दार्चुला । दार्चुला सदरमुकाम खलंगा बजारको खानेपानी समस्या तत्काल समाधान गर्न अनेरास्ववियु दार्चुलाले माग गरेको छ । दार्चुलाका प्रमुख जिल्ला अधिकारी दिर्घराज उपाध्यायलाई ज्ञापनपत्र बुझाएर नेकपा एमाले निकट विद्यार्थी संगठन अनेरास्ववियु दार्चुलाले खानेपानी समस्या तत्काल समाधान गर्न अनुरोध गरेको हो । खानेपानी उपभोक्ता समिति, नगरपालिका, खानेपानी कार्यालय लगायत सरोकारवालाहरुले खानेपानी समस्या समाधान नगरे थप संघर्षका कार्यक्रम गर्ने अखिलले जनाएको छ ।
प्रजिअलाई बुझाइएको अनेरास्ववियु दार्चुलाका सचिव नरेन्द्रप्रसाद जोशीद्धारा हस्ताक्षरीत ज्ञापन पत्रमा भनिएको छ, सवैधानिक हक अधिकारलाई स्थानीय तह, सम्वन्धित निकाय र राज्यले समतामुलक रुपमा सम्वोधन गर्नु पर्दछ भन्ने कुरामा अनेरास्ववियु जिल्ला कमिटी दार्चुला प्रतिवद्ध छ । गाँस, बास, कपास, शिक्षा, स्वास्थ्य र रोजगार जनाताको नैसर्गीक अधिकार हो । यसले मात्र मानविय जीवन पुर्ण हुदैन र स्वस्थ्य जीवन जीउन शुद्ध खानेपानीको सदासर्वदा आवश्यकता पर्दछ । विगत केही महिना देखि दार्चुला जिल्ला सदरमुकाम खलंगा क्षेत्रको खानेपानी अनियमित हुदाँ स्थानीय, विद्यार्थी, सवै वर्ग मार्कामा परेका छन । वाङ्गाबगर क्षेत्र र बजार क्षेत्रका स्थानीय निकै समस्या भोगीरहेका छन् । जसको प्रत्यक्ष प्रभाव विद्यार्थीमा परेको छ । उपर्युक्त समस्याले विद्यार्थीका पठनपाठनमा समेत अनियमितता देखिएको प्रति अनेरास्ववियु चिन्तीत छ, ज्ञापन पत्रमा लेखिएको छ ।
सदमुकाम जस्तो सम्वेदनशील ठाउँमा महिनौ सम्म खानेपानी अवरुद्ध हुदाँ समेत सरोकारवाला कार्यालय, नगरपालिका तथा प्रशासन लगायत सवै निकाय मौन रहनु बढो दुःखत कुरा हो, अनेरास्ववियुले बुझाएको ज्ञापनपत्रमा भनिएको छ, यो विवसता र व्यथितीको हामी घोर भत्र्सना गर्दछौ । खानेपानी समस्याकै कारण गत माघ १४ गते महाकाली नदीमा नुहाउने क्रममा एक विद्यार्थीको ज्यान समेत गएको सवैका सामु छर्लङ्ग छ ।
त्यस्ता घटना दोहरीन नदिन सदरमुकाममा खानेपानी तुरुन्त सुचारु गर्न जोडदार माग गर्दछौ । यदि यो विषय जस्ताको त्यस्तै रहने हो भने अनेरास्ववियु जिल्ला कमिटी चुप लागेर नवस्ने र थप सर्घषका कार्यक्रम अगाडी बढाउने समेत यसै ज्ञापन पत्रका साथ ध्यानार्कण गराउदछौँ, पत्रमा भनिएको छ ।
जिल्ला प्रशासन कार्यालय दार्चुलामा बुझाइएको ज्ञापन पत्रको बोधार्थ महाकाली नगरपालिका, खलंगा वृहत खानेपानी उपभोक्ता समिति र खानेपानी तथा सरसफाइ सवडिभिजन कार्यालय, दार्चुलालाई समेत दिइएको छ । खलंगा बृहत खानेपानी आयोजना उपभोक्ता समितिलाई हस्तान्तरण भइसकेकोले खानेपानी व्यवस्थापनको जिम्मा समितिको रहेको खानेपानी कार्यालयले जनाएको छ ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता