काठमाडौ । विश्वको सबैभन्दा ठूलो लोकतान्त्रिक गणतन्त्र भारत आफ्नो ७४ औं गणतन्त्र दिवस मनाइरहेको छ। यस देशको विगतका ७३ वर्षको अनुभव र इतिहास नेपाललगायत विश्वका अन्य यस्ता देश, जो गणतन्त्र, संघीयता, संविधानको सर्वोच्चता एवं लोकतन्त्रमाथि विश्वास राख्दछन्, त्यसको निम्ति प्रेरणाको स्रोत हुन सक्दछ।
भारतको गणतान्त्रिक प्रणाली निकै बलियो छ। सन् १९५० देखि अहिलेसम्म निरन्तररुपमा यसको गणतान्त्रिक प्रणाली बलियो हुँदै गएको छ। यति ठूलो लोकतान्त्रिक देशमा जहाँ विभिन्न जाति, धर्म, सम्प्रदाय र वर्गका मानिस बसोवास गर्दछन्, त्यहाँको लोकतन्त्रमाथि आजसम्म कुनै पनि किसिमको गम्भीर चुनौतीको सामना गर्नुपर्ने अवस्था आएन। यो नै लोकतन्त्रको सबैभन्दा ठूलो सुन्दरता र बलियोपन हो। यो नै यथार्थमा लोकतान्त्रिक व्यवस्थाको परिचायक पनि हो।
भारतको गणतान्त्रिक प्रणाली निकै बलियो छ। सन् १९५० देखि अहिलेसम्म निरन्तररुपमा यसको गणतान्त्रिक प्रणाली बलियो हुँदै गएको छ।
वर्तमान अवस्थामा भारत विश्वको उदाउँदो शक्ति राष्ट्र हो। यसका अतिरिक्त विभिन्न क्षेत्रीय एवं अन्तर्राष्ट्रिय मञ्चमा यसले प्रभावकारी एवं निर्णायक भूमिकाको निर्वाह गरिरहेको छ। हालै गरिएको एक सर्वेक्षणको परिणाममा भारतका प्रधानमन्त्री नरेन्द्र मोदीलाई विश्वकै सर्वाधिक लोकप्रिय नेताको रुपमा देखाइएको छ। यो पनि भारतका लागि उपलब्धिकै विषय हो।
भारतमा अहिलेसम्म १६ पटक लोकसभाको चुनाव भइसकेको छ। चुनाव अघि सबै दलहरु एक अर्कामाथि आरोप प्रत्यारोप गर्दछन्, दोषारोपण गर्दछन् तर निर्वाचन पश्चात् जुन पार्टीको सरकार बन्दछ, त्यसलाई प्रतिपक्षी दलहरुले स्वीकार गर्दछन्। यो नै लोकतन्त्रको सौन्दर्य हो। यसले नै गणतान्त्रिक व्यवस्थालाई बलियो बनाउँछ। जुन संविधानको अधीनमा रहेर राजनीतिक दललाई काम गर्नु पर्नेछ, त्यसै अनुरुप काम गरिरहेका हुन्छन्। यस्तो अवस्थामा देशको प्रगति पनि हुन्छ तर कतिपय देशमा यस्तो हुँदैन। लोकतन्त्रमाथि सेनाले कब्जा गरेको उदाहरण दक्षिण एशियाकै केही देशमा हेर्न पाइन्छ।
यति ठूलो लोकतान्त्रिक देशले आजसम्म कुनै पनि किसिमको गम्भीर चुनौतीको सामना गर्नुपर्ने अवस्था आएन। यो नै सबैभन्दा ठूलो सुन्दरता र बलियोपन हो।
सरकारविरुद्धमा जनता सडकमा आउँछन् र कहिलेकाही आन्दोलन र निरंकुश शासकका कारण पनि लोकतन्त्रलाई नै संकटमा पारिन्छ। लोकतान्त्रिक तरिकाले चुनिएको सरकारलाई हटाउन लगाएर अर्को व्यक्तिले सत्ताको बागडोर आफ्नो हातमा लिन्छ। तर भारतमा आजसम्म यस्तो अवस्था आएको छैन। नत भविष्यमा हुने सम्भावना नै छ किनभने भारतको गणतन्त्रको जग बलियो छ। सबैको आ(आफ्नो कार्यक्षेत्र विभाजन गरिएको छ। सबैले आफ्नो परिधिभित्र रहेर काम गर्ने प्रणाली विकसित बनेको छ। विविधतामा पनि एकताको सन्देश यसको विशेषता हो।
भारतीय गणतन्त्रको अवधारणाबारे चर्चा गर्दा यो कुरा पनि हाम्रो मस्तिष्कमा परिक्रमा गरिरहेको हुन्छ कि गणतन्त्र र लोकतन्त्रमा भिन्नता छ कि छैन। भारत सन् १९४७ अगस्त १५ मा स्वतन्त्र भइसकेको थियो। तर जुन दिन भारतले आफ्नो संविधान लागु गर्यो, त्यसै दिन गणतन्त्र अथवा रिपब्लिक भारतको घोषणा गरियो। त्यसै दिन तत्कालीन भारतीय प्रधानमन्त्री पण्डित जवाहरलाल नेहरुले रावी नदीको किनारामा पूर्ण स्वराजको घोषणा गरेका थिए।
भारत सन् १९४७ अगस्त १५ मा स्वतन्त्र भइसकेको थियो। तर जुन दिन भारतले आफ्नो संविधान लागु गर्यो, त्यसै दिन गणतन्त्र अथवा रिपब्लिक भारतको घोषणा गरियो।
भारतवर्षमा गणतान्त्रिक प्रणालीको प्रमाण गौतम बुद्धको कालमा पनि रहेको पाइन्छ। स्वयम् सिद्धार्थ पनि एउटा गणराज्यमै जन्मेका थिए। कौटिल्यको अर्थशास्त्रमा गणराज्यको शक्ति तथा कमजोरीको तुलनात्मक विश्लेषण राजतन्त्रसँग गरिएको पाइन्छ। गणतान्त्रिक राज्य सत्ता मौर्य साम्राज्यको स्थापनासँगै समाप्त हुन पुग्यो।
आदिवासीको बसोवास भएको क्षेत्रमा यसको चर्चा गर्नु खासै सान्दर्भिक पनि नहोला। गणतन्त्र र जनतन्त्रको सम्बन्धबारे बुझ्नु आवश्यक छ। बेलायतमा राजतन्त्र छ, गणतन्त्र छैन। तर जनतन्त्र निर्विवादरुपले छ। संयुक्त राज्य अमेरिकामा गणतन्त्र पनि छ र जनतन्त्र पनि छ। फ्रान्सेली क्रान्तिपश्चात् त्यहाँ समय(समयमा रुपान्तरित शासन पनि आयो तर पनि त्यहाँ गणतन्त्र र जनतन्त्र दुबै रही रह्यो।
कमनवेल्थका अनेकौ देशहरु क्यानडा, अष्ट्रेलिया र न्यूजील्यान्डमा जनतन्त्र त छ तर गणतन्त्र छैन किनभने यी राष्ट्रहरु बेलायतकी महारानी एलिजावेथलाई राष्ट्र प्रमुख मान्ने गर्दछन्। अर्कोतिर उत्तर कोरियाले आफ्नो देश पनि जनगणतान्त्रिक राज्य भएको दाबी गर्दछ तर यसको कसौटीमा कहिल्यै ऊ सफल भएको छैन। साम्यवादी शक्तिको उत्कर्षका बेला केन्द्रीय जनतन्त्रको परिकल्पनालाई प्रचार गरिएको थियो।
राष्ट्र एकीकरण र राष्ट्रिय एकताको प्रक्रियालाई कायम राख्दै यसलाई प्रोत्साहित र संरक्षण गर्नुपर्ने चुनौती पनि थियो। पण्डित नेहरुको विचार र कर्तव्यका कारण यो फलीभूत पनि भएको हेर्न सकिन्छ।
माओवादी चिनियाँ क्रान्तिपश्चात् त्यस देशको नामाकरण पनि जनवादी गणतन्त्रको रुपमा गरियो। सोभियत संघ त गणराज्यको एकीकृत संघ थियो। तर उपरोक्त कुराहरु पाठ्यपुस्तकमै सीमित छन्। आज पनि जनमानस गणतन्त्र र जनतन्त्रलाई एकअर्काको पर्यायवाची मान्ने गर्दछन् र यिनीहरुका निम्ति यस शब्दको एउटै अर्थ हो, त्यो हो स्वाधीनता।
भारतले स्वाधीनता प्राप्त गरेपछि त्यति बेला पनि उ सामु ठूलो चुनौती थियो। निकै बाधा, चुनौती र राष्ट्र विखण्डनको खतरा पनि थियो। राष्ट्र एकीकरण र राष्ट्रिय एकताको प्रक्रियालाई कायम राख्दै यसलाई प्रोत्साहित र संरक्षण गर्नुपर्ने चुनौती पनि थियो। यसको निम्ति एउटा जागरुक तथा विचारधारात्मक प्रयासको निरन्तरता आवश्यक थियो। पण्डित नेहरुको विचार र कर्तव्यका कारण यो फलीभूत पनि भएको हेर्न सकिन्छ।
धर्मनिरपेक्ष भारतको जगलाई बलियो बनाउनका निम्ति गरिनेछ। जसले गर्दा भारत एउटा स्थिर, आधुनिक र लोकतान्त्रिक गणतान्त्रिक देश बन्न सकोस्।
नेहरुको विचारमा लोकतन्त्रमात्रै होइन, गणतन्त्र पनि थियो, जसमा वृहत्को शासन हुन्छ साथै समावेशिता पनि। नेहरुको स्पष्ट मान्यता थियो कि भारतमा पाकिस्तानको नीति लागू गर्न सकिदैन। यहाँ निर्वाचनको प्रयोग एउटा हिन्दु भारत होइन, अपितु धर्मनिरपेक्ष भारतको जगलाई बलियो बनाउनका निम्ति गरिनेछ। जसले गर्दा भारत एउटा स्थिर, आधुनिक र लोकतान्त्रिक गणतान्त्रिक देश बन्न सकोस्।
भारत लोकतन्त्र अथवा गणतन्त्र मात्रै नभई एउटा लोकान्त्रिक गणतन्त्र हो। नेहरुको गणतन्त्रको अवधारणामा भारतका प्रत्येक नागरिकको आवाज र अधिकारलाई सुरक्षित गर्नु थियो। कुनै एउटा दलको विचार र प्रधानतालाई उनले स्वीकार गरेका थिएनन्। लोकतन्त्रमा संवाद र छलफलको महत्वलाई उनले बुझेका थिए। आफ्नो सिद्धान्तप्रति दृढ रहँदै उनले अन्य दलको विचारलाई स्वीकार गर्नमा पनि उत्साह देखाउँथे। नेहरुको युगलाई आशा र उपलब्धिले भरिएको युगको रुपमा लिन सकिन्छ।
भारतमा जनवादको सुदृढ स्थापना ठूलो उपलब्धि हो। जनवादको स्थापनाको थालनी सन् १९४७ मा संविधान निर्माण प्रक्रियाबाट सुरु भयो र २६ जनवरी १९५० मा संविधान लागू भएपश्चात् सन् १९५१(५२ मा भएको पहिलो आम चुनावपश्चात् भारतको जनवादले ठूलो फड्को मार्यो र यो चुनाव पुरै विश्वमा जनवादको निम्ति गरिएको सबैभन्दा ठूलो प्रयास थियो। १७ करोड ३० लाख भारतीय मतदातामध्ये अधिकांश गरिब, अशिक्षित र ग्रामीण थिए तर ती जनताले व्यक्त गरेका आदेश अथवा जनादेश ऐतिहासिक थियो।चुनावभन्दा केही अघि मात्रै
भारतमा जनवादको सुदृढ स्थापना ठूलो उपलब्धि हो। जनवादको स्थापनाको थालनी सन् १९४७ मा संविधान निर्माण प्रक्रियाबाट सुरु भयो र २६ जनवरी १९५० मा संविधान लागू भएपश्चात् सन् १९५१(५२ मा भएको पहिलो आम चुनावपश्चात् भारतको जनवादले ठूलो फड्को मार्यो।
भारतीय कम्युनिष्ट पार्टीले विद्रोहमार्फत् सत्ता परिवर्तन गर्ने नीति लिएको थियो तथा बन्न लागेको संविधानको संरचनाको विपक्षमा थियो तर चुनावमा जनताले यिनमाथि पत्यार गरेनन्। पहिलो चुनावमै भारतका मतदाताले गरेको परिपक्व निर्णयले भारतको गणतन्त्र तथा जनतन्त्रलाई बलियो बनाउँदै लगेको छ।
नागरिक सशक्तीकरण, कानुनको राज्य, शासनको जवाफदेही, जनताप्रति जिम्मेवारी आदि बाह्य आवरण जे भए पनि वंशवादी, जातिवादी, गुटबन्दी, तानाशाही जस्ता समाजलाई विषयमताको शिकार बनाउने खालका नीति र सामन्ती संस्कारको निम्ति न त गणतन्त्रमा कुनै स्थान छ, न त जनतन्त्रमा नै। समस्याको मूल यहीबाट प्रारम्भ हुन्छ। जातिवाद, परिवारवाद अथवा गुटबन्दी राजनीतिमा लोकतन्त्र बलियो रहन सक्दैन। बढ्दो जातिवाद, परिवारवाद एवं सीमित स्वार्थप्रतिको प्राथमिक प्रतिबद्धता भएमा वंशवादी जनतन्त्र विकसित हुन्छ र यही विकृत अनुहारको जनतन्त्रका कारण हाम्रा निर्वाचित जनप्रतिनिधि नयाँनयाँ राजा महाराजा बनिसकेका छन्। संविधानको दिशा र भाषा स्पष्ट छैन भने यो शब्दको जंगल मात्रै सावित हुन्छ र देशलाई बेलाबेलामा अध्यारोबाट मुक्ति पाउन विभिन्न किसिमका परिश्रमहरु गर्नुपर्ने हुन्छ।
संविधानको निर्माणमा अल्पकालीन सोच होइन दीर्घकालीन सोच राख्नु पर्दछ। जस्तो कि भारतका संविधान निर्माताले दूरदर्शिता देखाएका थिए। संविधान जारी भएको ७३ वर्षपछि पनि संविधानमाथि कसैले औंला ठड्याउने आवश्यकता महसुस गरेन्।
संविधानको निर्माणमा अल्पकालीन सोच होइन दीर्घकालीन सोच राख्नु पर्दछ। जस्तो कि भारतका संविधान निर्माताले दूरदर्शिता देखाएका थिए। संविधान जारी भएको ७३ वर्षपछि पनि संविधानमाथि कसैले औंला उठाएनन् ।
भारत स्वाधीन भएपछि केही पश्चिमेली देशका विश्लेषक आशंकित थिए कि आन्तरिक क्षमता, राजनीतिक परिपक्वता र लोकतान्त्रिक मूल्यप्रति यहाँका राजनीतिक दल र नेताहरु प्रतिबद्ध रहनेछन् कि छैनन तर भारतीय राष्ट्रिय कांग्रेसमा राष्ट्रवादी सोचका नेताहरुको आधिक्यता थियो तथा भारतीय जनताले पनि यिनमाथि ठूलो विश्वास गरेका थिए।
परिणामस्वरुप भारत जस्तो बहुलवादी र सामाजिक विषयमताले भरिएको देशमा लोकतन्त्र सफल सावित भइरहेको छ। एउटा अर्को पनि विचारणीय पक्ष के छ भने अधिकांश औपनिवेशिक देशमा स्वाधिनताका निम्ति आम जनता मिलेर भाग लिए तथा राष्ट्रिय आन्दोलन चलाए तर देश स्वतन्त्र भएपछि प्रतिपक्षी दलमाथि प्रतिबन्ध लगाउने काम भयो तथा लामो समयसम्म एउटै पार्टी सत्तामा रहिरहे तर भारतमा भने अन्य दलको जनाधारलाई विकसित गर्नमा रोक लगाउने काम भएन। फलस्वरुप कर्मचारीतन्त्र अथवा सेनाले सत्तामाथि कब्जा जमाउन सकेन। क्षेत्रीय राजनीतिक दलको जनाधारमा पनि अभिवृद्धि भएको छ। राज्यद्वारा स्वायत्तताको माग गर्ने काम बढेको छ। सुशासनको माग पनि बढेको छ र सुशासन बलियो पनि भएको छ।
भारतको लोकतन्त्र र गणतन्त्र विश्वमै प्रशंसनीय एवं अनुकरणीय छ। गणतन्त्र निरन्तर रुपमा बलियो बन्ने विश्वास भारत विश्व जगतले गरेको छ ।
भारतले जनताका माग अनुसार समय(समयमा नयाँ(नयाँ प्रदेशको गठन गरी जनताको चाहना र असन्तुष्टिलाई सम्बोधन गरेको छ। भारतमा केन्द्र सरकार होइन प्रान्तीय सरकारलाई बलियो बनाउने काम भएको छ। फलस्वरुप त्यहाँको लोकतन्त्र र गणतन्त्र विश्वमै प्रशंसनीय एवं अनुकरणीय छ। भारतको गणतन्त्र निरन्तर रुपमा बलियो हुदै जाने विश्वास भारत लगायत विश्व जगतको पनि रहेको छ। खबरहब बाट
एक किलो १०० ग्राम अवैध लागुऔषध कोकिनसहित दुई विदेशी नागरिक पक्राउ परेका छन् । पक्राउ पर्नेहरुमा भारतीय नागरिक २३ वर्षका फहिमुद्दिन नासिमुद्दिन अन्सारी र नाइजेरियन नागरिक...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
नेकपा एमालेले सरकारलाई दिएको समर्थन फिर्ता लिने तयारी गरेको छ । मंगलबार साँझ बसेको एमाले सचिवालय बैठकले आजसम्म पदबाट राजीनामा गर्न प्रधानमन्त्री पुष्पकमल दाहाल प्रचण्डलाई...
प्रधानमन्त्री पुष्पकमल दाहाल प्रचण्डले लिम्पियाधुरा, कालापानी र लिपुलेक लगायत महाकाली पूर्वको सबै भूभाग नेपालको हो भन्ने कुरामा सरकार दृढ र स्पष्ट रहेको बताएका छन् । मंगल...
बैतडीको शिवनाथ गाउँपालिका १ कुस्मौता गडामुखस्थित महाकाली नदीमा बेपत्ता भएका दुई किशोरीमध्ये एक जनाको शव फेला परेको छ । सशस्त्र प्रहरी बलको टोलीले शनिबार एक किशोरीको शव फे...
दृष्टिकोण दैनिक सम्बाददाता