दार्चुला । नेपाल कम्युनिष्ट पार्टी ९एमाले० ले मतदातालाई धन्यबाद ज्ञापन गर्न र कार्यकर्ताहरुसंग भेटघाट गर्न दार्चुलाका नौँ वटै स्थानीय तहमा धन्यबाद सभाको आयोजना गर्ने भएको छ । मतदातासंग भेटघाट गरेर धन्यवाद ज्ञापन गर्न सबै पालिकामा भेलाको आयोजना गर्ने तयारी भइरहेको नेकपा एमाले जिल्ला कमिटी उपसचिव एबं प्रचार विभाग प्रमुख खडक बडालले जानकारी दिनुभयो ।
मंसिर ४ गते सम्पन्न प्रतिनिधिसभा र प्रदेशसभा निर्वाचनमा समृद्ध नेपाल सुखी नेपालीको अभियानलाई साथ दिदै नेकपा एमालेलाई माया गरि मतदान गर्नु हुने सम्पुर्ण मतदाताहरुलाई भेटेर धन्यबाद ज्ञापन गर्ने र कार्यकर्ताहरुसंग समेत भेटघाट गर्ने उद्धेश्यले भेलाको आयोजना गर्ने तयारी भइरहेको उहाँले बताउनुभयो । मतदाता भेटघाट तथा धन्यवाद ज्ञापन कार्यक्रमका लागि एमाले दार्चुलाले समय तालिका समेत सार्वजनिक गरेको छ ।
मंसिर २० गते विहान ११ वजे ब्याँस गाउँपालिकाको सुन्सेरामा र दिउँसो २ वजे दुहुँ गाउँपालिकाको हिकिलामा भेलाको आयोजना हुनेछ । मंसिर २१ गते विहान ११ वजे नौगाड गाँउपालिकाको होपरिगाडमा र दिउँसो २ बजे मार्मा गाउँपालिकाको लटीनाथमा भेलाको आयोजना हुनेछ । यस्तै मंसिर २२ गते दिउँसो १२ वजे अपी हिमाल गाउँपालिकाको खण्डेश्वरीमा, मंसिर २३ गते विहान ११ शैल्यशिखर नगरपालिकाको गोकुलेश्वरमा र मंसिर २३ गते दिउँसो २ बजे लेकम गाउँपालिकाको चौपातामा भेलाको आयोजना गरिएको छ । मंसिर २४ गते विहान ११ बजे मालिकार्जुन गाउँपालिकाको मडमा र दिउँसो २ वजे महाकाली नगरपालिकाको खलंगामा भेलाको आयोजना गरिएको एमाले दार्चुलाले सार्वजनिक सूचनामार्फत जानकारी गराएको छ ।
सबै पालिकामा मतदाता भेटघाट तथा कार्यकर्ता भेला सम्पन्न गरेर जिल्ला कमिटी बैठक मंसिर २५ गते खलंगामा बस्ने जिल्ला कमिटी उपाध्यक्ष चरनसिंह बुढाथोकीले जानकारी दिनुभयो । दार्चुलामा प्रतिनिधिसभा र दुबै प्रदेशसभा क्षेत्रमा गठबन्धनका उम्मेदवार विजयी भएका छन् । प्राविधिक कारणले पराजित भएपनि सम्मानित मत पाएकोले मतदातालाई धन्यबाद ज्ञापन गर्न भेलाको आयोजना गर्ने निर्णय भएको उहाँले बताउनुभयो ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता