डोटी । जिल्लाका तीन स्थानीय तहलाई सुन्तला जोन क्षेत्र बनाइने भएको छ। प्रधानमन्त्री कृषि आधुनिकीकरण परियोजना एकाइ कार्यालय डडेल्धुरामार्फत बडिकेदार, जोरायल र बोगटान फुड्सिल गाउँपालिकामा सुन्तला जोन क्षेत्र कार्यक्रम गरिने भएको हो।
सुन्तला जातका फलफूल उत्पादनका सम्भावित क्षेत्र भएको, क्लष्टर मिलेको, क्षेत्र विस्तार गर्ने प्रचुर सम्भावना भएको र पूराना बगैंचा भएका साथै छिमेकी जिल्ला कैलालीको चुरे गाउँपालिकाको सुन्तला उत्पादन क्षेत्रलाई समेटी चालु आर्थिक वर्षदेखि सुन्तला सुपर जोनका रुपमा ती स्थानीय तहलाई अगाडी बढाइने प्रधानमन्त्री कृषि आधुनिकीकरण परियोजना कार्यान्वयन एकाइका प्रमुख खेमराज जोशीले जानकारी दिए।
उनका अनुसार बडिकेदारका वडा नं १, २ र ४ को एक सय ५० हेक्टर, जोरायलको वडा नं ३, ५ र ६ को दुई सय हेक्टर तथा बोगटान फुड्सिलका वडा नं १, २, ३, ४, ५ र ७ को एकसय ५० हेक्टर क्षेत्रफललाई यस आर्थिक वर्षमा सुन्तला जोन प्रस्ताव गरी कार्यक्रम अगाडी बढाइने बताइएको छ। जिल्लाका तीन स्थानीय तहमा सुन्तला राम्रो फल्ने गरेको छ।
बजार अभाव तथा यातायातको समस्याका कारण यहाँ उत्पादित सुन्तला हरेक वर्ष खेर जाने गरेको किसान बताउँछन्। यहाँका स्थानीय तहका जनप्रतिनिधि र सरोकारवालासहित कृषि ज्ञान केन्द्रको सभाहलमा आयोजित जिल्ला परियोजना कार्यान्वयन समन्वय तथा अनुगमन समितिको बैठक एवं आर्थिक वर्ष २०७८÷७९ को वार्षिक कार्यक्रम सार्वजनिकीकरण कार्यक्रममा उक्त जानकारी दिइएको हो।
यसैगरी सोही कार्यक्रमसँगै कृषि ज्ञान केन्द्रले पनि गत आर्थिक वर्षमा सम्पन्न कार्यक्रमको समिक्षा र यस आर्थिक वर्ष २०७८र७९ मा गरिने कार्यक्रमबारे अभिमुखिकरण गोष्ठी पनि सम्पन्न गरेको छ। कार्यक्रममा कृषि ज्ञान केन्द्रका प्रमूख नरेन्द्र पनेरुले गत वर्ष सम्पन्न कार्यक्रम र यस वर्ष सञ्चालन गरिने कार्यक्रमबारे जानकारी गराएका थिए।
जिल्ला समन्वय समितिका प्रमुख रामबहादुर ऐरले किसानका लागि आउने विभिन्न अनुदानका कार्यक्रमबाट वास्तविक किसान लाभान्वित हुन नसकेकाले यसमा सुधार ल्याउनुपर्ने आवश्यकता जानकारी दिए।
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
एक शैक्षिक शत्रमा विद्यालय दिवा खाजा कार्यक्रम अन्तरगत दार्चुला जिल्लाका नौ वटै स्थानीय तहका कृषकहरुले विद्यालयमा एक करोड भन्दा बढीको तरकारी विक्रि गरेका छन् । विश्व खाद्...
कृषि ज्ञानकेन्द्र दार्चुलाले फलफुलका बोट बिरुवा वितरण गरेको छ । विशेष गरि हिँउदे फलफुलका तिन ओटा बेर्ना हरु वितरण गरेको छ । त्यसमा ओखर स्याउ र किबि वितरण गरेको कृषि ज्...
हिउँदे वर्षा नभएपछि दार्चुलामा यो वर्ष हिउँदेबाली सुक्न थालेको छ । हिउँदे बाली लगाउने समयदेखिनै परेको खडेरीका कारण लगाइएकोे बालीसमेत सुक्न थालेको हो । बाली सुक्न थालेपछि...
धान र गहुँको उन्नत बिउबिजन उत्पादनमा कैलाली जिल्ला आत्मनिर्भर भएको छ । कैलालीमा उत्पादन भएको बिउ जिल्ला बाहिरसमेत निर्यात हुन थालेको छ । जिल्लामा वर्षभरिमा झण्डै ३६ हजार...
दार्चुलामा ५० प्रतिशत रोपाई सम्पन्न भएको छ ।
दृष्टिकोण दैनिक सम्बाददाता