दार्चुला ।नेपाली कांग्रेशको १४ औँ महाधिवेसन अन्तरगत दार्चुलाका सबै स्थानीय तहमा नेतृत्व चयन गर्दै पालिका अधिवेसन सम्पन्न भएको छ । महाकाली नगरपालिका, दुहुँ गाउँपालिका, व्यास गाउँपालिका र लेकम गाउँपालिकामा निर्वाचनमार्फत पालिका सभापति चयन गरिएको छ । भने शैल्यशिखर नगरपालिका, नौगाड, मार्मा, मालिकार्जुन र अपिहिमाल गाउँपालिकामा सहमतिमै नेतृत्व चयन भएको नेपाली कांग्रेश दार्चुलाका सचिव हरक बिष्टले जानकारी दिनुभयो ।
जिल्ला सदरमुकाम खलंगास्थित महाकाली नगरपालिकाको नगर कार्यसमिति सभापतिमा चन्द्रसिह बिष्ट चयन हुनुभएको छ । दुहुँ गाउँपालिकामा नरेन्द्र कुवँर र व्यास गाउँपालिकामा नरेन्द्र भट्ट गाउँकार्यसमिति सभापति चयन हुनुभएको नेबि संघ दार्चुलाका प्रवक्ता दिपक खातीले जानकारी दिनुभयो । यस्तै शैल्यशिखर नगरपालिकामा कांग्रेशको नगर सभापतिमा मोहनसिंह साउद चयन हुनुभएको छ । शनिबार उद्घाटन भएको अधिवेसन अन्तरगत दुई दिन लामो प्रयासपछि साउदलाई सभापती चयन गर्न सहमती जुटेको नेपाली कांग्रेशका क्षेत्रीय प्रतिनिधि कृष्णसिह रावलले जानकारी दिनुभयो । आइतबार विहान १० बजेपछि निर्वाचनमार्फत नेतृत्व चयन गर्ने तयारी भएपनि नेताहरुले सहमतीमै जोड दिएपछि निर्वाचन नभएको बताइएको छ ।
दार्चुलाको नौँ वटै स्थानीय तहमा शनिबार नै अधिवेसन उद्घाटन भएको थियो । कांग्रेश दार्चुलाका अनुसार नौगाड गाउँकार्यसमिति सभापतिमा प्रेमसिह धामी, मालिकार्जुन गाउँपालिका सभापतिमा किसन सामन्त, अपिहिमाल गाउँपालिका सभापतिमा शोभानसिह लोथ्याल र मार्मा गाउँपालिका सभापतिमा धनन्जय जोशी सर्वसहमतीमै चयन हुनुभएको छ ।
लेकम गाउँपालिकामा निर्वाचनमार्फत मोहनदेब जोशीलाई पराजित गर्दै वडा नम्बर ६ का वडाअध्यक्ष समेत रहनुभएका कमलापती मिश्र सभापती चयन हुनुभएको छ । लेकमको उपसभापतीमा दौलतसिह साउँद र रघुनाथ जोशी, सचिव शिवराज जोशी र तुलसी पन्त, सहसचिवमा बिरेन्द्र कार्की र भागरथी भण्डारी चयन भएका छन् । सभापतीका लागि निर्वाचन भएपनि अरु पदाधिकारी सहमतिमै चयन भएका हुन् ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
नेपाल कम्युनिष्ट पार्टी (एकीकृत समाजवादी) ले यही असारभित्र केन्द्रीय कमिटीलाई पूर्णता दिने भएको छ । भूगोल, क्षेत्र तथा सन्तुलन मिलाएर नेताहरूको योगदान र क्षमताका मूल्याङ्...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
नेपाली कांग्रेसका सांसद दिलेन्द्रप्रसाद बडूले लोकल मदिरा ब्रान्डिङ गर्ने बजेटको योजना राम्रो भएको बताएका छन् । नेपालको लोकल मदिरालाई विदेश निर्यात गर्ने गरी सरकार अघि बढ्...
दृष्टिकोण दैनिक सम्बाददाता