काठमाडौं । पहिलो कार्यकालको प्रधानमन्त्री को भन्ने विवादले सत्ता गठबन्धन संकटमा पर्न थालेपछि प्रधानमन्त्री एवं कांग्रेस सभापति शेरबहादुर देउवाले निकटस्थ नेतासँग पार्टीमा छलफल शुरु गरेका छन् । गठबन्धनको बैठक बस्नुअघि देउवाले पार्टीभित्र आन्तरिक छलफल गरेका हुन् ।
संविधानको धारा ७६ (२) बमोजिम को प्रधानमन्त्रीका लागि नाम सिफारिस गर्न राष्ट्रपति विद्या भण्डारीले दिएको समय सकिनै लाग्दा आइतवार गठबन्धनको बैठक बस्दैछ । गठबन्धनको बैठकअघि देउवाले पार्टीमा छलफल गरेका हुन् ।
देउवा निकट कांग्रेसका एक केन्द्रीय सदस्यले दुईवटा विकल्पबारे पार्टीमा छलफल चलिरहेको बताए । ‘२०७४ सालमा एमाले र माओवादीबीच भएको सत्तासाझेदारीलाई आधार मानेर सहमति गरौँ भन्ने कांग्रेसको प्रस्ताव हो’ कांग्रेसका प्रभावशाली नेताले भने, ‘गठबन्धन टुट्ने अबस्थामा पहिलो कार्यकालको प्रधानमन्त्री प्रचण्डलाई छाडेर राष्ट्रपति र प्रधानमन्त्री हामीले लिनुपर्छ भन्ने दोस्रो विकल्पमा पनि छलफल भइरहेको छ ।’
संविधानकोे धारा ७६ (३)को विकल्पमा भने कांग्रेसले सोचिनसकेको ती नेताले बताए । ‘अहिले हामी गठबन्धन कसरी जोगाएर सरकार बनाउने भन्ने विकल्पमा छौं, भोलि विश्वासको मत प्राप्त गर्ने आधार नबनी तेस्रो विकल्पमा जाँदैनौं’ उनले भने ।
सहमतिको प्रयासका लागि देउवाले हिजो पनि पार्टीका नेतालाई प्रचण्डसँग छलफलमा सहभागि गराएका थिए । शनिवार राति गठबन्धनको बैठकपछि नेपाली कांग्रेसका नेता ज्ञानेन्द्र बहादुर कार्कीले आइतवार सहमति हुने दावी गरेका थिए ।
कांग्रेससँग सहमति जु्टन नसकिरहेको बेला माओवादीले एमालेसँग पनि अनौपचारिक ढंगले समानान्तर छलफल गरिरहेको छ ।
एक किलो १०० ग्राम अवैध लागुऔषध कोकिनसहित दुई विदेशी नागरिक पक्राउ परेका छन् । पक्राउ पर्नेहरुमा भारतीय नागरिक २३ वर्षका फहिमुद्दिन नासिमुद्दिन अन्सारी र नाइजेरियन नागरिक...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
नेपाल कम्युनिष्ट पार्टी (एकीकृत समाजवादी) ले यही असारभित्र केन्द्रीय कमिटीलाई पूर्णता दिने भएको छ । भूगोल, क्षेत्र तथा सन्तुलन मिलाएर नेताहरूको योगदान र क्षमताका मूल्याङ्...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
नेकपा एमालेले सरकारलाई दिएको समर्थन फिर्ता लिने तयारी गरेको छ । मंगलबार साँझ बसेको एमाले सचिवालय बैठकले आजसम्म पदबाट राजीनामा गर्न प्रधानमन्त्री पुष्पकमल दाहाल प्रचण्डलाई...
प्रधानमन्त्री पुष्पकमल दाहाल प्रचण्डले लिम्पियाधुरा, कालापानी र लिपुलेक लगायत महाकाली पूर्वको सबै भूभाग नेपालको हो भन्ने कुरामा सरकार दृढ र स्पष्ट रहेको बताएका छन् । मंगल...
दृष्टिकोण दैनिक सम्बाददाता