दार्चुला । दार्चुला जिल्लाको गाउँपालिकामा थप मध्य चमेलिया जलविद्युत आयोजना निर्माण हुने भएको छ । यो विटुले भन्दा माथिल्लो क्षेत्रमा २८ दशमलव ३० मेगावाटको मध्य चमेलिया जलविद्युत आयोजना निर्माण हुने भएको हो । यो क्षेत्रमा दार्चुला पावर प्रालिले जलविद्युत आयोजना अघि बढाउन लागेको हो । आयोजनाको प्रारम्भिक वातावरणीय परीक्षण अध्ययनको काम सुरु भएको कम्पनीले जनाएको छ । अध्ययनका क्रममा कम्पनीले आयोजना निर्माण गर्दा स्थानीय क्षेत्रको भौतिक, जैविक, प्राकृतिक, सांस्कृतिक, आर्थिक तथा सामाजिक क्षेत्रमा पर्नसक्ने असरबारे सरोकारवालासँग राय÷ सुझाव मागे गरेको छ ।
असरबारे सम्बन्धित सरोकारवालालाई अबको एक साताभित्र आइपुग्ने गरी राय सुझाव पठाउन अपिल गरिएको छ ।मार्मा गाउँपालिकाको वडा नम्बर २, ३, ४, ५ र ६ भएर बग्ने चमेलिया नदीको पानी प्रयोग गरी लामबगरमा बाँध निर्माण गरिने कम्पनीले जनाएको छ । बाँधमा जम्मा भएको पानी करिब ७ हजार ८० मिटर लामो हेडरेस पाइपमार्फत सतही विद्युतगृहमा खसाली विद्युत उत्पादन हुने गरी डिजाइन तयार गरिएको कम्पनीले जनाएको छ ।आयोजना सम्पन्न गर्न ६ अर्ब १८ करोड ९४ लाख ४४ हजार रुपैयाँ लागत अनुमान गरिएको छ । आयोजना सम्पन्न भएपछि वार्षिक सरदर ११८ दशमलव ५२ गिगावाट घण्टा विद्युत उत्पादन हुनेछ ।
यही खोलामा अहिले ४० मेगावाटको माथिल्लो चमेलिया जलविद्युत आयोजना निर्माणाधीन छ । आयोजनाको ४० प्रतिशत बढी काम पूरा भएको छ ।भने शैल्यशिखर नगरपालिकाको वडा नम्बर १ शिखर बलाँचमा ३० मेगावट चमेलिया जलविद्युत निर्माण भएको छ । अहिले निर्माणाधीन चमेलिया जलविद्युतको ड्याम अपिहिमाल गाउँपालिका ५ को ओखल नजिकै निर्माण गरेर मार्मा २ घट्टेगाडमा पावर हाउँस निर्माण गरिएको छ । विद्युत निर्माणपछि यो क्षेत्रमा विकासको ढोका खुला हुने विश्वास गरिएको छ । अहिले अपिहिमाल गाउँपालिकाको मकरीगाडमै १० मेगावटको मकरीगाड हाइड्रोपावर निर्माणाधीन छ । भने अपिहिमालको वडा नम्बर १ मा ६० मेगावटको विद्युत उत्पादन गर्ने गरी सम्भाव्यता अध्ययनको काम भइरहेको छ ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता