कृष्ण धामी, १९ साउन दार्चुला । दार्चुला जिल्ला सदरमुकाम खलंगा बजारमा रहेका अधिकाँश पशलहरुमा मूल्य सुचि नराखेर मनलाग्दी मूल्य असुलेर सामान खरिद विक्रि भईरहेको छ । कोभिड–१९ कोरोना भाईरस संक्रमणका कारण दुई पटक बन्द रहेको बजार पछिल्लो समय खुलेको छ । अझै पनि निर्वाध रुपमा चहलपहल नबढेपनि प्राय जसो बजार खुलेको छ ।
दार्चुला बजार क्षेत्रका पशलहरुमा मूल्य सुचि बिना नै व्यापारीहरुले सामानको मूल्य तोकेको पाइएको छ । खास गरी दार्चुला जिल्लामा पछिल्लो समय मासुको मूल्य आकाशिएको छ । एक महिना अगाडि ४ सय ५० मा पाईने कुखुराको मासुको मूल्य प्रतिकिलो डेडसय रुपैँयाले बढेर ६ सयमा कारोबार भईरहेको छ भने खसीको मासुको मूल्य ८ सय रुपैँयामा कारोबार भईरहेको छ ।
त्यसैगरी दैनिक उपभोग्य बस्तु दाल चामल, खानेतेल, तरकारीको मूल्यमा पनि एकरुपता छैन । मोटो चामल ५० देखि ५५, मसिनो चामल ७० देखि ७५, दाल अरहर १ सय ६० देखि २ सय, मल्का १ सय ५० देखि १ सय ८०, मास १ सय ६० देखि १ सय ७० सम्म खानेतेल प्रतिलिटर २ सय ५० देखि ३ सय रुपैँयामा कारोबार भईरहेको छ ।
तरकारी जन्य बस्तुमा प्याजको मूल्य ७० देखि ८० रुपँैया, गोलभेडा ८० देखि ९०, आलु ४५ देखि ५० रुपँैया प्रतिकिलोग्राममा विक्रिवितरण भईरहेको छ । त्यस्तै अण्डा प्रतिगोटा १५ देखि २० रुपँैया, चिनि एक सय रुपैँया देखि १२० रुपैँयामा कारोबार भईरहेको छ ।
दार्चुला बजारमा रहेका सैलुन पसलहरुमा पनि मूल्य आकासिएको स्थानीयहरुले बताएका छन् । दाह्री कपाल काटेको १ सय ५० रुपैँया लिने गरेका छन् ।
बजार अनुगमन फितलाे
सहायक प्रमुख जिल्ला अधिकारीको संयोजकत्वमा जिल्ला प्रशासन कार्यालले बजार अनुगमन गर्ने कानुनी व्यवस्था रहेको भएपनि दार्चुलामा चाडपर्व तथा गुनासो आएको बेला मात्रै बार अनुगमन गर्ने गरेको पाईएको छ । बजार अनुगमनका क्रममा म्याद नाघेका खाद्यबस्तु नष्ट गर्ने बाहेक कुनै व्यापारीलाई कार्वाही गरेको पाईदैन । मूल्यसुचि नराख्ने पशले, खाद्यबस्तुको म्याद नाघेको, व्यवसायिक कर तिरे नतिरेको हेर्ने बाहेक त्यस्तो अवस्था फेला परेमा सम्झाई बुझाई गर्ने बाहेक कार्वाही तथा जरिवाना नहुँदा बजार अनुगमनले कुनै परिवर्तन नल्याएको गुनासो छ ।
मूल्यमा एकरुपता छैन
दार्चुला जिल्ला सदरमुकाम क्षेत्रमा रहेका झण्डै ४÷५ सय पशलहरुमा समानको मूल्यमा एकरुपता छैन् । पशलै पिच्छे समानको मूल्य फरक रहेको छ । दार्चुला जिल्लाका मूख्य बजारहरु बंगाबगड, बिच बजार र गल्फै बजारमा रहेका पशलहरुमा समानको मूल्य फरक फरक रहेको छ । मूख्य रुपमा भारतीय बजार धारचुलाबाट आउने विभिन्न समानहरु नेपाल पुग्दा कसैले प्रीन्ट मूल्यमै समान बेच्ने गरेका छन् भने कसैले भाडा जोडेर मूल्य भन्दा ५ देखि १० रुपैँया बढी पैसा लिने गरेको पाईएको छ ।
जिम्मेवारी कसको ?
स्थानीय प्रशासन, स्थानीय सरकार, उद्योग बाणिज्य संघ, घरेलु तथा साना उद्योग विकास समिति, उपभोक्ता हित संरक्षण मञ्च जस्ता निकायहरु भएर पनि उपभोक्ताहरु ठगिनेक्रम रोकिएको छैन् । तर यस सम्बन्धमा सबैले आफ्नो जिम्मेवारीबाट पञ्छिने र अरुलाई दोष दिने बाहेक जिम्मेवारी बोध गरेको पाईएको छैन् ।
कञ्चनपुरमा बाघको आक्रमणबाट एक जनाको मृत्यु भएको छ । दोधारा चाँदनी नगरपालिका २, कमलसा टोलमा बाघको आक्रमणबाट २३ वर्षीय हिरा शाहको मृत्यु भएको जिल्ला प्रहरी कार्यालय, कञ्चन...
चितवनको भरतपुर महानगरपालिका–२९ सिमलतालमा शुक्रवार बिहान पहिरोमा परी त्रिशूली नदीमा खसेका दुई वटा बसमा ६५ जना यात्रु रहेको जिल्ला प्रशासन कार्यालयले जानकारी दिएको छ । चितव...
कामचलाउ प्रधानमन्त्री पुष्पकमल दाहाल प्रचण्डले सिमलतालमा भएको सडक दुर्घटनाका बेपत्ताको खोजी तीव्र पार्न निर्देशन दिएका छन् । आइतबार बिहान तीनवटा सुरक्षा अंगका प्रमुखसँग न...
विगत २४ घण्टामा पहिरोमा परेर १५ जनाको ज्यान गएको छ । गृह मन्त्रालयका सचिव एकनारायण अर्यालले हिजोदेखि आज दिउँसोसम्म २४ घण्टामा कास्कीमा ११ जना, म्याग्दीमा दुई जना र चितवन...
मुग्लिन–नारायणगढ सडकको सिमलतालमा लेदोसहितको पहिरोले बगाउँदा बेपत्ता भएको दुईवटा बस र त्यसमा रहेका यात्रुको अवस्था अझै थाहा हुन सकेको छैन । बिहान साढे तीन बजे पहिरोले दुईव...
मनसुन सुरु भएयता प्राकृतिक विपत्तिमा परी देशभर ७० जनाको मृत्यु भएको छ । असार २२ र २३ गते दुई दिनको अवधिमै १४ जनाले ज्यान गुमाएका छन् । गृह मन्त्रालय अन्तर्गतको राष्ट्रिय...
कृष्ण धामी