दार्चुला । निजामती सेवा दिवसको अवसरमा महाकाली नगरपालिकाकाले ७ जना कर्मचारीलाई सम्मानित गरेको छ । महाकाली नगरपालिकाले दिवसको अवसरमा वर्षभरी जनसेवामा खटिने सबै कर्मचारीलाई धन्यवाद तथा बधाई दिएको छ । दिवसको अवसरमा ७ जना उत्कृष्ट कर्मचारीहरुलाई सम्मान तथा पुरस्कृत गर्ने निर्र्णय गरेको महाकाली नगरपालिकाका प्रमुख प्रशासकीय अधिकृत नरबहादुर ठगुन्नाले बताउनु भयो । उहाँका अनुसार सम्मानीत हुनेमा योजना अधिकृत युवराज जोशी, एमआइएस अपरेटर धन राज भट्ट, अहेव हरीकृष्ण जोशी, वडा सचिव दीपक प्रसाद अवस्थी, नगरबस चालक भूपाल सिंह धामी, कार्यालय सहयोगी दिपेन्द्र सिंह कँुवर र कुचिकार लालमती कुमारीलाई सम्मानित गर्ने प्रमुख प्रशासकीय अधिकृत ठगुन्नाले जानकारी दिनुुभयो । साथै नगरपालिकाले आजदेखि सेवाग्राहीलाई कर्मचारीले आफैबाट नमस्कार गर्ने अभियानको शुभारम्भ गरेको छ । यसैबीच निजामती सेवा दिवसको अवसरमा भन्सार कार्यालय दार्चुलाले दुई जना व्यापारीलाई सम्मानित गरेको छ । भन्सार राजस्व रकम इमान्दारीताका साथ बुझाउने उनीहरुलाई सम्मानित गरिएको हो । जिल्ला सदरमुकाम खलंगास्थित महाकाली नगरपालिका–४ मा व्यवसाय संचालन गरी व्यापार गरिरहेका कृषि बजारका संचालक दिलेन्द्र प्रसाद बडू र जगदीश किराना पसलका संचालक बिमला घर्तीलाई सम्मानित गरिएको भन्सार कार्यालय दार्चुलाका प्रमुख शिवचन्द्र प्रसादले बताउनुभयो । उनीहरुलाई एक कार्यक्रमका बीच खादा र अबिर लगाएर सम्मानित गरिएको हो । २०१३ साल भदौ २२ गते निजामती सेवा ऐन जारी भएको दिनको अवसर पारेर हरेक वर्ष भदौ २२ गतेलाई निजामती सेवा दिवसको रूपमा मनाउने गरिएको छ ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता