फाइल फाेटाे
दार्चुला जिल्लाका नौ वटै स्थानीय तहका सबै विद्यालयहरुमा विद्यार्थी भर्ना अभियान उत्सहजनक रुपमा सञ्चालन भइरहेको जिल्ला शिक्षा समन्वय इकाइ दार्चुलाले जनाएको छ । जिल्ला भरीको एकीन तथ्याङ्क आउन बाँकी रहेको र हालसम्मको तथ्याङ्क अनुसार जिल्ला भरी ९५ प्रतिशत विद्यार्थी विद्यलयमा भर्ना भई सकेका जिल्ला शिक्षा समन्वय ईकाइ प्रमुख जयराज पन्तले जानकारी दिनुभयो ।
केही विद्यार्थी बाहेक सबै विद्यालयमा विद्यार्थी भर्ना भइ सकेको र बुधबारबाट निरन्तर पठन पाठन समेत भईसकेको छ । वैशाख १५ गते सम्म विद्यार्थी भर्ना अभियान चल्ने र त्यसपछि घरदैलो अभियान सञ्चालन हुनेछ । यसबर्ष शैक्षिक शत्रको शुरुमै पाठ्यपुस्तक सबै स्थानीय तहमा पुगीसेकेको छ ।
विगतमा केही विद्यालयहरुले विभिन्न किसिमको शुःल्क लिने गरेकोमा यस आर्थिक बर्षबाट विद्यालयहरुमा कुनै किसिमको शुल्क नलिएको पनि शिक्षा समन्वय ईकाई दार्चुलाका प्रमुख जयराज पन्तले जानकारी दिनुभयो ।