काठमाडौ । चीनले नेपालका लागि प्रस्तावित अमेरिकी राजदूत डिन थम्पसनको अभिव्यक्तिप्रति आपत्ति जनाएको छ । शुक्रबार काठमाडौंस्थित चिनियाँ राजदूतावासले एक विज्ञप्ति जारी गरी मिलेनियम च्यालेन्ज कर्पोरेशन एमसीसी सँग जोडेर चीनको भूमिकाप्रति थम्पसनले दिएको अभिव्यक्तिको खण्डन गरेको हो ।
थम्पसनले बुधबार अमेरिकी सिनेटको अन्तर्राष्ट्रिय समितिमा बोल्दै नेपालमा चीनको विरोधकै बीच एमसीसी परियोजना अनुमोदन भएको बताएका थिए । उनले चिनियाँ दुष्प्रचारका बीच नेपालको संसदले ५०० मिलियन डलरको एमसीसी परियोजना अनुमोदन गरेको बताएका थिए ।
चिनियाँ दूतावासका प्रवक्ताद्वारा जारी विज्ञप्तिमा थम्पसनले चीनको निन्दा मात्र गरेको नभई नेपाल र नेपाली जनताको समेत अपमान गरेको बताइएको छ । विज्ञप्तिमा भनिएको छ– ‘उनले चीनको मात्र निन्दा गरेका छैनन्, नेपाल र त्यहाँका जनताको समेत अपमान गरेका छन् । चीनले यसलाई दृढतापूर्वक अस्वीकार गरेको छ ।’ दूतावासले एमसीसीबारे नेपालमा चर्को बहस भएको र त्यही बीचमा व्याख्यात्मक घोषणासहित एमसीसी पारित भएको स्मरण गराएको छ ।
कुनै पनि देशको आन्तरिक मामिलामा हस्तक्षेप गर्ने नीति चीनको नरहेको बताउँदै विज्ञप्तिमा भनिएको छ ः‘अन्तर्राष्ट्रिय विकास सहयोगलाई पछ्याउने क्रममा पारस्परिक सम्मान र समानताको सिद्धान्तलाई कायम राख्नुपर्छ, सम्बन्धित देशको सार्वभौमसत्ता र जनताको इच्छाको पूर्ण सम्मान गर्नुपर्छ र कुनैपनि देशको आन्तरिक मामिलामा हस्तक्षेप हुनु हुँदैन भन्ने चीनको दृढ विश्वास छ।’
थम्पसनले सिनेटमा गरेको टिप्पणीलाई ध्यान दिइएको बताउँदै विज्ञप्तिमा उक्त टिप्पणी पूर्णतया आधारहीन भएको दाबी गरिएको छ । विज्ञप्तिमा नेपाल मित्रवत निकट छिमेकी र विकास साझेदार समेत रहेको बताउँदै चीनले नेपालको सार्वभौमसत्ता, स्वाधीनता र राष्ट्रिय हितको रक्षा गर्न र नेपाली जनतालाई स्वतन्त्र रुपमा आफ्नै विकासको बाटो रोज्न सहयोग गर्ने बताइएको छ ।
एक किलो १०० ग्राम अवैध लागुऔषध कोकिनसहित दुई विदेशी नागरिक पक्राउ परेका छन् । पक्राउ पर्नेहरुमा भारतीय नागरिक २३ वर्षका फहिमुद्दिन नासिमुद्दिन अन्सारी र नाइजेरियन नागरिक...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
नेकपा एमालेले सरकारलाई दिएको समर्थन फिर्ता लिने तयारी गरेको छ । मंगलबार साँझ बसेको एमाले सचिवालय बैठकले आजसम्म पदबाट राजीनामा गर्न प्रधानमन्त्री पुष्पकमल दाहाल प्रचण्डलाई...
प्रधानमन्त्री पुष्पकमल दाहाल प्रचण्डले लिम्पियाधुरा, कालापानी र लिपुलेक लगायत महाकाली पूर्वको सबै भूभाग नेपालको हो भन्ने कुरामा सरकार दृढ र स्पष्ट रहेको बताएका छन् । मंगल...
बैतडीको शिवनाथ गाउँपालिका १ कुस्मौता गडामुखस्थित महाकाली नदीमा बेपत्ता भएका दुई किशोरीमध्ये एक जनाको शव फेला परेको छ । सशस्त्र प्रहरी बलको टोलीले शनिबार एक किशोरीको शव फे...
दृष्टिकोण दैनिक सम्बाददाता