कपिलवस्तु । नेपालको सिमासंग सटेको भारतको उत्तर प्रदेशका मुख्यमन्त्री योगी आदित्यनाथले सीताविना अयोध्या अधुरो रहेको बताएका छन् ।
हिजो भगवान रामको शालिग्राम जनकपुर हुदै खयोध्या पुगिसकेपछि कांग्रेसका नेता एवं पूर्वसांसद अभिषेकप्रताप शाह नेतृत्वको नेपाली प्रतिनिधिमण्डलसँग लखनऊस्थित आफ्नै कार्यकक्षमा भेट गर्दै मुख्यमन्त्री आदित्यनाथले नेपालको कालीगण्डकीबाट रामललाको प्रतिमा बनाउन ल्याइएको देवशिलाले पनि राम–सीतालाई जोडेको बताए ।
भेटमा मुख्यमन्त्री आदित्यनाथले राम जन्मभूमि अयोध्यामा “नेपाल हाउस” बनाउने प्रतिबद्धता व्यक्त गरेको नेता शाहले जानकारी दिए । ‘सीता माताविना अयोध्या अधुरो छ । सीतालाई समेट्ने नेपाल हो । मिथिला हो । नेपाली भक्तजनलाई समेटेर अयोध्यामा नेपाल हाउस निर्माण हुन्छ,’ मुख्यमन्त्री आदित्यनाथको भनाइ उद्धृत गर्दै नेता शाहले जानकारी दिए ।
नेपाली प्रतिनिधिमण्डलले नेपाल र भारतलाई अवध र मिथिलाको सम्बन्धले जोडेको भन्दै नेपाली भक्तजनलाई निशुल्क भोजन र आवासको सुविधा हुनेगरी नेपाल हाउस बनाउन मुख्यमन्त्री योगीसँग माग गरेका थिए ।
‘भेटमा मैले भर्खरै नेपालको कालीगण्डकीबाट रामललाको प्रतिमा बनाउन ल्याइएको देवशिलाको महत्व र दुई देशबिचको सांस्कृतिक संम्बन्धका साथै अयोध्यामा नेपाल हाउस बनाउन हुन आग्रह गरेको छु,’ शाहले भने ।
मुख्यमन्त्री आदित्यनाथले जवाफमा सीताविना केही पनि पूर्ण नहुने भन्दै नेपाल हाउस भवन बनाउने प्रतिबद्धता जनाएका हुन् । उत्तर प्रदेश सरकारले अयोध्यामा अन्तर्राष्ट्रिय एयरपोर्टसहितको स्मार्ट धार्मिक सिटी बनाउँदैछ । त्यसमा सीताविना सबै अधुरो हुने भन्दै नेपाल हाउस भवन बनाउने प्रतिबद्धता योगीले गरेका छन् ।
भारतीय प्रधानमन्त्री नरेन्द्र मोदीका स्टार प्रचारकका रुपमा रहुनुभएको मुख्यमन्त्री आदित्यनाथ योगीसंग पुर्व सांसद शाहको पुरानै सम्बन्ध रहेकाले यसभन्दा पहिलाका भेटमा पनि नेपाल(भारतबीचका सम्बन्ध , ड्राइपोर्ट निर्माण , इमिग्रेसन सेनेटर र दुई देशबीचका सुरक्षासम्बन्धी मुद्दाहरुमा छलफल हुँदै आएको थियो ।
योगीलाई भेट्न नेपाली प्रतिनिधिमण्डलमा नेपाल फाउण्डेशनका अध्यक्ष विकास ठाकुर, अनन्त अनुराग लगायतका पत्रकारसमेत पुगेका थिए ।
एक किलो १०० ग्राम अवैध लागुऔषध कोकिनसहित दुई विदेशी नागरिक पक्राउ परेका छन् । पक्राउ पर्नेहरुमा भारतीय नागरिक २३ वर्षका फहिमुद्दिन नासिमुद्दिन अन्सारी र नाइजेरियन नागरिक...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
नेकपा एमालेले सरकारलाई दिएको समर्थन फिर्ता लिने तयारी गरेको छ । मंगलबार साँझ बसेको एमाले सचिवालय बैठकले आजसम्म पदबाट राजीनामा गर्न प्रधानमन्त्री पुष्पकमल दाहाल प्रचण्डलाई...
प्रधानमन्त्री पुष्पकमल दाहाल प्रचण्डले लिम्पियाधुरा, कालापानी र लिपुलेक लगायत महाकाली पूर्वको सबै भूभाग नेपालको हो भन्ने कुरामा सरकार दृढ र स्पष्ट रहेको बताएका छन् । मंगल...
बैतडीको शिवनाथ गाउँपालिका १ कुस्मौता गडामुखस्थित महाकाली नदीमा बेपत्ता भएका दुई किशोरीमध्ये एक जनाको शव फेला परेको छ । सशस्त्र प्रहरी बलको टोलीले शनिबार एक किशोरीको शव फे...
दृष्टिकोण दैनिक सम्बाददाता