मार्मा गाउपालिकाले आगामी आगामी आर्थिक वर्ष ०७८।०७९ को लागि कुल ४१ करोड १९ लाख ५४ हजार रुपैयाँ बजेट ल्याएको छ । गाउँपालिकाको नवौं बार्षिक सभाका गाउँपालिका अध्यक्ष जमनसिह धामीले आगामी आर्थिक वर्षमा कार्यान्वयन हुने गरी चालूतर्फ २८ करोड १६ लाख ६९ हजार तथा पूजीगतर्फ १३ करोड २ लाख ७५ हजार रुपैयाँको बजेट प्रस्तुत गरेको हो । गाउँपालिकालको स्वास्थ्य क्षेत्र अन्तर्गत कोभिड नियन्त्रण र उपकरण खरिदमा जोड दिएको छ । गाउँपालिकालको प्रस्तुत गरेको बजेट अनुसार स्वास्थ्य क्षेत्र व्यवस्थापनतर्फ १ करोड ६० लाख तथा कोभिड नियन्त्रणतर्फ ५० लाख रुपैयाँ बजेट विनियोजन गरिएको छ । यस्तै संघ प्रदेश संघको साझेदारीमा निर्माण भइरहेका सडक तथा पूर्वाधार निर्माणमा ठूलो बजेट खर्च भएको छ । जसअनुसार ताकु घोल्जर परमचुला हुँदै बझाङ जोड्ने पर्यटकीय सडकतर्फ संघीय सरकारको एक करोड तथा गाउँपालिकाको समपूरकतर्फ ५० लाख रुपैयाँ बजेट विनियोजन गरेको छ । लटिनाथ सार्सी बजानी हुँदै बैतडी जोड्ने सडक अन्तर्गत गाउँपालिकाले ५० लाख रुपैयाँ, लटिनाथ खेलमैदान निर्माण तर्प २५ लाख, गुल्जर सांस्कृति पर्यटन पूर्वाधारतर्फ ३० लाख रुपैयाँ र गाउँपालिका प्रशासकीय भवननिर्माणतर्फ ५० लाख रुपैयाँ गाउँपालिकाले खर्च गर्ने भएको छ । यसैगरी कृषि क्षेत्रको समग्र विकासको लागि १ करोड ३ लाख ६५ हजार रुपैयाँ, लघु उद्यम निर्माणमा ३० लाख रुपैयाँ, तिनेतारा विद्यालय निर्माणमा १४ लाख ४२ हजार, ग्रामीण जलस्रोत व्यवस्थापन परियोजनासँगको साझेदारी कार्यक्रमको समपूरक अन्तर्गगत १ करोड २६ लाख १९ हजार रुपेइाँ बजेट विनियोजन गरिएको छ । प्रधानमन्त्री रोजगार कार्यक्रम अन्तर्गत २ करोड ३ लाख २४ हजार तथा गाउपालिका अध्यक्ष रोजगार कार्यक्रम अन्तर्गत ५० लाख बजेट विनियोजन गरिएको छ । यस्तै बहु क्षेत्रीय पोषण सुधार कार्यक्रम अन्तर्गत ३२ लाख, सहिद परिवार सम्मान कार्यक्रम अन्तर्गत २ लाख शहिद बालबालिका छात्रबृत्ति अन्तर्गत ५ लाख रुपैयाँ बजेट विनियोजन गरिएको छ । गाउँपालिकाले जनतासँग प्रहरी साझेदारी कार्यक्रम अन्तर्गगत १ लाख तथा प्रहरी पोष्ट निर्माणतर्फ १ लाख बजेट विनियोजन गरिएको छ । बालविकास सहजकर्ता तथा विद्यालय कर्मचारी परिचालन अन्तर्गत १० लाख २७ हजार, तथा शैक्षिक क्षेत्र सुधार कार्यक्रम अन्तर्गत १ करोड ५४ लाख ७३ हजार रुपैयाँ बजेट विनियोजन भएको छ । मार्मा गाउँपालिकाले लटिनाथ क्याम्पस १५ लाख, लटिनाथ मावि रस्कोट ५ लाख, तपोवन मावि पडपडा १० लाख र दुर्गेश्वर मावि घोल्जरलाई ६ लाख रुपैयाँ अनुदान सहयोग घोषणा गरिएको छ ।
कार्तिक २९ गते दार्चुला जिल्ला मालिकार्जुन गाउँपालिका वडा नम्बर ३ मा रहेको राष्ट्रको सातौ धाम मालिकार्जुन मन्दीरमा लागेको रात्रीकालीन जात्रा हेरेर घर फर्किने क्रममा शुक्र...
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
दृष्टिकोण दैनिक सम्बाददाता