दार्चुला । नेकपा एमालेको आठौँ जिल्ला अधिवेशनका लागि दार्चुलाका नौँ वटै स्थानीय तहबाट प्रतिनिधि चयन गरिएको छ । पुस १५ र १६ गते जिल्लाका ६१ वटै वडाबाट सर्वसम्मत रुपमा प्रतिनिधि छनौट गरेको एमालेले शनिबार गाउँ नगर पालिका कमिटीबाट प्रतिनिधि चयन गरेको हो । वडाबाट संगठित सदस्य संख्याको आधारमा प्रतिनिधि चयन गरिएको छ भने नगरकमिटीबाट ४ जना पुरुष र २ महिला गरी ६ जना र गाउँपालिका कमिटीबाट ३ जना पुरुष र २ जना महिला गरी ५ जना प्रतिनिधि चयन गरिएको छ ।
लेकम गाउँपालिका कमिटीबाट केशबराज बिष्ट, राज बोहरा, पुष्पराज जोशी, रिता बिष्ट, पुजा सार्की जिल्ला प्रतिनिधि चयन भएका छन् । लेकम गाउँपालिकाबाट जिल्ला अधिवेसन आयोजक कमिटी सदस्यबाहेक ६१ जना प्रतिनिधि चयन गरिएको गाउँकमिटी अध्यक्ष केशबराज बिष्टले जानकारी दिनुभयो । वडानम्बर १ बाट ७ जना, वडानम्बर २ बाट १० जना, वडानम्बर ३ बाट ७ जना, वडानम्बर ४ बाट १२ जना, वडानम्बर ५ बाट १० जना र वडानम्बर ६ बाट १० गरी ५६ जना प्रतिनिधि भुगोलबाट र ५ जना गाउँकमिटीबाट गरी ६१ जना प्रतिनिधि चयन गरिएको जिल्ला अधिवेशन आयोजक कमिटी सदस्य एबं लेकम गाउँकमिटी इन्चार्ज परमानन्द जोशीले बताउनुभयो । शनिबार बसेको बैठकले लेकम गाउँपालिका वडा नम्बर ६ का वडा कमिटी सदस्य चन्द्र सार्कीको यहि पुस १४ गते असमाहिक मृत्यु भएकोले शोक प्रस्ताव समेत पारीत गरिएको गाउँकमिटी अध्यक्ष बिष्टले बताउनुभयो ।
महाकाली नगरपालिकाबाट नरसिह चैसीर, दुर्गा धामी, मदनसिह ठगुन्ना, खडकसिह महर, रतनसिह बोहरा र प्रेमसिह साहु चयन भएका छन् । मालिकार्जुनबाट गणेशसिह धामी, सुरेन्द्रसिह धामी, पदमसिह धामी, कमला टमटा र जानकी धामी चयन भएका छन् । दुहुँ गाउँपालिका स्तरिय कमिटीबाट जंगबहादुर बम, जमनसिह बडाल, उत्तमबहादुर बम, भवानी लोथ्याल र पार्वती जोशी चयन भएका छन् ।
व्यासबाट मंगलसिह धामी, निर्मला धामी, नारद दत्त भट्ट सहित ५ जना चयन गरिएको छ । नौगाडबाट नरेन्द्रसिह ठगुन्ना, ठगेन्द्रसिह जुहारी, पानसिह धामी, गिता ठगुन्ना र रुपा टमटा चयन भएका छन् । शैल्यशिखर, मार्मा र अपिहिमाल गाउँपालिकाबाट समेत प्रतिनिधि चयन गरिएको बताइएको छ । जिल्लाभरीका वडाहरुबाट सदस्य संख्याको आधारमा मापदण्ड अनुसार र पालिकाहरुबाट ४७ जना जिल्ला अधिवेसन प्रतिनिधि चयन भएका छन् । जिल्ला अधिवेसन आयोजक कमिटी सदस्यहरु भने पदेन प्रतिनिधि हुने बताइएको छ ।
पुस २३ गते एमालेको जिल्ला अधिवेसन आयोजना हुने भएकोले सदरमुकाम खलंगामा चहलपहल बढ्न थालेको छ । जिल्ला नेतृत्वका लागि करिब आधा दर्जन नेताहरुले पहल गरिरहेको बुझिएको छ ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता