दार्चुला – दार्चुलामा एमालेले प्रतिनिधिसभा र प्रदेश सभातर्फको सबै सिट गुमाएको छ । २०७४ सालको चुनावमा वाम किल्लाका रूपमा चिनिएको एमाले यस पटकको चुनावमा भने जितविहीन भएको हो ।
एमाले नेता सुदूरपश्चिम प्रदेश सह इन्चार्ज पूर्व मन्त्री गणेश सिंह ठगुन्नाको गृह जिल्ला दार्चुलामा एमालेले प्रतिनिधिसभा र प्रदेशसभातर्फ सबै सिट गुमाएको छ । प्रतिनिधिसभा तर्फ एमालेका उम्मेदवार गणेश सिंह ठगुन्ना नै पराजित हुनुभएको छ ।
उहाँ नेपाली कांग्रेसका नेता दीलेन्द्र प्रसाद बडूसँग पराजित हुनुभएको हो । यस्तै एमाले प्रदेशसभातर्फ पनि दुवै निर्वाचन क्षेत्रबाट जोगिन सकेन ।
दार्चुलामा एमाले नेता गणेश सिंह ठगुन्ना बलियो उम्मेदवारका रूपमा लिइएको थियो । तर अन्तिम नतिजा भने उहाँको पक्षमा हुन सकेन । २०७० र ०७४ मा लगातार दुई कार्यकाल जितेको एमालेले यस पटक आफ्नो किल्ला गुमाएको छ । दुई कार्यकाल नै ठगुन्नाले जित्नुभएको थियो ।
ठगुन्ना यस पटकको जितमा ह्याट्रिक गर्ने दाउमा हुनुहुन्थ्यो । अहिलेको चुनावमा बहालवाला मन्त्री बडूलाई सत्ता गठबन्धन दल नेकपा माओवादी केन्द्र लगायतको साथ थियो भने एमालेका उम्मेदवार ठगुन्ना एक्लै चुनावी मैदानमा आउनुभएको थियो । २०७४ को चुनावमा समानुपातिक सांसद बन्नुभएका मन्त्री बडू यस पटक सत्ता गठबन्धनको भरमा चुनाव जित्नुभएको हो ।
यो पटक प्रदेशसभा ९क० मा नेपाली कांग्रेस महासमिति सदस्य तथा गठबन्धनका साझा उम्मेदवार विक्रम सिंह धामी विजयी हुनु भएको छ । ३१ हजार ५ सय ४२ मत मध्ये १५ हजार १ सय २७ मत प्राप्त गर्दै धामी विजयी हुनुभएको हो ।
नेकपा एमालेका हरदेव जोशीले कुल खसेको मत मध्ये १३ हजार ४५१ मत प्राप्त गर्नु भएको छ । प्रदेश सभा ९ख० मा लोकतान्त्रिक बाम गठबन्धनका साझा उम्मेदवार मानबहादुर धामी विजयी हुनुभएको छ । नेकपा एमालेका उम्मेदवार रामदत्त जोशीलाई १ हजार ३१५ मतान्तरले पराजित गर्दै धामी विजयी हुनुभएको हो । उहाँले १३ हजार १७१ मत पाउनुभयो ।
एमालेका उम्मेदवार राम दत्त जोशीले ११ हजार ८५६ मत प्राप्त गर्नुभयो । धामी २०७४ सालमा यसै क्षेत्रबाट वाम गठबन्धनको प्रदेश सभामासमेत विजयी हुनुभएको थियो ।
एक किलो १०० ग्राम अवैध लागुऔषध कोकिनसहित दुई विदेशी नागरिक पक्राउ परेका छन् । पक्राउ पर्नेहरुमा भारतीय नागरिक २३ वर्षका फहिमुद्दिन नासिमुद्दिन अन्सारी र नाइजेरियन नागरिक...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
नेकपा एमालेले सरकारलाई दिएको समर्थन फिर्ता लिने तयारी गरेको छ । मंगलबार साँझ बसेको एमाले सचिवालय बैठकले आजसम्म पदबाट राजीनामा गर्न प्रधानमन्त्री पुष्पकमल दाहाल प्रचण्डलाई...
प्रधानमन्त्री पुष्पकमल दाहाल प्रचण्डले लिम्पियाधुरा, कालापानी र लिपुलेक लगायत महाकाली पूर्वको सबै भूभाग नेपालको हो भन्ने कुरामा सरकार दृढ र स्पष्ट रहेको बताएका छन् । मंगल...
बैतडीको शिवनाथ गाउँपालिका १ कुस्मौता गडामुखस्थित महाकाली नदीमा बेपत्ता भएका दुई किशोरीमध्ये एक जनाको शव फेला परेको छ । सशस्त्र प्रहरी बलको टोलीले शनिबार एक किशोरीको शव फे...
दृष्टिकोण दैनिक सम्बाददाता