दार्चुला । दार्चुलाका विभिन्न सडक खण्डमा चल्ने सवारीसाधनले मनपरी भाडा असुलिरहेका छन् । गोकुलेश्वर–लटिनाथ, दार्चुला–दुहुँ, खलंगा–नौगाड, गोकुलेश्वर–रिठाचौपाता लगायत जिल्लाका आधादर्जन खडक खण्डमा दोब्बर÷तेब्बर भाडा असुली भइरहेको यात्रुहरुको गुनासो छ । सहज आवतजावत हुने वातावरण बनाइनुपर्ने भए पनि यात्रुले सडक र सवारीमा अत्यन्तै धेरै सास्ती व्यहोर्न बाध्य भएको मालिकार्जुन स्थानीय लोकेन्द्र धामीले बताउनुभयो ।
धामीले भन्नुभयो, खलंगा देखि गोकुलेश्वर रुटका सबै गाडीहरुले तेब्बर भाडा असुली रहेका छन् । केहि दिन पहिलेसम्म तीन सय भाडा रहेकोमा अहिले एक हजारसम्म भाडा माग्ने गरेको उहाँले बताउनुभयो । एक पटकमा पाँच हजार असुली नहुदासम्म यातायात व्यवसायीले गाडी नै नचलाउने गरेको उहाँको भनाई छ । स्थानीय प्रहरी प्रशासन र सडक कार्यालयको चरम लापरवाहीका कारण गरीब जनताले गाडी चढ्न नपाएको स्थानीयको गुनासो छ । ग्रामीण क्षेत्रमा चल्ने साना जिप र बोलेरो लगायत सवारीले निर्धारितभन्दा दोब्बर बढीसम्म भाडा लिइरहेका छन् । व्यवसायीले दोब्बर भाडा मागेर आफूहरूलाई टिकटसमेत नदिएको यात्रु मुकेश धामीले बताउनुभयो ।
दुर्गम गाउँसम्म सडकको पुहँच त पुगेको छ । तेलको भाउँ बढेको बेला मौका छोपेर व्यवसायीले यात्रुसँग ठगीधन्दा चलाइरहेको गुनासो बढ्दो छ । रिजर्भका नाममा तेब्बर बढीसम्म भाडा लिएर यात्रुलाई ठग्ने काम भएको नौगाडका स्थानीय प्रकाश ठगुन्नाले बताउनुभयो । बजार क्षेत्रमा रोजगारी, व्यवसाय, काम र पढाइले बसेका मानिसहरु घर फर्किदा चरम भाडा दिनु परेको ठगुन्नाले बताउनुभयो । गाउँ फर्किने मानिस र सवारीको चाप बढेको छ । सीट क्षमताभन्दा बढी यात्रु हाल्दा दुर्घटनाको जोखीम बढेको छ । रुट परमिट नभएका जोखिमपूर्ण सडकहरुमा समेत निर्वाध रुपमा सवारी साधानहरु सञ्चालन गरिएका छन् । सडक सुधार नहुदा दुर्घटनाको निकै जोखिम रहेको चालकहरु बताउछन् ।
प्रहरीले भने बढी भाडा असुलेको गुनासो कतैबाट नआएको र गुनासो आएमा कारवाही गरिने जिल्ला प्रहरी कार्यालय दार्चुलाका सुचना अधिकारि जगत मगरले बताउनु भएको छ ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता