दार्चुला । भाद्र ६ गते देखि दार्चुलमा बालबालिकाहरुलाई फाइजर बाइ इन्टिक खोप दिइने भएको छ । अधिकांश बालबालिकाहरु यो समयमा विद्यालय हुने भएकाले विद्यालयहरुमा नै खोप केन्द्र सञ्चालन गरि खोप लगाउने तयारी भएको स्वास्थ्य कार्यालय दार्चुलाले जनाएको छ ।विहिबार खोप समन्वय समितिको बैठकले भाद्र ६ गते देखि १० गते सम्म खोप अभियान संञ्चालन गर्ने निर्णय गरेको हो ।
खोप अभियान जिल्लाभरी ४ सय २९ वटा खोप केन्द्रबाट खोप अभियान सुरु हुने बताइएको छ । भाद्र ६ गते देखि सुरु हुने फाइजर खोप अभियान अन्तरगत विद्यालयमा मै पुगेर खोप लगाउने तयारी भएको छ । स्वास्थ्य कार्यालय दार्चुलाका अनुसार भदौ ६ गतेदेखि १० गते सम्म शुरु हुने बालबालिका लक्षित खोप अभियानमा सहभागी हुन स्वास्थ्य कार्यालयले सबैमा आग्रह समेत गरेको छ ।
५ बर्षदेखि ११ बर्ष सम्मका बालबालिकाहरुलाई खोप दिने तयारी भएकाले आफ्ना बालबालिकाहरुलाई नजिकका खोप केन्द्रमा लगेर खोप लगाउन आग्रह गरिएको स्वास्थ्य कार्यालय दार्चुलाका खोप सुपर भाइजर विरेन्द्र भट्टले बताए । कोरोना भाइरसको जोखिम कायमै रहेको र यसबाट जोगाउन खोप प्रभावकारी माध्यम भएकाले बालबालिकाहरुलाई निर्धक्कसंग खोप लगाउन आग्रह गरिएको उहाँले बताए ।
जिल्लामा ५ बर्षदेखि ११ बर्ष सम्मका २० हजार ३९२ जना बालबालिकाहरुलाई खोप लगाउने लक्ष्य सहित खोप अभियान सुरु हुन लागेको छ । खोप अभियानलाई प्रभावकारी बनाउन स्वास्थ्यकर्मीहरुलाई तालिम समेत दिइसकिएको छ । ४ सय २९ ओटा खोप केन्द्र मार्फत खोप अभियान सञ्चालन हुनेछ । खोप अभियानका लागि २सय जना खोप कार्यकर्ता र ८ सय स्वयंसेवक परिचालन गरिने स्वास्थ्य कार्यालय दार्चुलाले जनाएको छ ।
कोरोना विरुद्धको खोप लगाएकाहरुमा कोरोना संक्रमण भएपनि जटीलता नदेखिएकाले कोरोना विरुद्धको खोप लगाउन स्वास्थ्यकर्मीहरुले सुझाव दिँदै आएका छन् ।बालबालिकाहरुका लागि फाइजर खोप सुरक्षित भएकाले निर्धक्क भएर खोप लगाउन आग्रह गरिएको छ । यो खोप लगाएको २१ दिन पछि दोस्रो मात्रा खोप लगाइने बताइएको छ । हाल सम्म दार्चुला जिल्लामा पुर्ण खोप लगाउनेको संख्या ९७ हजार पुगेको छ ।जिल्लामा ९५ हजार जनाले बुष्टरखोप लगाएका छन । फाइजर बाइ इन्टिक खोप दार्चुलाका लागि ४० हजार डोज खोप आएको स्वास्थ्य कार्यालय दार्चुलाले जनाएको छ । जिल्लामा १७ हजार ८९३ जना बालबालिकालाई खोप लगाउने लक्ष्य रहेको बताइएको छ ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता