दृष्टीकाेणा समाचार दार्चुला भदौ ७ । मार्मा गाँउपालिकाको वडा नम्बर १ गुल्जरको घोल्जरमा मंगलवार विहान आफ्नै घरमा मृत फेला परेका अंगिरसिह ठगुन्नाको हत्या भएको आशंका गरिएको छ । अंगिरसंग पैसा रहेको र पैसा लुट्नका लागि हत्या गरिएको हुनसक्ने आशंका गरिएको छ ।
मंगलवार विहान घोल्जरस्थित आफ्नै घरमा ठगुन्ना मृत भेटिएका थिए । घरमा ७८ वर्षिय वुवा र अंगिर मात्रै थिए । कान नसुन्ने अवस्थामा रहेका अंगिरका वुवाले सोमबार राती छोरो कसरी मरेको भन्ने थाहा पाउन सकेनन् ।
मंगलवार विहान छिमेकी हरसिह धामीले जिल्ला प्रहरी कार्यालयमा घटनाबारे खबर गएको दार्चुला प्रहरी प्रवक्ता हिक्मतवहादुर बोहराले बताउनुभयो । इप्रका लटिनाथ र गोकुलेश्वरका साथै जिल्ला प्रहरीबाट समेत अनुसन्धान टोली परिचालन गरेर घटनाको अनुसन्धान थालिएको उहाँले जानकारी दिनुभयो ।
प्रहरीका अनुसार घरभित्रै मृत अवस्था भेटिएका ठगुन्नाको टाउकोमा चारवटा घाउ छन् । खुकुरीले प्रहार गरी हत्या गरिएको प्रारम्भिक बुझाइ छ । प्रहरीले घटनास्थलको मुचुल्का उठाएर मृतकको लास पोष्टमार्टमका लागि गोकुलेश्वर अस्पताल पठाएको छ । बुधवार विहान गोकुलेश्वर अस्पतालमा लास पठाइएको प्रहरीले बताएको छ ।
धनगढीमा जग्गा किन्ने तयारीमा रहेका अंगिरले केही रकम जम्मा गरी घरमा राखेको खुलेको छ । घरभित्रको दराजमा साढे नौ लाख रुपैयाँ भेटिएको प्रहरी प्रवक्ता बोहराले बताउनुभयो । घरमा रहेको उक्त पैसा लुट्नका लागि अंगिरको हत्या भएको आशंका गरिएको छ । तर प्रहरीले घटनाबारे विभिन्न कोणबाट अनुसन्धान भइरहेको जनाएको छ ।
मृतक ठगुन्ना स्वास्थ्य चौकी गुल्जरमा कार्यालय सहयोगी थिए । ठगुन्नाका श्रीमती र छोरी खर्क गएको बेला सोमबार राती आफ्नै घरभित्र ठगुन्ना मृत भेटिएका हुन् । ठगुन्नाका दुई छोरा भए पनि घरबाहिर छन्
एक किलो १०० ग्राम अवैध लागुऔषध कोकिनसहित दुई विदेशी नागरिक पक्राउ परेका छन् । पक्राउ पर्नेहरुमा भारतीय नागरिक २३ वर्षका फहिमुद्दिन नासिमुद्दिन अन्सारी र नाइजेरियन नागरिक...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
नेकपा एमालेले सरकारलाई दिएको समर्थन फिर्ता लिने तयारी गरेको छ । मंगलबार साँझ बसेको एमाले सचिवालय बैठकले आजसम्म पदबाट राजीनामा गर्न प्रधानमन्त्री पुष्पकमल दाहाल प्रचण्डलाई...
प्रधानमन्त्री पुष्पकमल दाहाल प्रचण्डले लिम्पियाधुरा, कालापानी र लिपुलेक लगायत महाकाली पूर्वको सबै भूभाग नेपालको हो भन्ने कुरामा सरकार दृढ र स्पष्ट रहेको बताएका छन् । मंगल...
बैतडीको शिवनाथ गाउँपालिका १ कुस्मौता गडामुखस्थित महाकाली नदीमा बेपत्ता भएका दुई किशोरीमध्ये एक जनाको शव फेला परेको छ । सशस्त्र प्रहरी बलको टोलीले शनिबार एक किशोरीको शव फे...
दृष्टिकोण दैनिक सम्बाददाता