दार्चुला — नेपाली सेनाले निर्माण गरिरहेको महाकाली करिडोरको कोठेधार–टिंकर सडक खण्डमा बजेट अभाव भएको छ । सेनाले चालु आर्थिक वर्षमा लक्ष्यअनुसारको काम गर्न २५ करोड बजेट मागे पनि सरकारले कम बजेट उपलब्ध गराएपछि कामको गति घटेको छ ।
निर्माणाधीन महाकाली करिडोरअन्तर्गतको व्यास गाउँपालिका–५ स्थित धौलाकोट क्षेत्रमा खोलिएको ट्य्राक । तस्बिर स् मनोज बडूरकान्तिपुर
चालु आर्थिक वर्षमा सेनालाई यहाँको ट्र्याक खोल्न ९ करोड बजेट आएको थियो । उक्त बजेट अति कम भएको कोठेधार–टिंकर सडक आयोजनाका प्रमुख शिव केसीले बताए । यस सडक खण्डका ७र८ ठाउँमा काम भइरहेको छ ।
‘कामलाई तीव्र गतिमा अघि बढाउन बजेट पर्याप्त छैन । अहिले मकर संक्रान्ति पर्व मनाउन स्थानीय कामदार घर जाने क्रम चलेको छ,’ उनले भने । यस सडकखण्डमा करिब २ सय हाराहारीमा सेनाबाहेकका स्थानीयले दैनिक ज्यालादारीमा मजदुरी गरिरहेका छन् । बजेट अभावका कारण धेरैलाई ज्याला दिन सकिने अवस्था छैन । अहिले चट्टानी भूभागमा काम भइरहेकाले मेसिनको प्रयोग बढी भएको छ । आवश्यकताअनुसार सेना र सिभिल कामदार परिचालन गरिएको केसीको भनाइ छ ।
अहिले बजेट अभाव भएको भन्दै निर्माणको गति घटाएको स्थानीय जसमल विष्टले बताए । २५र३० जनाको समूह बनाएर सेनासँगै स्थानीयले मजदुरी गरिरहेका थिए । दुईरतीन दिनअघि सेनाले मजदुरको संख्या घटाउन समूहका नाइकेहरूलाई निर्देशन दिएको सुनेको उनको भनाइ छ । ‘सरकारले बजेट कम दिएको छ, कामदार घटाउन नाइकेहरूलाई भनेको सुनेका छौं,’ विष्टले भने, ‘केही दिनअघि टाढाबाट मजदुरी गर्न साइटमा पुगेका छन् । उनीहरूलाई अलपत्र पारिने जस्तो देखिएको छ ।’
गत वर्ष सेनाले करिब साढे ८ किलोमिटर सडकको ट्र्याक खोलेको आयोजना प्रमुख केसीले जनाए । हालसम्म १० किमिभन्दा बढी ट्र्याक खोलिसकिएको उनको भनाइ छ । सेनाले तोसरपानी, माल, कोठेधार, साङक्नाडी, दुम्लिङ, फुल्चिङ, आङदुक्ति, घट्टेखोला, कल्जुलगायतका ठाउँमा काम गरिरहेको छ । ठाउँ–ठाउँमा सडक ट्र्याक खोल्ने काम भइरहेको स्थानीय अरबिन्द्रसिंह विष्टले बताए । केही दिनमा तम्बाकुमा पनि सडकको ट्र्याक खोल्ने काम सुरु गर्ने तयारी रहेको उनको भनाइ छ । गत साता हेलिकोप्टरबाट मेसिन ढुवानी गरेर सेनाले ठाउँ–ठाउँमा पुर्याएर सडकको ट्र्याक खोल्ने काम गरिरहेको छ ।
सैनिक प्रवक्ता कृष्णप्रसाद भण्डारीले भने कोठेधार–टिंकर सडक खण्डमा सडकको ट्र्याक खोल्ने काम प्रभावित भएको कुनै जानकारी प्राप्त नभएको र नियमित निर्माण चलिरहेको बताए । अघिल्लो साता मात्र हेलिकोप्टरबाट ठाउँ–ठाउँमा ट्र्याक खोल्न मेसिन ढुवानी गरिएका छन् । अब उक्त सडक खण्डमा कामको गति बढ्न सक्ने उनको भनाइ छ ।
चालु आर्थिक वर्षमा टिंकर सडकको ट्र्याक खोल्न मागअनुसारको बजेट सरकारबाट प्राप्त हुन नसकेको उने उनले स्विकारे । ‘बजेट थप मागिएको छ । सरकारले बजेट थपे टिंकर सडक निर्माण अझ राम्रो गतिमा अघि बढाउन सकिन्छ,’ उनले भने ।
अघिल्लो महिनादेखि दुम्लिङदेखि माथिल्लो क्षेत्रमा ट्र्याक खोल्ने काम भएको आयोजना प्रमुख केसीले जनाए । कल्जु, तम्बाकुमा ट्र्याक खोल्न मेसिन ढुवानी गरिएको छ । केही महिनापछि दोपखे, पोला, बुदी क्षेत्रमा पनि ट्र्याक खोल्ने तयारी भइरहेको उनको भनाइ छ । माथिल्लो क्षेत्रमा हिमपात हुने भएकाले अहिले तीव्र गतिमा काम गर्नुपर्ने बाध्यता छ । वैशाखदेखि दोपखे–बुदी क्षेत्रमा काम गर्न थिमा सेनाको क्याम्प राख्ने काम भइरहेको छ । ‘त्यसयता तम्बाकु तलको क्षेत्रमा ट्र्याक खोल्ने काम हुन्छ,’ उनले भने, ‘माथिल्लो क्षेत्रमा जाने तयारीमा पनि सेना जुटेको छ । त्यसका लागि थिमा क्याम्प राखिरहेका छौं ।’
व्यास गाउँपालिका–२ स्थित थी क्षेत्रमा नेपाली सेनाले क्याम्प राख्ने भएको छ । कोठेधार–टिंकर सडक खण्डको काम गर्न यहाँ क्याम्प राख्न लागिएको सेनाले जनाएको छ । यसअघि पनि सेनाले तम्बाकु क्षेत्रमा घोडेटो बाटोको चट्टान फुटाउन थी क्षेत्रमा क्याम्प राखेर काम गरिसकेको छ । गत साता थीमा सेनाको बेसक्याम्प निर्माण गर्न हेलिकोप्टरमार्फत सामान ढुवानी गरिएको छ । सेनाको एमआई सेभेन्टिन हेलिकोप्टरले यस क्षेत्रमा बेसक्याम्प निर्माणका लागि निर्माण सामग्री झारेको नेपाली सेनाको विकास निर्माण कार्यदलले जनाएको छ ।
सेनाले दुई वर्षदेखि दार्चुला–टिंकर सडक निर्माण गर्दै आएको छ । सेनाको निर्माण कार्यदल आयोजनाको कार्यालय सुन्सेराबाट सडक निर्माण हुने विभिन्न ठाउँमा कम्प्रेसर मेसिनलगायत अन्य निर्माण सामग्री हेलिकोप्टरले ढुवानी गरेको हो । दार्चुला सदरमुकामदेखि टिंकर नाका जोड्न १३२ किमिमध्ये ८७ किमि
क्षेत्रमा नेपाली सेनाको विकास निर्माण कार्यदलले निर्माणको काम गरिरहेको छ । व्यास गाउँपालिका–३ तुसरपानीदेखि टिंकरसम्मको ८७ किमिमध्ये अहिलेसम्म करिब १० किमि सडकको ट्र्याक खोलिएको छ । कान्तिपुर बाट
एक किलो १०० ग्राम अवैध लागुऔषध कोकिनसहित दुई विदेशी नागरिक पक्राउ परेका छन् । पक्राउ पर्नेहरुमा भारतीय नागरिक २३ वर्षका फहिमुद्दिन नासिमुद्दिन अन्सारी र नाइजेरियन नागरिक...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
नेकपा एमालेले सरकारलाई दिएको समर्थन फिर्ता लिने तयारी गरेको छ । मंगलबार साँझ बसेको एमाले सचिवालय बैठकले आजसम्म पदबाट राजीनामा गर्न प्रधानमन्त्री पुष्पकमल दाहाल प्रचण्डलाई...
प्रधानमन्त्री पुष्पकमल दाहाल प्रचण्डले लिम्पियाधुरा, कालापानी र लिपुलेक लगायत महाकाली पूर्वको सबै भूभाग नेपालको हो भन्ने कुरामा सरकार दृढ र स्पष्ट रहेको बताएका छन् । मंगल...
बैतडीको शिवनाथ गाउँपालिका १ कुस्मौता गडामुखस्थित महाकाली नदीमा बेपत्ता भएका दुई किशोरीमध्ये एक जनाको शव फेला परेको छ । सशस्त्र प्रहरी बलको टोलीले शनिबार एक किशोरीको शव फे...
दृष्टिकोण दैनिक सम्बाददाता