३ बर्ष अघि
२0७८ बैशाख २८ मंगलवार
दार्चुला । दार्चुला जिल्लाको अपि हिमाल गाउँपालिकामा एक घर एक धारा खानेपानी निर्माण भइरहेको छ । संविधानले व्यवस्था गरेको सबैको घरधुरीमा स्वच्छ पानीको पहुँच हुने छ भन्ने गरेको व्यवस्था अनुसार हरेक घरधुरीमा खानेपानीका धारा निर्माण भइरहेको हो । ग्रामीण जलस्रोत व्यवस्थापन परियोजनाको सहयोगमा अपिहिमाल गाउँपालिकाका सबै वडाका घरधुरीमा खानेपानी निर्माण भइरहेका छन् । खानेपानी निर्माणमा स्थानीयको सक्रिय सहभागिता रहेको छ । पछिल्लो समय खानेपानी योजना सञ्चालन भइरहेको अपिहिमाल गाउँपालिका २ मा सञ्चालन भइरहेका छन् । स्थानीय कहरसिह कार्की अहिले दिनहुँ खानेपानी निर्माणमा सक्रिय हुनुहुन्छ । घर घरमा खानेपानी बन्ने भएपछि सबै गाउँका सक्रिय भएर लागेका छौ । अहिले खानेपानीका ट्यांकी निर्माणका काम जुटेका छौं, उहाँले भन्नुभयो । विगतमा पनि खानेपानी योजना सञ्चालन भएका थिए । तर अहिले हरेक घरधुरीमा पानी पुग्ने भए पछि स्थानीय खुसी भएका छन् । ग्रामीण जलस्रोत व्यवस्थापन परियोजनाका अनुसार अहिले अपिहिमाल गाउँपालिकाको पाथा कसौतीमा ५५ धारा, कालीदेवी मरखोलामा ३७ धारा, घुसामा १५० धारा, दैभातमा ३७ धारा, सिती भट्टारमा ७९ धारा, खिर्सा सभ्भाडमा ४७ धारा र काटै क्षेत्रमा ८१ वटा धारा निर्माणाधीन छन् । ग्रामीण जलस्रोत व्यवस्थापन परियोजना तेस्रो चरण खण्डेश्वरीका जलस्रोत सल्लाहकार मनोरथ जोशीका अनुसार यसअघि परियोजना अन्तर्गत कुरमुल खानेपानी अन्तर्गत १५९ धारा, झुस्कु चौडमा २३ धारा र खत्तोलीमा २७ धारा निर्माण गरिएका छन् । यस्तै वडा नम्बर ५ को तिम्लामा ५० तथा लुम्थीमा ४८ वटा खानेपानी धारा प्रयोगमा आइसकेका छन् । परियोजनाले एक वर्षभित्रै अपिहिमालका सबै घरधुरीमा खानेपानी पुर्याउने लक्ष्यअनुसार काम गरिरहेको जलस्रोत सल्लाहकार जोशीको भनाई छ ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...