काठमाडौ । भारतले चलाएको खाद्य सुरक्षा कार्यक्रमबारे अध्ययन गर्न कृषि तथा पशुपन्छी विकास मन्त्री महेन्द्र राय यादवको नेतृत्वको नेपाली टोली नयाँदिल्ली पुगेको छ । विश्व खाद्य कार्यक्रमको संयोजनमा नेपाली टोलीलाई भारतले अपनाएको खाद्य सुरक्षा रणनीतिबारे जानकारी गराइँदैछ ।
भारतको खाद्य सुरक्षा ऐन २०१३ अन्तर्गत चलाइएको लक्षित वर्गसम्म खाद्यान्न पु¥याउने, दिवा खाना तथा बालबालिकाको क्षेत्र कार्यक्रम सफल मानिएको छ । ती कार्यक्रममार्फत करोडौं भारतीयसमक्ष सहजै खाद्यान्न पु¥याइएको छ । गरिबीको रेखामुनि रहेका परिवारलाई अति न्यून दरमा भारत सरकारले खाद्यान्न उपलब्ध गराउने गरेको छ । त्यस्तै, विद्यालयमा निःशुल्क भोजन वितरण लगायतका कार्यक्रमले लक्षित विपन्न समूहले लाभ पाइरहेका छन् । विश्वमै सबैभन्दा ठूलो खाद्य सुरक्षाको जाल भारतमा रहेको मानिएको छ ।
सन् २०३० सम्म शून्य भोकमरीको अवस्थामा झार्ने लक्ष्यमा नेपाललाई भारतको खाद्य सुरक्षा जालो र यहाँको सफल प्रणालीले सहयोग पु¥याउन सक्ने विश्व खाद्य कार्यक्रमका भारत निर्देशक विश्व पराजुलीले बताए । उनले ज्ञान र सिकाइको आदान प्रदानले नेपालले लाभ उठाउन सक्ने उल्लेख गरे । भारतले आफ्ना दुई तिहाई जनसंख्यालाई खाद्यान्नमा आत्मनिर्भरता र खाद्य अधिकारको सुनिश्चित गर्न सफल भएको छ ।
आफ्ना नागरिकलाई खाद्य सुरक्षा सुनिश्चित गर्न भारतले अपनाएको तरिका र सयंन्त्र क्षेत्रीय र विश्वस्तरमै सान्दर्भिक रहेको उनले बताए । ‘त्यसबाट धेरै सिक्न सकिने ठाउँहरु छन्,’ उनले भने ‘कोभिड महामारी, जलवायुमा आएको परिवर्तन वा अन्य असरहरुमा पनि भारतले अपनाएको बलियो खाद्य सुरक्षा जालो सफल देखिएको छ ।’
नेपालबाट आएको भ्रमण टोलीमा कृषि मन्त्रालयका उच्च अधिकारीसहित, राष्ट्रिय योजना आयोग, अर्थ मन्त्रालय र नेपालस्थिति विश्व खाद्य कार्यक्रमका प्रतिनिधिहरुको पनि सहभागिता छ । टोली नेता मन्त्री यादवले भारतले आफ्नो खाद्य सुरक्षा ऐनमार्फत भोकमरीविरुद्ध चलाएको अभियान र त्यसका संयन्त्रबारे अनुभव लिने काम भइरहेको बताएका छन् । नेपालमा सन् २०१८ मा खाद्य अधिकार ऐन आइसकेको छ । उक्त ऐनको कार्यान्वयनका क्रममा भारतले अपनाएको तरिकाको अध्ययनले सहयोग पुग्ने उनले बताए ।
टोलीले भारतको नीति आयोग, खाद्य उपभोक्ता मामिला तथा सार्वजनिक वितरण मन्त्रालय, कृषि, किसान, शिक्षा मन्त्रालय तथा महिला तथा बाल बालिका विकास मन्त्रालयका अधिकारीहरुसँग अन्तरक्रिया गर्नेछ । त्यस्तै, नेपाली टोलीले खाद्यान्नको सार्वजनिक वितरण प्रणाली, उचित मूल्य पसल, विद्यालय खाना कार्यक्रम, रासन कार्ड लगायतका विकसित प्रणालीको प्रत्यक्ष अवलोकन समेत गर्नेछ
एक किलो १०० ग्राम अवैध लागुऔषध कोकिनसहित दुई विदेशी नागरिक पक्राउ परेका छन् । पक्राउ पर्नेहरुमा भारतीय नागरिक २३ वर्षका फहिमुद्दिन नासिमुद्दिन अन्सारी र नाइजेरियन नागरिक...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
नेकपा एमालेले सरकारलाई दिएको समर्थन फिर्ता लिने तयारी गरेको छ । मंगलबार साँझ बसेको एमाले सचिवालय बैठकले आजसम्म पदबाट राजीनामा गर्न प्रधानमन्त्री पुष्पकमल दाहाल प्रचण्डलाई...
प्रधानमन्त्री पुष्पकमल दाहाल प्रचण्डले लिम्पियाधुरा, कालापानी र लिपुलेक लगायत महाकाली पूर्वको सबै भूभाग नेपालको हो भन्ने कुरामा सरकार दृढ र स्पष्ट रहेको बताएका छन् । मंगल...
बैतडीको शिवनाथ गाउँपालिका १ कुस्मौता गडामुखस्थित महाकाली नदीमा बेपत्ता भएका दुई किशोरीमध्ये एक जनाको शव फेला परेको छ । सशस्त्र प्रहरी बलको टोलीले शनिबार एक किशोरीको शव फे...
दृष्टिकोण दैनिक सम्बाददाता