दार्चुला । महाकाली लोकमार्ग आशिंक सुचारु भएको छ । यहि भाद्र २ गते महाकाली नगरपालिका–९ बेतको चुन्या भिरमा पहिरो जादा ठुला सवारी साधन बस, ट्रक लगायतका सवारी साधानहरु सदरमुकाम खलंगाबाट बाहिर जान तथा भित्रिन सकिरहेका छैनन् । विहिबार देखि साना सवारी साधनहरुलाई भने पास दिन थालिएको र ठूला सवारी साधनलाई पास दिन अझै केहि दिन लाग्ने जिल्ला प्रहरी कार्यालय दार्चुलाका प्रहरी निरीक्षक पुष्कर एरीले बताउनु भयो । सडक अवरुद्ध हुदाँ बसको यात्रा गरि तराईका जिल्ला तथा काठमाण्डौ जाने यात्रुहरु खलंगाबाट चुन्या भिरसम्म जीपमा जाने र पहिरो भन्दा परबाट बसमा जाने गरेको जिल्ला प्रहरी कार्यालय दार्चुलाले जनाएको छ । सडक अवरुद्ध हुदाँ खलंगा बजारमा खाद्यान्न तथा ग्यास लगायत दैनिक उपभोग्य सामान आयातमा समस्या भएको छ । दत्तुसम्म आएको सामान बोकेर पहिरो वारी ल्याई अन्य सवारी साधनमा सारेर ल्याउनुपर्ने अवस्था रहेको छ । खलंगामा रहेका बस र ट्रकहरु एक हप्तादेखि खलंगामै रोकेर राखिएको यातायात व्यवसायीहरुले बताएका छन । सडक अवरुद्ध हुदाँ आन्तरिक सवारी साधन तथा जिल्ला बाहिर चल्ने सवारी साधनहरु प्रभावित बनेका छन् । सडक चौडा बनाई खुलाउने प्रयास भइरहेको छ । कडा चट्टनी भुभाग रहेको उक्त स्थानमा भिर काट्न निकै ढिलाइ भइरहेको प्रहरी निरीक्षक पुष्कर ऐरीले बताउनुभयो । जिलेटिज अभावमा स्काइभेटर मेसिनबाट ब्रेकर प्रयोग गरेर भिर फुटाउने काम भइरहेको छ । चुने भिरमा सडक पूर्ण रुपमा सञ्चालन गर्न अझै केहि दिन लाग्ने बताइएको छ ।सडक डिभिजन कार्यालय पाटन बैतडीले सडक निर्माणको क्रममा फलिएका ढुगांहरु हटाएपछि विहिबारदेखि साना सवारी साधन अर्थात दुई पाग्रे र एम्बुलेन्स, जीपहरुले पास पाउन थालेका छन् । सडक डिभिजन कार्यालयको मेसिनले ठुला सवारी साधनहरु समेत संचालन हुने गरी सडक निर्माण गरिरहेको छ । सो क्षेत्रको ८ मिटर लम्बाई सडक भासिएर तीन चार मिटर मात्रै बाकी रहेकोले बस र ट्रकहरु सञ्चालनमा समस्या भएको थियो । मेसनरी बाल भत्किएपछि सडक माथिको भिर काटेर सडक चौडा पार्ने काम भइरहेको प्रहरीले जनाएको छ ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता