कृष्ण धामी, भाद्र ४ दार्चुला । नेपाल भारत सीमा जोड्ने दार्चुला जिल्लाको व्याँस गाउँपालिका वडा नम्बर ५ तिगरममा रहेको झोलुङ्गे पुल दुईदिन देखि बन्द रहेको छ । शनिबार राती परेको अविरल बर्षासँगै तिग्रम पुलमा नेपाल तर्फबाट पहिरो गएपछि पुलमा आवत जावत बन्द गरिएको हो । सस्पेन्सन ब्रीज डिभिजन मार्फत २०७४ सालमा कञ्चनपुरको श्री मना÷मालिका जे भीले निर्माण गरेको उक्त पुल पहिरोको उच्च जोखिममा रहेकोले आवत जावत बन्द गरिएको दार्चुलाका सहायक प्रमुख जिल्ला अधिकारी शिवराज जोशीले जानकारी दिनुभयो ।
पहिरोका कारण झण्डै २० लाख बराबरको क्षती
तिग्रम पुलको ५१ मिटर माथिबाट पहिरो परेपछि पुलमा झण्डै २० लाख रुपँैया बराबरको क्षति भएको छ । सोमबार जिल्ला समन्वय समिति अन्तरगतको हेल्बीटास नेपाल, समाज कल्याण समाज दार्चुलाका झोलुङ्गे पुल कार्यक्रमका टिम लिडर रघुविरसिह ठगुन्ना र सव ओभरसियर राजेन्द्रसिह ठगुन्नाले पहिरोको नाप जाँच गरी क्षतीको विवरण निकालेका छन् ।
पुलछेउमा ३१ मिटर लम्बाईमा पहिरो गएको छ । पहिरोले पु¥याएको क्षतीको विवरण संकलन गरी केन्द्रमा पठाइने र मर्मतका लागि त्यसपछि पहल हुने समाज कल्याण समाज दार्चुलाका झोलुङ्गे पुल कार्यक्रमका टिम लिडर रघुविरसिह ठगुन्नाले जानकारी दिनुभयो ।
स्थानीय समस्यामा
नेपाल भारत सीमा क्षेत्रमा रहेको तिग्रम पुल बन्द भएपछि व्याँस गाउँपालिकाका स्थानीय समस्यामा परेका छन् । दुई छाक टार्न पनि भारतीय बजारको भरमा रहेका व्याँसका स्थानीयहरुलाई बजार आउन जान समस्या भएको छ । नेपाल तर्फबाट दार्चुला सदरमुकाम खलंगा बजार आउन एक दिन लाग्ने र दैनिक उपभोग्य बस्तु किन्न समेत समस्या भएको स्थानीयले बताएका छन् । पुल बनेपछि त्यसक्षेत्रका तुइन विस्थापित भएसँगै आवत जावतमा समस्या भएको हो ।
पहिरोबाट प्रहरी पोष्ट र पशलमा क्षती
तिग्रममा पुल बनेपछि नेपाल तर्फ पुलमा अस्थायी प्रहरी पोष्ट स्थापना गरी प्रहरीले सुरक्षा दिँदै आएको थियो । पहिरोले प्रहरी पोष्ट र स्थानीय व्यक्तिको एक पशल बगाएको छ । पछिल्लो समय निरन्तर रुपमा बर्षा भईरहेकाले दार्चुला जिल्लाका विभिन्न ठाउँमा पहिरोले क्षती गरेको छ ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता