एजेन्सी । भारत सरकारको आर्थिक सहयोगअन्तर्गत भोजपुरस्थित षडानन्द नगरपालिकामा निर्मित महात्मा गान्धी मेमोरियल अस्पताल भवनको उद्घाटन भएको छ । सञ्चार तथा सूचना प्रविधिमन्त्री एवं सरकारका प्रवक्ता ज्ञानेन्द्रबहादुर कार्कीले अस्पताल भवन बिहीबार उद्घाटन गरेका हुन् ।
कार्यक्रममा भारतीय राजदूतावासका नियोग उपप्रमुख नामग्य सी खम्पा, दूतावासका अन्य अधिकारी र स्थानीय सरकारका पदाधिकारी सहभागी थिए । अस्पताल भवनका लागि भारत सरकारले दुई करोड २६ लाख रुपैयाँ सहयोग गरेको थियो । ‘भारत स्वतन्त्र भएको ७५ वर्षको उत्सव मनाउन भारत सरकारले अघि सारेको आजादीका अमृत महोत्सवअन्तर्गत यस वर्ष नेपालमा उद्घाटन गरिने ७५ वटा परियोजनाहरूमध्येको एक हो,’ भारतीय दूतावासले विज्ञप्तिमा भनेको छ, ‘यस अस्पतालले भोजपुर जिल्ला र आसपासका अन्य जिल्लाका मानिसहरूलाई गुणस्तरीय स्वास्थ्य सेवामा अझ राम्रो पहुँच प्रदान गर्नेछ ।’
अस्पताल १५ शय्या क्षमताको छ । यसमा प्रसूति कक्ष, चौबिसै घण्टा आपतकालीन स्वास्थ्य परीक्षण कक्ष, बालबालिका वार्ड, शल्यक्रिया कक्ष, प्रतीक्षालय, प्याथोलोजी ल्याब, चिकित्सक तथा नर्स कक्ष, महिला तथा आगन्तुकमा लागि छुट्टाछुट्टै शौचालय र फर्निचर तथा अस्पताल उपकरणको व्यवस्था गरिएको छ ।
भारतले २०६० सालपछि नेपालमा ५२३ भन्दा बढी उच्च प्रभाव सामुदायिक विकास परियोजनाहरू अघि बढाइसकेको दूतावासले जनाएको छ । यीमध्ये ४६७ वटा सम्पन्न भइसकेका छन्। भोजपुरका ४ परियोजना अघि बढेका छन् भने भारत सरकारले भोजपुरका लागि तीनवटा एम्बुलेन्स दिइसकेको छ । प्रदेश १ मा भारतीय सहयोगका ७८ परियोजना रहेका छन् ।
सञ्चारमन्त्री कार्कीले सहयोगका लागि भारत सरकारलाई धन्यवाद व्यक्त गरे । भारतीय उपनियोग प्रमुख खम्पाले अस्पताल भवन परियोजनालाई दुई देशबीचको बहुपक्षीय तथा बलियो विकास साझेदारीको प्रमाण भनेकी छिन् ।
अफगानिस्तानमा पछिल्लो ६ महिनामा दादुराका कारण कम्तीमा १ सय ६० जनाको ज्यान गएको विश्व स्वास्थ्य सङ्गठन ९डब्ल्यूएचओ० ले जनाएको छ । डब्ल्यूएचओको प्रतिवेदनअनुसार जनवरीदेखि जु...
लायतमा आज आम चुनाव हुँदैछ । आज हुने चुनावमा मुख्य प्रतिस्पर्धा प्रधानमन्त्री ऋषि सुनकको कन्जरभेटिभ पार्टी र विपक्षी लेबर पार्टीबीच हुने अनुमान गरिएको छ । चुनावअघि गरिएको...
चीनका उपविदेशमन्त्री सुन वेइडोङ नेपालको तीनदिने औपचारिक भ्रमणका लागि आज बिहान यहाँ आइपुगेका छन् । उपविदेशमन्त्री सुनलाई त्रिभुवन अन्तर्राष्ट्रिय विमानस्थलमा परराष्ट्र मन्...
इजरायलले आक्रमण गरिरहेको गाजामा खाना र पानीको अभावले बालबालिकाको स्वास्थ्यमा गम्भीर समस्या देखिएको छ । ४० डिग्री सेल्सियस आसपासको गर्मी, सीमित खानेकुरा र पानीको चरम अभावल...
अमेरिकी राष्ट्रपतिका उम्मेदवार डोनाल्ड ट्रम्पलाई अर्बपति टिमोथी मेलन एक्लैले ५० मिलियन डलर बराबरको चन्दा दिनुभएको छ । यसअघि न्यूयोर्क अदालतले ट्रम्पलाई दोषी ठहर गरेको भोल...
दक्षिण अफ्रिकाको राष्ट्रपतिमा दोस्रो कार्यकालका लागि सिरिल रामाफोसा निर्वाचित हुनुभएको छ । दक्षिण अफ्रिकाको संसदले सत्तारुढ अफ्रिकी नेशनल कांग्रेस एएनसी र विपक्षी दलहरूबि...
दृष्टिकोण दैनिक सम्बाददाता