दार्चुला । देथला–खार–खलंगा सडक खण्ड खुलाउने कार्य सुरु भएको छ । नौगाड गाउँपालिकाको कार्यपालिकाको बैठकले सडक खुलाउने निर्णय गरेसंगै सोमबारदेखि सडक खुलाउने कार्य सुरु भएको गाउँपालिकाले जनाएको छ । गाउँपालिका अध्यक्ष प्रेमसिंह धामीको अध्यक्षतामा बसेको गाउँकार्यपालिका बैठकले उक्त सडकको होपरीगाडदेखि दल्लेसम्म सडक सञ्चालन गर्न निर्णय गरेको हो । गत असार २४ गते आएको बाढी पहिरोका कारण देथला–खार–खलंगा सडक पूर्ण रुपमा अबरुद्ध भएको थियो । मुख्यगरी होपरीगाडदेखि दल्लेख क्षेत्रमा बढी क्षति भएको थियो । असार २४ गतेको बाढी पहिरोले अबरुद्ध भएको सडक खुलाई यातायात सेवा सहज बनाउने गाउँपालिकाले लक्ष्य लिएको छ । सुकाखोलादेखि होपरीगाडसम्मको सडक मर्मत तथा विभिन्न स्थानमा खसेको पहिरो पन्छ्याई सडक सञ्चालन भइरहेको छ । थप होपरीगाडदेखि दल्लेखसम्मको सडक खण्डमा खसेको पहिरो पन्छ्याउने र मर्मत गरी सडक सञ्चालन गरी यातायात सहज बनाइने गाउँपालिका अध्यक्ष प्रेमसिंह धामीले बताउनु भयो । गाउँकार्यपालिकाले निर्णय गरेसंगै आजैदेखि होपरीगाडबाट सडक खुलाउने प्रयास भइरहेको छ । पहिरो खसेको क्षेत्रमा जेसिबी तथा कामदार लगाएर सडक खुलाउन थालिएको हो ।दल्लेखसम्म सडक खुलाईएपनि दल्लेख–खलंगा सडक झन् क्षति भएको छ । खलंगा–दल्लेख सडक खण्डको ठाउँ–ठाउँमा ठूलो पहिरो खसेकाले सञ्चालन गर्न समय लाग्ने देखिएको छ । महाकाली नगरपालिका क्षेत्रमा पर्ने सडक खण्डमा पहिरो खसेको छ । नौगाड गाउँपालिकाले दल्लेखसम्म सडक सञ्चालन गरेपनि महाकाली नगरपालिका क्षेत्रमा खसेको पहिरो पन्छ्याए मात्रै सदरमुकाम खलंगासम्म सडक सुचार हुनेछ ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता