दार्चुला । दार्चुला जिल्लाको व्याँस छाङगरुस्थित नीतिकुण्डमा नेपाल प्रहरी बसेको ५१ वर्षपछि नयाँ भवन निर्माण सुरु भएको छ । सीमा सुरक्षा, अपराध नियन्त्रण र स्थानीयको सुरक्षामा खटिएको प्रहरीको लागि नयाँ सुविधासम्पन्न भवन निर्माण सुरु भएको हो । नेपाल प्रहरी पहिलो पटक २०२७ सालमा छाङ्गरु सीतापूलमा बसेको थियो । प्रहरी यसअघि छ महिना व्याँसको छाङगरु र छ महिना दुम्लीङ झर्ने गरेकोमा गत वर्षबाट बाह्रै महिना छाङ्गरुमा बस्न थालेको छ । तर प्रहरीले पूरानो चुहिने भवनमा बसेर ड्युटी गर्नुपरेको थियो ।
छाङ्गरुमै बाह्रै महिना बस्ने सशस्त्र प्रहरीको लागि भवन निर्माण सुरु भएको एक वर्षपछि नेपाल प्रहरीको पनि भवन निर्माण हुन लागेको हो । भवन निर्माणको लागि निर्माण व्यवसायी, प्रहरी पुगेर भवन निर्माण सुभारम्भ गरेका छन् । जिल्ला प्रहरी प्रमुख डिएसपी मनोहरप्रसाद भट्टले नवनिर्माण हुने भवनको शिलान्यास गर्नुभएको छ ।
पूरानो जीर्ण भवनमा बस्दै आएका प्रहरीको लागि २ तला र ११ कोठे भवन निर्माण सुरु गरिएको जिल्ला प्रहरी कार्यालय दार्चुलाका सूचना अधिकारी माधव विश्वकर्माले जानकारी दिनुभयो । भवन निर्माणको शिलान्यास गरिएको छ । अबको दुई वर्षभित्र भवन निर्माण सक्नुपर्ने छ ।
भवन निर्माणको लागि कुल २ करोड २ लाख ८५ हजार ५१९ रुपैयाँ लागतमा एलबी एण्ड एबी प्रालि धनगढीसँग गत वैशाख ७ गते ठेक्का सम्झौता भएको थियो ।
भवन निर्माण २०८० वैशाख ६ गते सक्नुपर्ने सम्झौतामा उल्लेख छ । भवन निर्माण गर्न सुदूरपश्चिमको आन्तरिक मामिला तथा कानुन मन्त्रालयले बजेट विनियोजन गरेको हो । यो क्षेत्रमा मङ्सिर पछि हिमपात हुने हुँदा भवन निर्माणको काम गर्न सकिदैन् । अहिले निर्माण व्यवसायीले जगको काम सुरु गर्ने तयारी गरेको छ । भवन निर्माणको लागि चाहिने ढुङ्गा गिट्टी सरियाको व्यवस्थापन गरेको छ । भवन निर्माणको लागि आवश्यक ३ हजार ५ सय क्यूफिट काठको लागि गत भदौ २१ गतेको मन्त्रिपरिषद बैठकले स्वीकृत दिएको छ । तर भवन निर्माणको लागि सामुदायिक वनले भने काठ दिन नसकिने जनाएको छ । भवनमा काठको प्रयोग बढि हुने छ । छाङ्गरुमा चिसो हुने भएको कारण न्यानो हुने गरी भवन निर्माण गरिन लागेको डिएसपी भट्टले बताउनुभयो ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता