दार्चुला । दार्चुलामा भारतीय एसएसबीले तुइनको डोरी काटिदिएपछि जयसिंह धामी नदीमा खसेर बेपत्ता भएको घटनाको छानबिनका लागि गठित टोली धनगढी पुगेको छ गृह मन्त्रालयका सह सचिव जनार्दन गौतम नेतृत्वको टोलीले बुधबार बिहान प्रदेशको अस्थायी राजधानी धनगढी पुगेर सुदूरपश्चिम मुख्यमन्त्री त्रिलोचन भट्ट र आन्तरिक मामिला तथा कानून मन्त्री पूर्णा जोशीसँग भेटघाट गरेको छ । सो क्रममा छानबिन टोलीले दार्चुलामा रहेर गरेका कामको बारेमा समेत मुख्यमन्त्री भट्ट र कानून मन्त्री जोशीलाई जानकारी गराएको छ ।आन्तरिक मामिला तथा कानून मन्त्री जोशीले गृहको टोलीले दार्चुलामा सरोकारवाला निकाय, पीडित परिवार, प्रत्यक्षदर्शीसँग भेटघाट तथा छलफल, घटनास्थलको अवलोकन गरेको विषयमा जानकारी गराएको बताउँदै प्रतिवेदन भने काठमाडौँ पुगेर बुझाउने बताइन् । मन्त्री जोशीले टोलीलाई यहाँको सीमा सुरक्षा, भारतीय पक्षले सीमा नाका दिने सास्ती लगायतका विषयमा जानकारी गराउँदै अगामी दिनमा यस्ता दोहोरिन नदिन सरकार गम्भीर बन्नुपर्ने सुझाव समेत दिएकी छन् ।‘सिंहदरबारको आँखाबाट सीमा सुरक्षा र शान्ति सुरक्षाका हकमा सरकारको सुदूरपश्चिमलाई हेर्ने दृष्टिकोण कमजोर छ । भन्ने कुरा मैले पनि राखेकी छु,’ मन्त्री जोशीले भनिन्, ‘सशस्त्र प्रहरीका बीओपीहरु व्यवस्थित गर्नुपर्ने, दार्चुला तिङ्कर सडक, महाकाली करिडोर र महाकाली नदीमा निर्माणाधिन झोलुङ्गे पुल शिघ्र निर्माण गरेर आवतजावतका लागि दार्चुलाबासीले भारतीय भूमीको प्रयोग गर्नुपर्ने बाध्यता अन्त्य गर्नुपर्ने सुझाव दिए ।मंगलबार दार्चुलाबाट फर्किएको टोलीले मुख्यमन्त्री र कानून मन्त्रीलाई छुट्टाछुट्टै रुपमा भेटेको हो । बैतडी र डडेल्धुरामा महाकाली नदीको तटीय क्षेत्रको निरीक्षण गरेर फर्किएको टोली आज कञ्चनपुर जादैछ । छानबिन टोलीका सदस्य समेत रहेका सुदूरपश्चिम प्रदेशका प्रमुख प्रहरी नायब महानिरीक्षक डीआईजी पुरुषोत्तम कँडेलले कञ्चनपुरमा पनि महाकाली नदीको तटीय क्षेत्रको निरीक्षण गर्ने कार्यक्रम रहेको जानकारी दिए ।गत १५ साउनमा भारतीय भूमिको प्रयोग गरेर सदरमुकाम खलंगा आउने बेला महाकाली नदीमा तुइन तर्ने क्रममा भारतीय एसएसबीले डोरी काटिदिएपछि खसेर व्याँस गाउँपालिका २ का जयसिंह धामी बेपत्ता भएका थिए । गृह मन्त्रालयले घटनाको छानबिनका लागि सह९सचिव गौतमको नेतृत्वमा छानबिन टोली गठन गरेको थियो । करीब ८ दिनसम्म दार्चुलामा बसेर काम गरेको टोलीले अहिले प्रदेशको राजधानी र महाकाली नदीसँग जोडिएका जिल्लामा सरोकारवालासँग भेटघाट र छलफल गरिरहेको हो ।
कञ्चनपुरमा बाघको आक्रमणबाट एक जनाको मृत्यु भएको छ । दोधारा चाँदनी नगरपालिका २, कमलसा टोलमा बाघको आक्रमणबाट २३ वर्षीय हिरा शाहको मृत्यु भएको जिल्ला प्रहरी कार्यालय, कञ्चन...
चितवनको भरतपुर महानगरपालिका–२९ सिमलतालमा शुक्रवार बिहान पहिरोमा परी त्रिशूली नदीमा खसेका दुई वटा बसमा ६५ जना यात्रु रहेको जिल्ला प्रशासन कार्यालयले जानकारी दिएको छ । चितव...
कामचलाउ प्रधानमन्त्री पुष्पकमल दाहाल प्रचण्डले सिमलतालमा भएको सडक दुर्घटनाका बेपत्ताको खोजी तीव्र पार्न निर्देशन दिएका छन् । आइतबार बिहान तीनवटा सुरक्षा अंगका प्रमुखसँग न...
विगत २४ घण्टामा पहिरोमा परेर १५ जनाको ज्यान गएको छ । गृह मन्त्रालयका सचिव एकनारायण अर्यालले हिजोदेखि आज दिउँसोसम्म २४ घण्टामा कास्कीमा ११ जना, म्याग्दीमा दुई जना र चितवन...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
दृष्टिकोण दैनिक सम्बाददाता