दार्चुला । नेपाली सेनामार्फत निर्माण भइरहेको टिंकर सडकमा चालु आर्थिक वर्षमा दुई किलोमिटर मात्रै ट्रयाक खोल्ने लक्ष्य राखिएको छ । नेपाल सरकारले सडक निर्माणका लागि पर्याप्त बजेट उपलब्ध नगराउदा सडक निर्माणमा सेनाको लक्ष्य नै संकुचित भएको छ । गत आर्थिक वर्ष २०७८÷७९ मा १५ करोड ८० लाख रुपैयाँ बजेट दिइदा सेनाले व्यास गाउँपालिकाको वडा नम्बर ३ तुषारपानीदेखि वडा नम्बर २ दुम्लिङसम्मको ८।४ किलोमिटर सडकको ट्रयाक खोलेको छ । चालु आर्थिक वर्षमा ९ करोड ५० लाख ३० हजार मात्रै बजेट विनियोजन गरिदा दुम्लिङभन्दा अगाडि २ किलोमिटर मात्रै सडकको नयाँ ट्रयाक खोलिने लक्ष्य छ । चालु वर्षमा दुई किलोमिटर नयाँ ट्रयाक निर्माण र डेढ किलोमिटर सडक चौडा गर्ने कार्यक्रम रहेको नेपाली सेनाको सुन्सेरास्थित दार्चुला–टिंकर सडक आयोजना कार्यालयले जनाएको छ । तुषारपानीदेखि दुम्लिङसम्मको साढे ८ किलोमिटर सडकमध्ये डेढ किलोमिटर सडकको चौडाइ ३ मिटर मात्रै छ । कोठेधारदेखि सगनाडीसम्मको डेढ किलोमिटर लामो क्षेत्रमा सडकको चौडाइ ३ मिटरबाट बढाउने गरी कार्य गरिने सेनाले जनाएको छ । भिरालो र चट्टानी भूभाग भएकोले सडक निर्माण चुनौतीपूर्ण रहे पनि वार्षिक लक्ष्यअनुसार सडक निर्माणको कार्यमा प्रगति भएको नेपाली सेनाका दार्चुला टिंकर सडक आयोजना प्रमुख एवं कर्णेल हरिवहादुर बोहराले बताउनुभयो । टिंकर सडक निर्माणमा यो वर्ष दिइएको साढे नौ करोड बजेटमध्ये सडक निर्माण कार्यमा ७ करोड २५ लाख ५० हजार रुपैयाँ खर्च हुनेछ । मेसिनरी उपकरण खरिद, मर्मत र स्पेयर पार्टस्मा १ करोड २० लाख रुपैयाँ खर्च गरिने वार्षिक कार्यक्रममा उल्लेख छ । राष्ट्रिय योजना आयोगले स्वीकृत गरेको यो वर्षको कार्यक्रमअनुसार भवन निर्माणमा ५० लाख र भवन मर्मतमा ५ लाख रुपैयाँ बजेट विनियोजन गरिएको छ । यसैगरी, विनियोजित बजेटमध्ये चालु खर्चअन्तर्गतका क्रियाकलापहरु सञ्चालन गर्न ५० लाख बजेट छुट्याइएको छ ।
टिंकर सडक निर्माणका लागि सरकारले गत आवको भन्दा ४० प्रतिशत कम बजेट दिएको छ । यो वर्ष नेपाली सेनाले टिंकर सडक निर्माणका लागि २५ करोड रुपैयाँ बजेट माग गरेको थियो । तर गतवर्ष दिएको १५ करोड ८० लाखभन्दा ४० प्रतिशत कम बजेट अर्थात साढे नौ करोड रुपैयाँ मात्रै टिंकर सडकमा बजेट दिइएको छ ।
कञ्चनपुरमा बाघको आक्रमणबाट एक जनाको मृत्यु भएको छ । दोधारा चाँदनी नगरपालिका २, कमलसा टोलमा बाघको आक्रमणबाट २३ वर्षीय हिरा शाहको मृत्यु भएको जिल्ला प्रहरी कार्यालय, कञ्चन...
चितवनको भरतपुर महानगरपालिका–२९ सिमलतालमा शुक्रवार बिहान पहिरोमा परी त्रिशूली नदीमा खसेका दुई वटा बसमा ६५ जना यात्रु रहेको जिल्ला प्रशासन कार्यालयले जानकारी दिएको छ । चितव...
कामचलाउ प्रधानमन्त्री पुष्पकमल दाहाल प्रचण्डले सिमलतालमा भएको सडक दुर्घटनाका बेपत्ताको खोजी तीव्र पार्न निर्देशन दिएका छन् । आइतबार बिहान तीनवटा सुरक्षा अंगका प्रमुखसँग न...
विगत २४ घण्टामा पहिरोमा परेर १५ जनाको ज्यान गएको छ । गृह मन्त्रालयका सचिव एकनारायण अर्यालले हिजोदेखि आज दिउँसोसम्म २४ घण्टामा कास्कीमा ११ जना, म्याग्दीमा दुई जना र चितवन...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
दृष्टिकोण दैनिक सम्बाददाता