दार्चुला । दार्चुलामा विभिन्न कार्यक्रमको आयोजना गरी लैंगिक हिंसा विरुद्धको १६ दिने अभियान समापन गरिएको छ । नोबेम्बर २५ देखि डिसेम्बर १० तारिक अर्थात मङ्सिर ९ गतेदेखि २५ गतेसम्म मनाइएको लैंगिक हिंसा विरुद्धको अभियान अन्तरगत विभिन्न स्थानीय तहमा सन्देशमूलक कार्यक्रमको आयोजना गरिएको हो ।
महाकाली नगरपालिकाको आयोजनामा लैंगिक हिंसा विरुद्धको १६ दिने अभियानको समापन कार्यक्रममा जिल्ला अस्पताल दार्चुलाका बिरामीहरुलाई फलफुल र महेन्द्र नमुना माबिमा आश्रीत १३ जना बालबालिकालाई जुत्ता र पोशाक वितरण गरिएको छ । नगरउपप्रमुख दुर्गा कुमारी खत्री बिष्टको अध्यक्षतामा आयोजित कार्यक्रममा नगरप्रमुख नरसिंह चैसीरको प्रमुख आतिथ्यता रहेको थियो । महिलाअधिकारकर्मीहरु गौरी बडाल, हिरादेबी अवस्थी, राधिका अवस्थी, महिला बालबालिका तथा जेष्ठ नागरिक शाखा प्रमुख निर्मला कुवँर लगायतको आतिथ्यतामा अन्तरक्रिया कार्यक्रमको समेत आयोजना गरिएको महाकाली नगरपालिका स्वास्थ्य शाखामा कार्यरत लालजिरा भट्टले जानकारी दिनुभयो ।
अभियान अन्तरगत शुक्रबार दुहुँ गाउँपालिकामा महिलाहरुलाई लैंगिक हिंसा नियन्त्रण सम्बन्धि जनचेतना प्रदान गरिएको छ । पछिल्लो समय महिला माथी हुने सबै प्रकारका हिंसाहरु न्युनिकरणका लागि महिला आफै सचेत र सक्षम हुनुपर्नेमा अधिकारकर्मी गौरी बडालले जोड दिनुभयो । अहिलेसम्म महिलाहरुले हिंसा सहन गर्नाले मात्रै हिंसाका घट्नाहरु खासै बाहिर नआउने गरेको पाइएको छ, उहाँले भन्नुभयो, हिंसा नियन्त्रण गर्न पितृसत्तात्मक सोच र समाजले महिलालाई हेर्ने दृष्टिकोण परिवर्तन गर्न जरुरी छ । १०६ जना महिलाको सहभागिता रहेको उक्त कार्यक्रममा अधिवक्ता कृष्णसिंह महराले लैंगिक हिंसा न्युनिकरण गर्ने उपाय तथा कानुनी प्रक्रियाका बारेमा जानकारी गराउनु भएको थियो ।
लेकम गाउँपालिकामा विभिन्न कार्यक्रमको आयोजना गरी लैंगिक हिंसा विरुद्धको १६ दिने अभियान मनाइएको गाउँपालिका उपाध्यक्ष माधवी जोशीले बताउनुभयो । अभियान अन्तरगत सोमबार रातामाटामा पालिकास्तरीय डेउडा प्रतियोगिताको आयोजना गरिएको थियो । छ वटै वडाबाट नाराजुलुस तथा र्यालीसहित रातामाटा पुगेका महिलाहरुले दिनभरी महिला हिसांविरुद्ध सन्देशमुलक डेउडा खेलेका थिए । ११ जना डेउडीया सहभागि प्रतियोगितात्मक डेउडाको उपाधी वडा नम्बर ६ सिरोडाका गंगा खत्रीले पाउनुभयो । अभियान अन्तरगत लेकमका सबै वडामा महिला सञ्जाल गठन र सन्देशमुलक कार्यक्रमको आयोजना गरिएको लेकम गाउँपालिका महिला, बालबालिका तथा जेष्ठ नागरिक शाखा प्रमुख कबिता जोशीले बताउनुभयो ।
अभियान अन्तरगत विभिन्न पालिकामा महिला बालबालिका बिरुद्ध हुने घरेलु हिंसा, जबरजस्तिकरणी, बालबिबाह, बहुबिबाह लगायत हिंसा न्युनिकरणका उपाय तथा कानूनी प्रावधान सम्बन्धि सचेतनामुलक कार्यक्रमको आयोजना गरिएको छ ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता