दार्चुला : सबैभन्दा बढी विद्यार्थी संख्या भएको जिल्लाको दार्चुला बहुमुखी क्याम्पसमा भोलि स्ववियु निर्वाचन हुदैछ । सुदूरपश्चिम विश्वविद्यालयको आंगिक क्याम्पसका रुपमा रहेको गोकुलेश्वर बहुमुखी क्याम्पसमा सहमतिमै स्ववियु नेतृत्व चयन गरिएको छ भने दार्चुला बहुमुखी क्याम्पसमा नेतृृत्व चयनका लागि भोलि निर्वाचन हुँदैछ ।
यस क्याम्पसमा ५ सय ४६ विद्यार्थी मतदाता रहेका छन् । निर्वाचन बिहान १० बजेदेखि दिउँसो ४ बजेसम्म हुने क्याम्पसले जनाएको छ । यहाँ दुई विद्यार्थी संगठनका र स्वतन्त्र उम्मेदवार गरी स्ववियु अध्यक्षमा तीन जना चुनाव लड्दैछन् ।
निर्वाचन अधिकृत धाना धामीका अनुसार अनेरास्ववियु र अनेरास्ववियु क्रान्तिकारीको संयुक्त प्यानलको तर्फबाट अध्यक्षमा कृष्ण धामी, सचिवमा धनसिंह धामी, कोषाध्यक्षमा मनिसा डडाल, सदस्यमा दिपु सिंह महता, सुनिता धामी, हेमा ठगुन्ना, सुनिल कार्की, कामला कार्की, बसन्ती धामी उम्मेदवार छन् ।
यस्तै नेविसंघको तर्फबाट अध्यक्षमा भान बहादुर पाल, सचिवमा जवन सिंह डडाल, कोषाध्यक्षमा विजया जोशी, सदस्यहरुमा भीम सिंह ऐरी, पुष्पा महता, दिपक राज भट्ट, रेखा पार्की, राजेन्द्र बोहरा, र रोशन सिंह मन्याल छन् । यस्तै स्वतन्त्र उम्मेदवार अनिल चन्द्र जोशी पनि अध्यक्षमा चुनाव लड्दैछन् ।
त्रिभुवन विश्वविद्यालय अन्तर्गतका जिल्लाका चार क्याम्पसमा चैत ५ गते (आइतवार) स्ववियु निर्वाचन सम्पन्न भएको छ । जसमा अनेरास्ववियु र अनेरास्ववियु (क्रान्तिकारी) को संयुक्त प्यानलले ३ र नेविसंघले एक स्थानमा विजय हासिल गरेको छ । अनेरास्ववियूको तर्फबाट शंकरपुर क्याम्पस पस्तीको स्ववियु अध्यक्षमा कविता अवस्थी र कृष्ण स्नातक क्याम्पस लालीमा हेमन्ती जोशी विजयी भएका छन् । यस्तै अनेरास्ववियु (क्रान्तिकारी) को तर्फबाट लटिनाथ क्याम्पस मार्माको अध्यक्षमा जगदीश कोट्टारी विजय भए । संयुक्त प्यानल सँग स्ववियु निर्वाचन लडेको नेविसंघले राष्ट्रिय क्याम्पस दत्तुमा विजय गर्यो । त्यहाँ सरोज ग्वाईलाले स्ववियु अध्यक्षमा विजय हासिल गरे । त्रिभुवन विश्वविद्यालय अन्तर्गतकै अपीनाम्पा क्याम्पस हुतीमा भने निर्वाचन स्थगित छ ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता