काठमाडौं । नेपाली कांग्रेसका युवा नेता विकाशकुमार ठाकुरले सत्ता गठबन्धनको औचित्य पुष्टि भएको बताएका छन् ।
सर्लाहीबाट प्रतिनिधित्व गर्ने नेता ठाकुर विगतमा माओवादी, एकीकृत समाजवादी र जसपासँग कांग्रेसको गठबन्धनको विरोध गर्दै आएका थिए । तर सभापति शेरबहादुर देउवाले लिएको निर्णयको औचित्य पुष्टि भएको र गठबन्धन अपरिहार्य रहेको बताएका हुन् । उनले चुनावी तालमेलमा अहिले एक दुई सिट गए पनि गठबन्धनको नतिजा भविष्यमा देखिने पनि उल्लेख गरेका छन् ।
कम्युनिस्टहरु मिल्दा कांग्रेसले धेरै गुमाउनुपर्ने अवस्था आउथ्यो भन्दै उनले गठबन्धनले कांग्रेस बलियो बनाउने र कम्युनिस्ट कमजोर बनाउने काम गरेको दाबी गरेका छन् । अहिले गठबन्धन राजनीतिक आवश्यकता भएको उनको भनाइ छ ।
‘कसैले बोल्दैमा हुदैन, कुनै पार्टीले पनि एक्लै चुनाव लड्न सक्दैन् । नभए एमालेले राप्रपा, नेपाल परिवार दल, लोसपा र जोशी समुहहरुसँग मिलेर गठबन्धन गर्दैन्थ्यो । एमाले आतिएको छ भनेर बुझ्नु आवश्यक छ,’ उनले भनेका छन् ।
अर्कोतिर, कुनै कारणले गठबन्धन टुटेको भए प्रचण्ड(ओली मिल्ने सम्भावना रहेकोतर्फ उनले सचेत गराएका छन् । ‘आत्मलोचना गर्दै माधवलाई पनि भित्र्याउँथे । जसको प्रतिक्षामा केपी ओली बसिरहेका थिए । अनि त्यसपछिको अबस्था झन् भ्यावह हुने थियो,’ उनले चेतावनी दिएका छन् ।
‘अहिले केही साथीले टिकट नपाउँदेमा त्यति फरक पर्दैन किनकि प्रदेश सभा, प्रतिनिधि सभा, राष्ट्रिय सभा, समानुपातिक र विभिन्न राजनितीक नियुक्ति मार्फत धेरै साथीहरुलाई काम गर्ने अवसर दिन सकिन्छ । तर आफ्नो सरकार नै नभए के गर्नेरु’ उनले प्रश्न गरेका छन् ।
अहिले गठबन्धन तोडिँदा फेरी कम्युनिष्टहरु एक भई जाँदा संघीय चुनावपछि कम्युनिष्ट शासन आउँदा ३ वर्षे कम्युनिष्ट शासन कस्तो थियो भनेर सम्झना मात्रै गरेर हेर्न उनले स्मरण गराएका छन् । त्यसपछि धेरै कुरा बुझिने उनको तर्क छ ।
‘त्यसैले सके जति ठाउँमा गठबन्धन गरौ, होईन भने मित्रवत प्रतिष्पर्धा गरौ,’ उनले आह्वान गरेका छन् ।
एक किलो १०० ग्राम अवैध लागुऔषध कोकिनसहित दुई विदेशी नागरिक पक्राउ परेका छन् । पक्राउ पर्नेहरुमा भारतीय नागरिक २३ वर्षका फहिमुद्दिन नासिमुद्दिन अन्सारी र नाइजेरियन नागरिक...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
नेकपा एमालेले सरकारलाई दिएको समर्थन फिर्ता लिने तयारी गरेको छ । मंगलबार साँझ बसेको एमाले सचिवालय बैठकले आजसम्म पदबाट राजीनामा गर्न प्रधानमन्त्री पुष्पकमल दाहाल प्रचण्डलाई...
प्रधानमन्त्री पुष्पकमल दाहाल प्रचण्डले लिम्पियाधुरा, कालापानी र लिपुलेक लगायत महाकाली पूर्वको सबै भूभाग नेपालको हो भन्ने कुरामा सरकार दृढ र स्पष्ट रहेको बताएका छन् । मंगल...
बैतडीको शिवनाथ गाउँपालिका १ कुस्मौता गडामुखस्थित महाकाली नदीमा बेपत्ता भएका दुई किशोरीमध्ये एक जनाको शव फेला परेको छ । सशस्त्र प्रहरी बलको टोलीले शनिबार एक किशोरीको शव फे...
दृष्टिकोण दैनिक सम्बाददाता