दार्चुला : सामाजिक सेवाको क्षेत्रमा क्रियाशिल गैरसरकारी संस्था गुड नेवर्स इन्टरनेशनल नेपाल र दार्चुला विकास संगठनले दुहुँ गाउँपालिकाका विद्यालय र स्वास्थ्य संस्थाहरुमा सामग्री सहयोग गरेको छ । दुहुँ गाउँपालिका वडा नम्बर ३ मा रहेको लटिनाथ आधारभूत विद्यालय धामीबोहरीगाउँका विद्यार्थीहरुलाई विद्यालय पोसाक र शैक्षिक सामग्री वितरण गरिएको छ । बिहीवार एक कार्यक्रमका बीच विद्यार्थीहरुलाई पोसाक र शैक्षिक सामग्री वितरण गरिएको हो । गाउँपालिकाको साझेदारीमा जिएनआइले धामीबोहरीगाउँका ४९ जना विद्यार्थीलाई विद्यालय पोसाक, जुत्ता, मोजा, कापी, पेन्सिल लगायत शैक्षिक सामग्री सहयोग गरेको कार्यक्रम संयोजक खडक बोहराले जानकारी दिए ।
यस्तै गुड नेवर्स इन्टरनेशनल नेपालको आर्थिक सहयोग तथा सिआरडीएस नेपालको साझेदारीमा दुहुँ गाउँपालिका–३ लटिनाथ आवि धामी बोहरीगाउँको २ कोठे विद्यालय भवन निर्माण भइरहेको छ । जिएनआइको १० लाख सहयोग र दुहुँ गाउँपालिकाको १५ लाख लागतमा २ कोठे विद्यालय भवन निर्माण भइरहेको हो । उक्त निर्माणाधिन विद्यालय भवनको कार्य प्रगतिको समेत निरीक्षण अनुगमन गरिएको कार्यक्रम संयोजक बोहराले बताए । गुड नेवर्स इन्टरनेशनल नेपालले दुहुँ गाउँपालिकाका ३ सय बालबालिकालाई सहयोग गरेको जनाइएको छ ।
यस्तै साझेदारी संस्थाका रुपमा रहेको दार्चुला विकास संगठनले दुहुँ गाउँपालिका वडा नम्बर २, ४ र ५ का स्वास्थ्य संस्थाहरुमा स्वास्थ्य उपकरण सहयोग गरेको छ । वडा नम्बर ४ को धारी स्वास्थ्य चौकी र वडा नम्बर २ को हिकिला स्वास्थ्य चौकीलाई स्वास्थ्य सामग्रीका साथै उपकरण हस्तान्तरण गरिएको जनस्वास्थ्य सहायक माधव धामीले बताए । वडा नम्बर ५ को मखमली गाउँघर क्लिनिकलाई व्यवस्थापकीय सामग्री हस्तान्तरण गरिएको छ । यस्तै दुहुँ गाउँपालिका–२ स्थितको कम्दा आविमा खानेपानीको व्यवस्थापन गरिएको छ ।
शैक्षिक सामग्री र स्वास्थ्य उपकरण हस्तान्तरण कार्यक्रममा दुहुँ गाउँपालिका उपाध्यक्ष शान्ती बम, गाउँपालिकाका निमित्त प्रमुख प्रशासकीय अधिकृत भागा बडाल, वडा नम्बर ३ का अध्यक्ष देब बहादुर बम, वडा नम्बर ४ का अध्यक्ष कृष्ण सिंह लोथ्याल, शिक्षा शाखा प्रमुख लोकेन्द्र बहादुर बम, स्वास्थ्य शाखा प्रमुख दिलिप सिंह महरा, गुड नेवर्स इन्टरनेशनल नेपाल दार्चुलाका कार्यक्रम संयोजक खडक बोहरा, अफिसर टिका चौधरी, जिएनआइ÷सीआरडीएस का शिक्षा तथा संरक्षण अधिकृत उदय बोहरा, दार्चुला विकास संगठन÷जिएनआइका जनस्वास्थ्य सहायक माधव धामीको सहभागिता रहेको थियो ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता