्ठ नागरिकलाई सामाजिक सुरक्षा भत्ता उपलब्ध गराएर थालेको कामले आजबाट नयाँ चरणमा प्रवेश गरेको उहाँले बताउनुभयो । सक्नेले खाने, नसक्ने जाने भन्ने गैरजिम्मेवार प्रवृत्तिको अन्त्यका लागि योगदानमा आधारित सामाजिक सुरक्षा कार्यक्रमको प्रवन्ध गरिएको प्रधानमन्त्री ओलीको भनाई छ । यो कार्यक्रमले श्रमको सम्मान गर्ने र श्रममा लाग्न सबैलाई प्रेरित गर्ने विश्वास लिइएको पनि उहाँले बताउनुभयो । सामाजिक सुरक्षा कार्यक्रम ज्याला वा रोजगारी गर्ने, युवा वा वृद्ध, रोगी वा स्वस्थ्य, बालबच्चा भएका वा नभएका, आम्दानी भएका वा नभएका सबैका लागि समान रहेको बताउनुभयो ।
आउँदो असार १ गतेदेखि भदौ मसान्तसम्म सडक खन्न नपाइने भएको छ । सङ्घीय सडक सुपरिवेक्षण तथा अनुगमन कार्यालयले आज सार्वजनिक सूचना निकालेर यो अवधिभर सडक खन्न रोक लगाएको जनाएको...
नेपाल कम्युनिष्ट पार्टी एमालेका अध्यक्ष केपी शर्मा ओलीले राजनीतिक अस्थिरताका कारण विकास निर्माण हुन नसकेको बताएका छन् । एमालेको भौतिक पूर्वाधार तथा यातायात केन्द्रिय विभ...
दार्चुलामा सहिद दिवस धुमधामका साथ मनाईएको छ । सीप विकासमा निर्पुण बन्नुहोस र सिकाउनुहोस भन्ने मुल नाराका साथ मंगलबार सहिद दिवसको अवसर पारी दार्चुला बहुमखी क्यामपस स्वतन्...
कैलालीको टीकापुर–८ धनसिंहपुरमा केराको थामबाट रेसा उत्पादन थालिएको छ । धनसिंहपुर एकता समाज बचत तथ ऋण सहकारी संस्थाले उद्योग स्थापना गरी रेसा उत्पादन थालेको हो । उत्पादन भए...
दार्चुला लगायत सुदुरपश्चिमका विभिन्न पहाडी जिल्लाहरुमा परम्परागत रुपमा तेल पेल्ने कोल्हु लोप भईरहेका छन् । पुरानो प्रविधिमा काठबाट निर्माण गरिएका मेसिनहरु लोप हुने अवस्था...
दार्चुलाको दुहँु गाउँपालिकाले चालु आर्थिक वर्षमा छुट्याएको २५ लाख रुपैँया युवा स्वरोजगारका लागि खर्च गर्ने निर्णय गरेको छ ।
दृष्टिकोण दैनिक सम्बाददाता