दार्चुला । नेपाली कांग्रेशको १४ औँ महाधिवेसन अन्तरगत ९ गतेदेखि पालिका अधिवेशन शुरु भएको छ । दार्चुलाको नौँ वटै स्थानीय तहमा शनिबार नै अधिवेसन उद्घाटन भएको थियो । पाँच वटा गाउँपालिकामा नेतृत्व चयन भइसकेको भएपनि दुई नगरपालिकासहित चार स्थानीय तहमा सहमति नजुटदा नेतृत्व चयनमा ढिलाइ भएको छ ।
दार्चुला सदरमुकामस्थित महाकाली नगरपालिका र शैल्यशिखर नगरपालिकामा नगर सभापतीका लागि चार चार जनाको उम्मेदवारी परेको छ । व्याँस गाउँपालिका र दुहुँ गाउँपालिकामा पाँच पाचँ जनाको उम्मेदवारी परेको भएपनि केहि उम्मेदवारले उम्मेदवारी फिर्ता लिन सहमती जनाएको कांग्रेश दार्चुलाले जनाएको छ । व्यासँ गाउँ कार्यसमिति सभापतीका लागि पाँच जनाले उम्मेदवारी दर्ता गरेका छन् । मंगलसिह धामी, नरेन्द्र भट्ट, बाशुदेब सिह ऐतबाल, करनसिह धामी र नरेन्द्रसिह बिष्टले व्यास गाउँपालिका सभापतीमा उम्मेदवारी दिएको कांग्रेश दार्चुलाका सचिव हरक बिष्टले जानकारी दिनुभयो । दुहुँमा पाँच जनाको उम्मदवारी परेकोमा तीन जनाले फिर्ता लिएर तेजबहादुर बम र नरेन्द्रसिह कुवँर सभापतीको प्रमुख दाबेदार रहेको सचिव बिष्टले बताउनुभयो ।
शैल्यशिखर र महाकालीमा सभापतीका लागि चार चार जनाको उम्मेदवारी परेको छ । शैल्यशिखरको नगर समिति सभापतीका लागि जगदिश बहादुर बिष्ट, मोहनसिह साउद, रामदत्त जोशी, लक्ष्मणसिह डागाले उम्मेदवारी दर्ता गरेका छन् । निर्वाचनमा जाने अवस्था आए जगदिश बिष्ट र लक्ष्मण डागाबिच प्रतिस्पर्धा हुने र सहमती भए रामदत्त जोशी वा मोहनसिह साउँदमध्ये एक जनामा सहमती हुनसक्ने सम्भावना रहेको स्रोतले जनाएको छ । शैल्यशिखरको उपसभापतीमा मानसिह खडायत, गोबिन्द प्रसाद जोशी, अशोकसिह धामी, महेशसिह बिष्टको उम्मेदवारी छ ।
सचिवमा सुरेशसिह बिष्ट, जनकराज जोशी, तिलकबहादुर पाल, सहसचिव देबदत्त जोशी, डम्बरसिह ठगुन्ना, नविन पार्की र अपागंमा केशवराज जोशीको उम्मेदवारी परेको नेबिसंघ जिल्ला कार्यसमिति सदस्य तथा क्षेत्रीय प्रतिनिधि कृष्णसिह रावलले जानकारी दिनुभयो । उहाँका आइतबार विहान १० बजेसम्म सहमती नजुटे निर्वाचन गर्ने तयारी छ । यस्तै दार्चुला सदरमुकामस्थित महाकाली नगरपालिकामा सभापतीका लागि तरुणप्रसाद अवस्थी, चन्द्रसिह बिष्ट, लोकमणी ठगुन्ना र तारादत्त जोशीको उम्मेदवारी परेको छ ।
दार्चुलाको नौँ वटा स्थानीय तहमध्ये चार वटा स्थानीय तहमा सहमतिमै नेतृत्व चयन भएको छ । कांग्रेश दार्चुलाका अनुसार नौगाड गाउँकार्यसमिति सभापतीमा प्रेमसिह धामी, मालिकार्जुन गाउँपालिका सभापतीमा किसन सामन्त, अपिहिमाल गाउँपालिका सभापतीमा शोभानसिह लोथ्याल र मार्मा गाउँपालिका सभापतीमा धनन्जय जोशी सर्वसहमतीमै सभापती चयन हुनुभएको छ । लेकम गाउँपालिकामा निर्वाचनमार्फत मोहनदेब जोशीलाई पराजित गर्दै वडा नम्बर ६ का वडाअध्यक्ष समेत रहनुभएका कमलापती मिश्र सभापती चयन हुनुभएको छ ।
नेपाल कम्युनिष्ट पार्टी (एकीकृत समाजवादी) ले यही असारभित्र केन्द्रीय कमिटीलाई पूर्णता दिने भएको छ । भूगोल, क्षेत्र तथा सन्तुलन मिलाएर नेताहरूको योगदान र क्षमताका मूल्याङ्...
नेपाली कांग्रेसका सांसद दिलेन्द्रप्रसाद बडूले लोकल मदिरा ब्रान्डिङ गर्ने बजेटको योजना राम्रो भएको बताएका छन् । नेपालको लोकल मदिरालाई विदेश निर्यात गर्ने गरी सरकार अघि बढ्...
प्रधानमन्त्री पुष्पकमल दाहाल ुप्रचण्डु भारतीय समकक्षी नरेन्द्र मोदीको शपथग्रहण समारोहमा सहभागी हुन आज भारत जाँदै हुनुहुन्छ । पाँच सदस्यीय प्रतिनिधिमण्डलको नेतृत्व गर्दै उ...
नेपाल कम्युनिष्ट पार्टी एमालेका अध्यक्ष केपी शर्मा ओलीले राजनीतिक अस्थिरताका कारण विकास निर्माण हुन नसकेको बताएका छन् । एमालेको भौतिक पूर्वाधार तथा यातायात केन्द्रिय विभ...
सुदूरपश्चिम प्रदेशका मुख्यमन्त्री दीर्घबहादुर सोडारीले शुक्रबार विश्वासको मत लिने भएका छन् । मंगलबार बिहान मुख्यमन्त्री तथा मन्त्रिपरिषद्को कार्यालयमा बसेको सत्तारुढ गठबन...
सुदूरपश्चिम प्रदेशका मुख्यमन्त्री दीर्घबहादुर सोडारीले सत्तारुढ गठबन्धनको बैठक बोलाएका छन् । बैठक बिहान ९ बजे मुख्यमन्त्री तथा मन्त्रिपरिषद्को कार्यालयमा बसेको हो । ६ वै...
दृष्टिकोण दैनिक सम्बाददाता