डडेलधुरा । डडेल्धुरा जिल्ला सदरमुकाम पछिल्लो समयमा देउडामय बनेको छ। देउडा खेल्न र हेर्नेको जिल्ला सदरमुकाममा घुइँचो छ। स्थानीय गाउँमा गौरा पर्वको समापन भएसँगै जिल्ला सदरमुकाम बागबजारमा गौरा महोत्सवको आयोजना गरिएको हो।
मङ्गलबारदेखि राष्ट्रिय गौरा महोत्सव, २०७९ सुरु भएसँगै जिल्ला सदरमुकाम बागबजार र तोफानडाँडा क्षेत्र देउडामय बनेको हो। स्थानीय संस्कृतिको जगेर्ना र पहिचान गर्न सुदूरपश्चिमेलीको महान पर्व गौराको अवसरमा महोत्सवको आयोजना गरिएको गौरा महोत्सव मूल आयोजक समितिका संयोजक देवराज भट्टले जानकारी दिए।
मङ्गलबार दिउँसोदेखि सुरुआत भएको गौरा महोत्सवमा जुम्ला, कालीकोट, बैतडीका देउडियासमेत सहभागी बनेका छन्। गौरा, महेश्वरलाई फाग गाउँदै महिलाले बसपार्कमा बालो नाच प्रदर्शन गरिरहेका छन् भने पुरुष तथा अन्य महिला देउडामा झुमिरहेका छन्। महोत्सवमा सुदूरपश्चिमका नौवटै जिल्लासहित कर्णालीको कालीकोट जिल्लाबाट समेत डेउडिया कलाकारको सहभागिता रहेको आयोजकले जनाएको छ।
महोत्सवमा गौरानाच, बालो नाच, चैत, धुमारी, फाग, भुइँचम्फा, हुड्केली, महिला तथा पुरुष डेउडाजस्ता यहाँका कलासंस्कृति समेटिने गरी सांस्कृतिक कार्यक्रम सञ्चालन भइरहेका छन्। महोत्सवमा डेउडा खेल खेल्ने डेउडियालाई खादा प्रमाणपत्रसहित नगद पुरस्कारले सम्मान गरिनेछ।
धर्म संस्कृतिको जगेर्ना तथा स्थानीय कला संस्कृतिको सम्मान र युवापुस्तामा परम्परा हस्तान्तरण होस् भन्ने उद्देश्यले महोत्सवको आयोजना गरिएको समितिका अध्यक्ष भट्टले बताए। चार दिनसम्म आयोजना हुने महोत्सवमा अरुभन्दा पनि युवादेखि बूढापाका देउडा खेलमै रमाउने गरेको देख्न सकिन्छ। रासस
एक किलो १०० ग्राम अवैध लागुऔषध कोकिनसहित दुई विदेशी नागरिक पक्राउ परेका छन् । पक्राउ पर्नेहरुमा भारतीय नागरिक २३ वर्षका फहिमुद्दिन नासिमुद्दिन अन्सारी र नाइजेरियन नागरिक...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
नेकपा एमालेले सरकारलाई दिएको समर्थन फिर्ता लिने तयारी गरेको छ । मंगलबार साँझ बसेको एमाले सचिवालय बैठकले आजसम्म पदबाट राजीनामा गर्न प्रधानमन्त्री पुष्पकमल दाहाल प्रचण्डलाई...
प्रधानमन्त्री पुष्पकमल दाहाल प्रचण्डले लिम्पियाधुरा, कालापानी र लिपुलेक लगायत महाकाली पूर्वको सबै भूभाग नेपालको हो भन्ने कुरामा सरकार दृढ र स्पष्ट रहेको बताएका छन् । मंगल...
बैतडीको शिवनाथ गाउँपालिका १ कुस्मौता गडामुखस्थित महाकाली नदीमा बेपत्ता भएका दुई किशोरीमध्ये एक जनाको शव फेला परेको छ । सशस्त्र प्रहरी बलको टोलीले शनिबार एक किशोरीको शव फे...
दृष्टिकोण दैनिक सम्बाददाता