बैतडी । सरकारले पश्चिम सेती परियोजनाको अध्ययन अनुमति पत्र भारतीय कम्पनीलाई दिने निर्णय गरेसंगै यो क्षेत्रका नागरिकमा पश्चिम सेती बन्ने आसा पलाएको छ । झण्डै ४० बर्षदेखि निर्माणको चर्चामा रहेको पश्चिम सेतीले फेरी एक पटक आसा जगाएको बैतडीको सिगासका स्थानीय पदम साउँदले बताए ।
परियोजना नितान्त नयाँ स्वरुपमा अघि बढ्ने कुराले सिंहदरबार आसपासमा चर्चा पाएपछि बैतडी, डोटी, डडेल्धुरा र अछामका जनतामा केही आशा पलाएको हो । पश्चिम सेती निर्माण हुने चर्चाले स्थानीयहरुमा खुसी छाएको साउँदले बताए । उनले भने ‘हामीले लामो समयदेखि पश्चिम सेतीका बारेमा सुन्दै आएका छौं । तर काम अघि बढ्न सकेको छैन् । अब काम अघि बढ्ला कि भन्ने आसा पलाएको छ ।’
लगानी बोर्डको यही साउन २३ गते बसेको बैठकले सो आयोजना अगाडि बढाउन भारतको सरकारी कम्पनी एनएचपीसीलाई जिम्मेवारी दिएको छ । कूल सात सय ५० मेगावाट क्षमताको सो योजना अगाडि बढेमा यो क्षेत्रको विकासका लागि कोसेढुंगा साबित हुने ढुंगाडका स्थानीय राजेन्द्र चन्दले बताए ।
बोर्डमा भारतीय कम्पनीले वित्तीय तथा प्राविधिक व्यवस्थापनका अतिरिक्त बजार खोज्नेसम्मको प्रस्ताव गरेको छ । जानकारका अनुसार भारतको सरकारी स्वामित्वको सो कम्पनीसँग प्राविधिक समूह, वित्तीय व्यवस्थापन गर्नसक्ने हैसियत छ । सोही कम्पनीले उत्पादित बिजुली भारतीय बजारमा बिक्री गर्ने प्रस्तावसमेत गरेको बोर्डको भनाइ छ ।
पश्चिम सेती आयोजना अघि बढेमा यो क्षेत्रमा विकासको ढोका खुल्ने स्थानीयहरुको विश्वास छ । भारतीय कम्पनीले निर्माणको काम अघि बढाएमा पश्चिम सेती बन्न सक्ने यहाँका नागरिकहरुले बताएका छन् ।
पूर्वप्रधानमन्त्री लोकेन्द्रबहादुर चन्द पहिलोपटक विसं २०४२ मा बैतडीको ढुङ्गाड र डोटीको तलारा जोड्ने सेती नदीमाथि बनाइएको झोलुङ्गे पुलको उद्घाटन गर्न पुगेका बेला उनले सेतीबाट बिजुली निकालिने र त्यसले यस क्षेत्रको विकास र रोजगारीको विस्तार हुने बताएका थिए । ढुङ्गाडलगायतका क्षेत्र डुबानमा पर्ने भएकाले त्यस क्षेत्रका जनतालाई अन्यत्र सारिने भएकाले विकासका काममा थप खर्च नहुने उनले बताएका थिए ।
तर पूर्वप्रधानमन्त्री चन्दले झण्डै ४० बर्ष अघि जगाएको त्यो आसा अझै पूरा हुन सकेको छैन् । आयोजना निर्माण कार्यलाई अब सरकारले प्राथमिकतामा राख्नुपर्ने स्थानीय पदम खडायतले बताए ।
कञ्चनपुरमा बाघको आक्रमणबाट एक जनाको मृत्यु भएको छ । दोधारा चाँदनी नगरपालिका २, कमलसा टोलमा बाघको आक्रमणबाट २३ वर्षीय हिरा शाहको मृत्यु भएको जिल्ला प्रहरी कार्यालय, कञ्चन...
चितवनको भरतपुर महानगरपालिका–२९ सिमलतालमा शुक्रवार बिहान पहिरोमा परी त्रिशूली नदीमा खसेका दुई वटा बसमा ६५ जना यात्रु रहेको जिल्ला प्रशासन कार्यालयले जानकारी दिएको छ । चितव...
कामचलाउ प्रधानमन्त्री पुष्पकमल दाहाल प्रचण्डले सिमलतालमा भएको सडक दुर्घटनाका बेपत्ताको खोजी तीव्र पार्न निर्देशन दिएका छन् । आइतबार बिहान तीनवटा सुरक्षा अंगका प्रमुखसँग न...
विगत २४ घण्टामा पहिरोमा परेर १५ जनाको ज्यान गएको छ । गृह मन्त्रालयका सचिव एकनारायण अर्यालले हिजोदेखि आज दिउँसोसम्म २४ घण्टामा कास्कीमा ११ जना, म्याग्दीमा दुई जना र चितवन...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
दृष्टिकोण दैनिक सम्बाददाता