दार्चुला । नेपाल प्रहरीले बुधबार विशेष समारोहको आयोजना गरी ६६ औं प्रहरी दिवस मनाएको छ । प्रहरी ऐन, २०१२ मा लालमोहर लगाइएको दिनको स्मरणमा हरेक वर्ष यो दिवस मनाइँदै आएको छ । दिवसको अवसरमा जिल्ला प्रहरी कार्यालय दार्चुलाले औपचारीक कार्यक्रमको आयोजना गरेको छ ।
बिहान ८ बजेदेखि सुरु भएको कार्यक्रममा दिवंगत अमर प्रहरीहरुको सम्झना र विभिन्न व्याक्तिहरुलाई सम्मान गरिएको छ । सुदूरपश्चिम प्रदेश सभाका उपसभामुख निर्मला बडाल जोशीको प्रमुख आतिथ्यतामा आयोजित समारोहमा महाकाली नगरपालिकाका प्रमुख हंशराज भट्ट, मार्मा गाउँपालिका अध्यक्ष जमनसिह धामी, नौगाड गाउँपालिका अध्यक्ष प्रेमसिह धामी, प्रमुख जिल्ला अधिकारी शिद्धराज जोशी, सुरक्षा निकायका प्रमुख, सञ्चारकर्मी, मानवअधिकारकर्मी, समाजसेवी लगायत विभिन्न व्याक्तित्तहरुको आतिथ्यता रहेको थियो । प्रहरी दिवसको अवसरमा दार्चुला प्रहरीले १० जना उत्कृष्ट चालक, ११ जना उत्कृष्ट प्रहरी, एक जना ७० वर्ष बढी उमेरका पुर्वप्रहरी दिलानन्द बडू र दुई जना प्रहरीलाई जग्गादान गर्ने जग्गादातालाई सम्मानित गरेको छ । दिवसको अवसरमा तीन दिन पहिलेदेखि नै सरसफाइ, मास्क वितरण, बृक्षारोपण लगायतका गतिविधि गरिएको जिल्ला प्रहरी कार्यालय दार्चुलाले जनाएको छ । दिवसको अवसरमा साँझ दिपावली समेत गरिएको र दशैंको अवसरमा शुभकामना आदान–प्रदान समेत गरिएको बताइएको छ ।
६६ औं प्रहरी दिवसको अवसरमा दार्चुलाका १० जना असल सवारी चालकलाई सम्मान एवं पुरस्कृत गरिएको छ । लगातार तीन वर्ष सम्म सवारी साधन चलाउदै आएका तथा असल बानी व्यहोरा भएका सवारी चालकहरुलाई प्रहरी दिवसको उपलक्ष्यमा सम्मान एवं पुरस्कृत गरिएको जिल्ला ट्राफिक कार्यालय दार्चुलाका प्रमुख हिक्मत सिंह महताले जानकारी दिनुभयो । सम्मानित हुनेमा देव दत्त भट्ट, दिपेन्द्र बहादुर विष्ट, गजेन्द्र सिंह ठगुन्ना, खगेन्द्रराज जोशी, मोहनराम कोली, गगन सिंह धामी, केशर सिंह महरा, अकबर सिंह ठगुन्ना, मुकेश राना र रघुबिर सिंह धामी रहेका छन् । ट्राफिक प्रहरीले विभिन्न चार वटा मापदण्डका आधारमा सवारी चालकहरुलाई छनौट गरी सम्मान गरेको हो । लगातार तीन वर्षसम्म सवारी साधन चलाउदै आएको, सवारी साधन सम्बन्धी कुनै पनि अभियोगमा प्रहरीमा नआएको, दुर्घट्ना नगरेको र यात्रुहरुबाट चालकबारे कुनै पनि गुनासा नआएको आधारमा उनीहरुलाई प्रहरी दिवसको अवसरमा सम्मानित एवं पुरस्कृत गरिएको ट्राफिक प्रमुख महताले बताउनुभयो ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता