दृष्टिीकोण समाचार कार्तिक २९ दार्चुला भारतमा हुनलागेको स्थानीय निकायको निर्वाचनका बेला नेपाल भारत जोड्ने नेपाल तर्फका सीमा नाकाहरु ब्नद हुने भएका छन् । भारतको उत्तराखण्ड प्रदेश पीथौरागढ जिल्लाको धारचुला नगरपालीका परिषद्को निर्वाचन १८ नोभेम्बर अर्थात मंसिर २ गते हुने भएकाले उक्त निर्वाचनका बेला नेपाल भारत जोड्ने पुल मंसिर ३ गते सम्मका लागि बन्द हुने जिल्ला प्रशासन कार्यालय दार्चुलाले जनाएको छ ।
निर्वाचनमा बेला सुरक्षालाई मध्यनजर गरि सीमा नाका बन्द गर्ने प्रचलन यो भन्दा पहिले पनि भएकोले यसवर्षमा पनि सीमा नाकाहरु बन्द गरिएको दार्चुलाका प्रमुख जिल्ला अधिकारी खुमाकान्त आर्चायले बताउनु भयो ।
नेपालमा हुने विभिन्न निर्वाचनका बेला समेत नेपाल भारत जोड्ने सीमा नाकाहरु बन्द गरिएका थिए । यस्तै भारतमा हुने स्थानीय निकायको निर्वाचनका बेला समेत अन्तर्राष्ट्रिय सीमा नाका सील गरिने छ ।
१६ नोभेम्बर अर्थात् कात्र्तिक ३० गते बेलुकी ५ बजेदेखि नोभेम्बर १८ सम्म अर्थात् मंसिर २ गतेसम्म सीमा नाका बन्द गरिने छ । पीथौरागढ जिल्लाको धारचुला नगरपरिषद्को निर्वाचन १८ नोभेम्बर अर्थात् मंसिर २ गते विहान ८ बजेदेखि साँझ ५ बजेसम्म सम्म मतदानको कार्यतालिका रहेकाले भोली साँझ ५ बजेदेखि मंसिर २ गतेसम्म धारचुला नगरपालिका परिषद क्षेत्रसंग जोडिएका सीमा नाकाहरु बन्द गरिने जिल्ला प्रहरी कार्यालय दार्चुलाले जनाएको छ । धारचुला नगरपालिका परिषद् क्षेत्रसंग जोडिएका सीमा नाकाहरु मात्रै हुने भएपछि जिल्ला सदरमुकाम खलंगाको पुल घाँट मात्रै बन्द रहने भएको छ ।
दार्चुला जिल्लाको मुख्य सीमा नाकाको रुपमा रहेको खलंगा पुलघाँट तीन दिन बन्द रहने देखिएको छ । यस्तै जौलजीवि, दत्तु तथा तिग्रम पुलघाँट भने खुल्ला रहने देखिएको छ । जिल्ला अधिकारी पीथौरागढबाट धारचुला नगरपालिका परिषद् क्षेत्रसंग जोडिएका क्षेत्रमा रहेका सीमा नाकाहरु मात्रै सील गरिने भनि पत्राचार गरेकाले जिल्लाको खलंगा पुलघाँट बाहेक अरु नाका खुल्ला रहने देखिएको छ ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता