दार्चुला । विश्व स्तनपान सप्ताह आजदेखि सुरु भएको छ । यसवर्ष ‘स्तनपानलाई बढाउन जनचेतना अभिवृद्धि गर्न सहयोग गरौँ’, भन्ने मूल नाराका साथ स्तनपान सप्ताह मनाइदैछ । शिशुलाई सुरक्षित तरिकाले स्तनपान गराउन आमालाई अभिप्रेरित गर्ने उद्धेश्यले हरेक वर्ष अगस्ट १ तारिख देखि विश्वभर एक हप्तासम्म विभिन्न जनचेतनामूलक कार्यक्रम गरी स्तनपान सप्ताह मनाइन्छ । सोमवार महाकाली नगरपालिका स्वास्थ्य शाखाको आयोजना तथा गुड नेवर्स ईन्टरनेशनल नेपालको आर्थिक तथा सुआहाराको प्राविधिक सहयोगमा एक कार्यक्रमका बीच नेपाल–भारत सीमा क्षेत्र पुलघाटमा स्तनपान सप्ताहको उद्घाटन गरिएको छ । स्तनपान सप्ताहको उद्घाटन कार्यक्रममा बोल्दै महाकाली नगरपालिकाका उपप्रमुख दुर्गाकुमारी खत्री विष्टले आमाले शिशुलाई दूध खुवाउनुपर्ने मापदण्ड व्यवहारमा लागू गर्नुपर्ने बताए । उनले पछिल्लो समय आमाहरुले बच्चाहरुलाई दूध खुवाउने क्रम घटाएको जनाउँदै यसलाई परिवर्तन गरी बच्चाको पौष्टिक आहारमा ध्यान दिन आग्रह गरे ।
सोही कार्यक्रममा सुआहाराका कार्यक्रम संयोजक वीर बहादुर बोहराले पछिल्ला वर्षमा बच्चालाई आमाको दूध खुवाउने महिलाको प्रतिशत घटेको उल्लेख गर्दै आमालाई दूध खुवाउन प्रेरित गर्न यस्ता कार्यक्रमले सघाउ पु¥याउने बताए । साथै उनले स्तनपानलाई बढाउन जनचेतना अभिवृद्धि गर्न आवश्यक रहेको बताए । जिल्लाका ९ वटै स्थानीय तहले एक हप्तासम्म विभिन्न जनचेतनामूलक कार्यक्रमको आयोजना गरी स्तनपान सप्ताह मनाउदैछन् । पछिल्लो समय आमाहरुले कार्य व्यस्तताका कारण आफ्ना शिशुलाई स्तनपान गराउने क्रम घट्दै गएको छ । नेपालको जनसांख्यिकी तथा स्वास्थ्य सर्वेक्षण २०१६ का अनुसार नेपालमा पूर्ण स्तनपान गराउने महिलाको संख्या ६६ प्रतिशत र शिशु जन्मेको १ घण्टाभित्र स्तनपान गराउने महिलाको संख्या ५५ प्रतिशत रहेको छ ।
शिशु जन्मेदेखि २ वर्षसम्म स्तनपानलाई निरन्तरता दिनेको संख्या भने ८९ प्रतिशत रहेको छ । शिशु जन्मेदेखि १ महिनासम्म आमाको दुध खुवाउनेको संख्या ८० प्रतिशत रहेको छ ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
दार्चुला जिल्ला पुर्ण खोप समन्वय समितिको आयोजनामा बिहीवार खलगामा आयाेजित एक कार्यक्रमका बीच जिल्लालाई पुर्ण खाेप सुनिश्चित घाेषणा गरिएकाे हाे । पहिलाे पटक २०७३ मा दार्च...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दृष्टिकोण दैनिक सम्बाददाता