बेइजिङ । चीनमा पछिल्लो समय सेलिब्रेटीहरूको मृत्युको खबर बाहिरिएसँगै सर्वसाधारणमा कोभिडको त्रास बढेको जनाइएको छ । चीनकी चर्चित गायिका चु लानलानको डिसेम्बर अन्त्यमा ४० वर्षको उमेरमा मृत्यु भएको खबर बाहिरिएपछि अधिकांश आश्चर्यमा परेका थिए । सर्वसाधारणहरूले उनको निकै कम उमेरमा मृत्यु भएको र त्यसको कारण सम्भावित कोभिड संक्रमण हुन सक्ने आकलन गरेका जनाइएको छ ।
चुको परिवारले उनको ‘अप्रत्याशित मृत्युले निकै दुःखी तुल्याएको’ जनाएको भए पनि मृत्युको कारणबारे केही उल्लेख गरेको छैन । भाइरसको संक्रमण फैलिएसँगै ‘शून्य–कोभिड नीति’ अख्तियार गरेको चीनले गत डिसेम्बरमा लचिला नियमहरू ल्याएको थियो । त्यसयता चीनमा भाइरसको संक्रमण तथा मृत्युदर ह्वात्तै बढेको जनाइएको छ ।
पछिल्लो समय अस्पतालहरूमा संक्रमितको भीड बढेको स्वास्थ्यकर्मीहरूले जनाएका छन् । नयाँ सब–भेरिएन्ट ‘बीएफ–७’ तीव्र रूपमा फैलिएको र त्यसका कारण अस्पतालहरूका सघन उपचार कक्ष भरिएका विश्व स्वास्थ्य संगठन ९डब्लूएचओ० को दाबी छ ।
चीनले भने पछिल्लो समय संक्रमित र ज्यान गुमाएकाहरूबारे तथ्यांक सार्वजनिक गर्न बन्द गरेको छ । डिसेम्बरयता २२ जनाले भाइरसको संक्रमणबाट ज्यान गुमाएका चिनियाँ अधिकारीहरूको भनाइ छ ।
डब्लूएचओले चीनमा बढिरहेको संक्रमण ‘चिन्ताजनक’ भएको जनाउँदै संक्रमणको गम्भीरता, अस्पताल भर्ना दर र आईसीयूको आवश्यकताबारे तथ्यांक उपलब्ध गराउन चीन सरकारसँग पटक–पटक आग्रह गरिसकेको छ ।
त्यसका साथै, भाइरसविरुद्धको खोपको प्रयोग व्यापक पार्न संगठनले चीन सरकारसमक्ष माग गरेको छ । तर चु लगायत सेलिब्रेटीको मृत्युले भने चीनमा सरकारी अधिकारीले जनाएको भन्दा भयावह स्थिति रहेको दाबी गरिएको छ । नयाँ वर्षको दिनमा अभिनेता गोङ्ग जिन्ताङको पनि मृत्यु भएको थियो । ८३ वर्षीय गोङ्ग चीनकै लामो टेलिभिजन शृंखला ‘इन–लज, आउट लज’ बाट निकै लोकप्रिय भएका थिए । उनको मृत्युको अझैसम्म प्रस्ट भइसकेको छैन, तर सामाजिक सञ्जाल प्रयोगकर्ताले भने यसलाई कोभिड संक्रमणसँग जोडेका छन् ।
‘हे भगवान्, वृद्ध मानिसहरूको राम्रोसँग उपचार गर,’ गोङ्गसँगै काम गरेका हु यानफेनले चिनियाँ सामाजिक सञ्जाल विबोमा लेखेका छन् । त्यस्तै, चर्चित पटकथा लेखक नी झेनको पनि ८४ वर्षको उमेरमा सोमबार मृत्यु भएको छ । पूर्व पत्रकार तथा नान्जिङ विश्वविद्यालयका पूर्वप्राध्यापक हु फुमिङ पनि हालै ज्यान गुमाउनेमध्येमा छन् । डिसेम्बर २१ देखि २६ सम्म १६ जना वैज्ञानिक तथा इन्जिनियरहरूले ज्यान गुमाएका बताइएको छ । तर उनीहरूमध्ये कसैको पनि कोभिडका कारण मृत्यु भएको जनाइएको छैन । पछिल्लो समय भाइरसको संक्रमण फैलिएसँगै अमेरिका, भारत, जापान भारतलगायत देशले चीनबाट आउने यात्रुहरूका हकमा कडा नियम जारी गरिसकेका छन् ।
एक किलो १०० ग्राम अवैध लागुऔषध कोकिनसहित दुई विदेशी नागरिक पक्राउ परेका छन् । पक्राउ पर्नेहरुमा भारतीय नागरिक २३ वर्षका फहिमुद्दिन नासिमुद्दिन अन्सारी र नाइजेरियन नागरिक...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
नेकपा एमालेले सरकारलाई दिएको समर्थन फिर्ता लिने तयारी गरेको छ । मंगलबार साँझ बसेको एमाले सचिवालय बैठकले आजसम्म पदबाट राजीनामा गर्न प्रधानमन्त्री पुष्पकमल दाहाल प्रचण्डलाई...
प्रधानमन्त्री पुष्पकमल दाहाल प्रचण्डले लिम्पियाधुरा, कालापानी र लिपुलेक लगायत महाकाली पूर्वको सबै भूभाग नेपालको हो भन्ने कुरामा सरकार दृढ र स्पष्ट रहेको बताएका छन् । मंगल...
बैतडीको शिवनाथ गाउँपालिका १ कुस्मौता गडामुखस्थित महाकाली नदीमा बेपत्ता भएका दुई किशोरीमध्ये एक जनाको शव फेला परेको छ । सशस्त्र प्रहरी बलको टोलीले शनिबार एक किशोरीको शव फे...
दृष्टिकोण दैनिक सम्बाददाता