दार्चुला । दार्चुलाको लेकम गाउँपालिकामा नेकपा एमाले को तर्फबाट गाउँपालिका अध्यक्ष पदमा परमानन्द जोशी उम्मेदवार चयन हुनुभएको छ । २०७४ सालको स्थानीय तह निर्वाचनमा लेकम गाउँपालिका अध्यक्षमा निर्वाचित जोशीलाई नै पुनः उम्मेदवार बनाउने सहमति भएको नेकपा एमाले दार्चुलाले जनाएको छ । गाउँपालिका उपाध्यक्षमा पनि वहालवाला उपाध्यक्ष माधवी जोशी दोहोरीने चर्चा छ । उपाध्यक्षका लागि वर्तमान उपाध्यक्ष जोशी र एमाले जिल्ला कमिटी सदस्य सुशिला अवस्थीले आकांक्षा देखाएका छन् । गाउँपालिका अध्यक्षमा परमानन्द जोशीलाइ उम्मेदवार बनाउने विषयमा सहमति जुटिसकेको छ, एमाले जिल्ला कमिटी अध्यक्ष प्रेमसिंह धामीले भन्नुभयो, उपाध्यक्षका लागि आकांक्षिहरुबिच छलफल भइरहेको छ ।
२०२१ साल पुष २२ गते लेकम गाउँपालिका–५ रिठाचौपाता मैखोली, दार्चुलामा जन्मिनुभएका अध्यक्ष जोशीले २०३६ सालमा बहुदलको प्रचारमा सक्रिय सहभागिता जनाउदै राजनीतिमा प्रवेस गर्नुभएको थियो । २०४६ सालदेखि खुला राजनीतिक सक्रियता देखाएका जोशी २०४७ वैशाख ११ गते रिठाचौपातामा नेकपा माले इकाइ कमिटी सचिव हुँदै त्यसपछि इलाका इन्चार्ज, जिल्ला कमिटी सदस्य, सचिवालय सदस्य र जिल्ला कमिटी उद्योग फाँट प्रमुख लगायत विभिन्न जिम्मेवारी निर्वाह गर्दै आइरहनुभएको छ ।
२०४९ र २०५४ सालमा रिठाचौपाता गाबिस उपाध्यक्षमा निर्वाचित जोशी २०७४ सालमा लेकम गाउँपालिका अध्यक्षमा निर्वाचित हुनुभएको थियो । लेकमका अधिकासं विद्यालय स्थापनामा भूमिका निर्वाह, पाँच वटा विद्यालय व्यवस्थापन समिति अध्यक्षको जिम्मेवारी निर्वाह गरिसकेको, विभिन्न संघ, संस्थामा आवद्धता हुँदै समाजसेवा मा सक्रिय जोशीले बहुमतका सरकार हुँदा सोचेअनुसार काम पुरा गर्न नसकेको बताउदै समृद्ध लेकमको सपना सकार पार्न एक पटक पुनः गाउँपालिका अध्यक्ष पदमा उम्मेदवारी दिन चाहेको बताउनुभयो । एक पटक पुनः मतदान गरेर लेकमबासी जनताले लेकमको विकास र लेकमाली जनताको सेवा गर्ने अवसर दिनेमा आशावादी रहेको जोशीको भनाई छ ।
अध्यक्ष जोशीले सडक, विद्युत विस्तार लगायत केही कामहरुमा आफ्नो कार्यकालमा उल्लेख्य काम भएको बताउदै शिक्षा, स्वास्थ्य, कृषि, रोजगारी र पुर्वाधार, आर्थिक र सामाजिक विकासको क्षेत्रमा नेपाली कांग्रेशबाट निर्वाचित जनप्रतिनिधिको असहयोगका कारण सोचेअनुसार काम गर्न नसकेको बताउनुभयो । पालिकामा बहुमतसहित निर्वाचित भएर लेकमको विकासका लागि आफुले परिकल्पना गरेका योजना, कार्यक्रम तथा सपनाहरु पुरा गर्न चाहेको उहाँको भनाई छ ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता