काठमाडौं । प्रमुख प्रतिपक्षी नेकपा एमालेका अध्यक्ष केपी ओली हत्तपत्त बालुवाटार जाँदैनन् । बुधबार बिहान उनी उपाध्यक्षहरु सुवास नेम्बाङ र विष्णु पौडेलसहित प्रधानमन्त्रीको सरकारी निवासमा जाँदा प्रधानमन्त्री शेरबहादुर देउवा सञ्चारमन्त्री ज्ञानेन्द्रबहादुर कार्कीसहित पर्खिरहेका थिए ।
ओलीले सुरुमै चारबुँदा राखे । चुनाव, टीआरसी, नागरिकता विधेयक र मूल्यवृद्धि । तर दोस्रो बुँदाबाट कुरा थाले ।
सहभागी नेता विष्णु पौडेलले अनलाइनखबरसँग सुनाएअनुसार ओलीले भने, ‘यो देशमा एमाले भन्ने पार्टी पनि छ प्रधानमन्त्रीजी । यो कुरो बिर्सेर टीआरसीमा मनलाग्दी गर्ने रु’
बैठकमा सहभागी अर्का नेताका अनुसार सरकारले प्रतिनिधि सभामा हालै बेपत्ता पारिएका व्यक्तिको छानबिन, सत्य निरूपण मेलमिलाप आयोगको ऐनको संशोधनसम्बन्धी विधेयक छलफलका लागि पेश गरे पनि तार्किक निष्कर्षमा पुग्नेमा एमालेले आशंका गरेको छ । ‘सरकारले यस्तो संवेदनशील विधेयक ल्याउँदा प्रमुख प्रतिपक्षीसँग छलफल गर्नुपर्ने होइन र रु कि एक्लै हिँडेर पुगिन्छ भन्ने तपाईंलाई परेको हो रु’ ओलीले देउवालाई भनेको उद्धृत गर्दै ती नेताले सुनाए ।
ओलीले चुनाव विश्वसनीय हुनेमा आशंका पैदा भएको, सत्ता गठबन्धनले दम्भ देखाएको आरोप लगाए ।
देउवाले उनलाई बीचैमा रोक्दै त्यस्तो कल्पना नगर्न आग्रह गरे । ‘कसैले भाषणमा के के बोल्यो होला, तर त्यसलाई इस्यु बनाइदिन भएन नि,’ देउवाले ओलीलाई भनेको स्रोतले उद्धृत ग¥यो ।
एमाले उपाध्यक्ष विष्णु पौडेलले भने, ‘चुनाव आउन अझै बाँकी छ, तर गठबन्धनले दम्भ प्रदर्शित ग¥यो । यो चुनावको माहोल बिगार्ने प्रपन्च हो भनेर हामीले भन्यौं ।’
प्रतिनिधिसभामा फेरि पुगेर पारित भएको नागरिकता विधेयकबारे सरकारले के गर्छ भनेर पनि ओलीले सोधेका छन् ।
नागरिकता विधेयक पारित गरी सभामुखमार्फत् प्रमाणीकरणका लागि राष्ट्रपति समक्ष पठाएकोमा राष्ट्रपति विद्यादेवी भण्डारीले उक्त विधेयक फिर्ता पठाएकी थिइन् । राष्ट्रपतिको जायज सरोकारलाई ध्यान दिनुको साटो सरकारले हुबहु फेरि नागरिकता विधेयक प्रतिनिधि सभाबाट पारित गरेर भिड्ने मनस्थिति बनाएको ओलीले आरोप लगाए ।
एमाले अध्यक्ष ओलीले मूल्यवृद्धि र महँगीबाट जनता आक्रान्त हुँदा पनि सम्बोधन नभएको भन्दै गुनासो गरेका छन् ।
नेपाली कांग्रेसका सभापति समेत रहेका प्रधानमन्त्री देउवाले प्रतिपक्षीले उठान गरेको विषय आफूले सकारात्मक रूपमा लिएको भन्दै धन्यवाद दिएका छन् । ‘यसमध्ये कतिपय कुरा मैले गरुँला, तर कतिपय एक्लै गर्नसक्ने कुरा छैन,’ प्रधानमन्त्रीले ओलीलाई जवाफ दिए, ‘अबको गठबन्धन मिटिङमा पनि यसबारे कुरा राखौंला ।’अनलाईन खबर बाट
कञ्चनपुरमा बाघको आक्रमणबाट एक जनाको मृत्यु भएको छ । दोधारा चाँदनी नगरपालिका २, कमलसा टोलमा बाघको आक्रमणबाट २३ वर्षीय हिरा शाहको मृत्यु भएको जिल्ला प्रहरी कार्यालय, कञ्चन...
चितवनको भरतपुर महानगरपालिका–२९ सिमलतालमा शुक्रवार बिहान पहिरोमा परी त्रिशूली नदीमा खसेका दुई वटा बसमा ६५ जना यात्रु रहेको जिल्ला प्रशासन कार्यालयले जानकारी दिएको छ । चितव...
कामचलाउ प्रधानमन्त्री पुष्पकमल दाहाल प्रचण्डले सिमलतालमा भएको सडक दुर्घटनाका बेपत्ताको खोजी तीव्र पार्न निर्देशन दिएका छन् । आइतबार बिहान तीनवटा सुरक्षा अंगका प्रमुखसँग न...
विगत २४ घण्टामा पहिरोमा परेर १५ जनाको ज्यान गएको छ । गृह मन्त्रालयका सचिव एकनारायण अर्यालले हिजोदेखि आज दिउँसोसम्म २४ घण्टामा कास्कीमा ११ जना, म्याग्दीमा दुई जना र चितवन...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
दृष्टिकोण दैनिक सम्बाददाता