दार्चुला । नेपाली कांग्रेस दार्चुलाको सातौँ जिल्ला अधिवेशन खलंगास्थित खुलामञ्चमा उद्घाटन भएको छ । नेपाली कांग्रेशका केन्द्रिय सदस्य एबं कानून न्याय तथा संसदीय मामिला मन्त्री दिलेन्द्रप्रसाद बडूले अधिवेसन उद्धाटन गर्नुभएको हो । खलंगामा उद्घाटन सत्र सम्पन्न भइसकेको र कार्यसमिति र महाधिवेसन प्रतिनिधि चयनका लागि भावना हलमा बन्द सत्र सुरु गर्ने तयारी भइरहेको कांग्रेश दार्चुलाका सचिव हरक बिष्टले जानकारी दिनुभयो ।
कांग्रेश दार्चुलाका सभापति ललितसिह बोहराको अध्यक्षतामा उद्घाटन भएको कार्यक्रममा मन्त्री बडूको प्रमुख आतिथ्यता रहेको छ । जनप्रतिनिधि, कांग्रेशका नेता कार्यकर्ताको उपस्थिति रहेको कार्यक्रममा अधिकासं वक्ताहरुले कम्युनिष्ट पार्टीहरुप्रति आरोप प्रत्यारोप लगाउदै कांग्रेशको पक्षमा अपिल गरेका छन । यसअघि कांग्रेशले जिल्लाका ६१ वटै वडा, ९ वटै पालिका र २ वटै क्षेत्रीय अधिवेशन सम्पन्न गरी सकेको छ । उद्घाटन सत्र छोट्याएर नेतृत्व चयनमा केन्द्रित हुने नेताहरुले बताएका छन । नेताहरुले सहमतिमै नेतृत्व चयन गर्नुपर्ने बताइरहदा तल्ला कमिटीहरुमा समेत निर्वाचन भइसकेको र जिल्ला पदाधिकारीमा आकाक्षिं नेताहरु बढी भएकोले सहमतिको सम्भावना न्यून देखिन्छ । मन्त्री दिलेन्द्रप्रसाद बडूले सहमतिमै नेतृत्व चयनका लागि नेताहरुलाई निर्देशन दिनुका साथै आफुले प्रयास गरेपनि कतिपय वडा, पालिका र दुबै प्रदेशसभा क्षेत्रमा निर्वाचन भएको बताइएको छ ।
जिल्ला सभापति पदका लागी वर्तमान सभापति ललित सिंह बोहरा र उपसभापति अमरसिह धामी प्रमुख दाबेदार देखिएका छन् । अन्य पदाधिकारीहरुमा समेत दुई दर्जनबढी नेताहरु आकाक्षिं देखिएका छन । उम्मेदवारी मनोनयनको समय बाँकी भएपनि धेरैजसो नेताहरुले सामाजिक सञ्जाल र आन्तरिक टिममा प्रचारप्रसार तिब्र पारेका छन् । कांग्रेशको जिल्ला अधिवेशनबाट जिल्लामा सभापति १ जना, उपसभापति २ जना, सचिव २ जना र सहसचिव २ जना निर्वाचित हुने व्यवस्था छ ।
नेपाली कांग्रेसको केन्द्रिय महाधिवेसन यहि मंसिर २४, २५ र २६ गते काठमाण्डौंमा गर्ने तयारी रहेकोमा नेताहरु जिल्लामा समेत आफु अनुकुलका प्रतिनिधि छनोट गर्न लबिङमा लागेको बताइन्छ । कांग्रेशमा प्रमुख रुपमा देखिएका देउवा र पौडेल गुटमध्ये दार्चुलामा दुबै गुट नजिकका नेताहरु आफुअनुकुल प्रतिनिधि छनोटको कसरतमा लागेका छन् । प्रदेशसभा अधिवेसन अन्तरगत आइतबार सम्पन्न निर्वाचनबाट क क्षेत्रमा मन्दिरसिह धामी र ख० क्षेत्रमा केशवबहादुर सिंह सभापती चयन भएका छन् ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
नेपाल कम्युनिष्ट पार्टी (एकीकृत समाजवादी) ले यही असारभित्र केन्द्रीय कमिटीलाई पूर्णता दिने भएको छ । भूगोल, क्षेत्र तथा सन्तुलन मिलाएर नेताहरूको योगदान र क्षमताका मूल्याङ्...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
नेपाली कांग्रेसका सांसद दिलेन्द्रप्रसाद बडूले लोकल मदिरा ब्रान्डिङ गर्ने बजेटको योजना राम्रो भएको बताएका छन् । नेपालको लोकल मदिरालाई विदेश निर्यात गर्ने गरी सरकार अघि बढ्...
दृष्टिकोण दैनिक सम्बाददाता