दार्चुला । स्थानीय तह निर्वाचनका लागि दार्चुलामा निर्वाचन सामाग्री गाउँ पठाउने तयारी गरिदै छ । निर्वाचनको लागि चाहिने आवश्यक सामाग्री जिल्ला आइपुगेका कारण समान चेकजाँच गरि प्याकिङको काम भइरहेको छ । बैशाख २७ गतेभित्र सबै स्थानीय तहका निर्वाचन मतदान केन्द्रमा आवश्यक सामाग्री पुर्याइ सकिने जिल्ला निर्वाचन अधिकारी प्रदीपसिह धामीले बताउनुभयो । मतपेटिकासहित आवश्यक निर्वाचन सामग्रीहरु खलंगा ल्याइएको छ ।
अहिले रुजु गरेर गाउँ पठाउन प्याकिङको काम चलिरहेको छ । जिल्लाको लागि यो पटक एक सय नयाँ मतपेटिका ल्याइएको छ । यसअघि जिल्लामा ५ सय बढि मतपेटिका सुरक्षित रहेको धामीले बताउनुभयो ।जिल्ला निर्वाचन कार्यालयका अनुसार मतपेटिकासहित ५८ प्रकारका निर्वाचन सामग्री जिल्लामा ल्याइएको हो । मतपत्र र मतदाता परिचयपत्र बाहेक सबै सामग्री आइसकेको कार्यालय प्रमुख धामीको भनाई छ । मतपेटिकासहित छेकवार, स्वस्तिक छाप, मसीदानी, मतदाता नामावलीको सूची लगायत सामग्री छन् । रुजु गरेपछि सबै गाउँ पठाईन्छ । जिल्लाका ९ वटा स्थानीय तहमा १ सय १० वटा मतदानस्थल र १ सय ३९ वटा मतदान केन्द्र रहेका छन् । मतदाता संख्या ८८ हजार २ सय ८५ रहेको छ ।
स्थानीय तह निर्वाचनको लागि दार्चुलामा एक हजार बढि कर्मचारी प्रत्यक्ष रुपमा खटिने भएका छन् । वैशाख ३० गते हुने स्थानीय तह निर्वाचनका लागि जिल्लाभरी १ हजार ८१ जना कर्मचारी खटिने भएका हुन् । ९ वटा स्थानीय तहका ११० मतदानस्थल र १३९ मतदान केन्द्रमा कर्मचारी खटिने छन् । जिल्ला निर्वाचन कार्यालयका प्रमुख प्रदीपसिह धामीका अनुसार जिल्लाभरी १३९ जना मतदान अधिकृत, १३९ जना सहायक मतदान अधिकृत २४७ जना सहायक कर्मचारी, १३९ जना सहयोगी निर्वाचनमा खटिनेछन् । यस्तै सबै केन्द्रमा ४१७ जना स्वयंसेवक खटिने छन् ।
निर्वाचनमा खटिने कर्मचारीको विवरण मुख्य निर्वाचन अधिकृतको कार्यालयमा पठाइएको छ, धामीले भन्नुभयो, कुन क्षेत्रबाट कहाँ कहाँ कर्मचारी खटाउने मुख्य निर्वाचन अधिकृतको अधिकार हो । यो पटक सबैभन्दा बढि मतदान केन्द्र गोरीलमाण्डौ हिकिलामा छ । यहाँ ३ वटा मतदान केन्द्र रहेका छन् । जिल्लामा एक मतदानस्थल रहेको मतदान केन्द्र ८२ वटा, २ भन्दा बढि मतदानस्थल रहेका मतदान केन्द्र २७ वटा रहेका छन् । निर्वाचन कार्यालयले आवश्यक सबै प्रक्रिया पुर्याएको छ । अहिले दिनुहुँ निर्वाचनको काम चलिरहेको छ, उहाँले भन्नुभयो ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता