दार्चुलामा मुख्य निर्वाचन अधिकृतको कार्यालय स्थापना, असोज २३ गते मनोनयन दर्ता गरिने

दृष्टिकोण दैनिक सम्बाददाता

२ बर्ष अघि

२0७९ आश्विन २१ शुक्रबार

दार्चुलामा मुख्य निर्वाचन अधिकृतको कार्यालय स्थापना, असोज २३ गते मनोनयन दर्ता गरिने

दार्चुला । अगामी मंसीर ४ गतेका लागि तोकिएको निर्वाचन सम्पन्न गर्नका लागि दार्चुलामा मुख्य निर्वाचन अधिकृतको कार्यालय स्थापना गरिएको छ । आसन्न प्रतिनिधिसभा र प्रदेशसभा निर्वाचन सम्पन्न गर्नका लागि दार्चुला जिल्ला अदालतमा मुख्य निर्वाचन अधिकृतको कार्यालय स्थापना गरिएको दार्चुला अदालतका न्यायधीस एबं मुख्य निर्वाचन अधिकृत खेमराज भट्टले जानकारी दिनुभयो ।

यहि असोज २३ गते प्रदेश र प्रतिनिधिसभामा प्रत्यक्ष तर्फका उम्मेदवारको मनोनयन दर्ता गर्ने कार्यतालिका छ । उम्मेदवारको मनोनयदेखि निर्वाचन सम्पन्न हुदासम्मका सबै गतिविधि सम्पन्न गर्नका लागि मुख्य निर्वाचन अधिकृतको कार्यालय स्थापना गरिएको हो । उम्मेदवारको मनोनयन गर्ने दिन नजिकिदै गरेपनि कतिपय दलहरुले उम्मेदवारको टुगों लगाउन सकेका छैनन् ।


मुख्य निर्वाचन अधिकृतको कार्यालय स्थापनाका लागि मुख्य निर्वाचन अधिकृत खेमराज भट्टका साथै प्रमुख जिल्ला अधिकारी दीर्घराज उपाध्याय, जिल्लास्थित राजनैतिक दलका पदाधिकारी, सुरक्षा निकायका प्रमुखहरु लगायतको सहभागिता रहेको थियो ।


थप समाचार

समाचार