दृष्टिकोण समाचार माघ २२ दार्चुला । नेपाल कम्युनिष्ट पार्टी नेकपा प्रचण्ड माधव पक्षले विहिबार नेपाल बन्दको आव्हान गरेको छ । बन्द को असर दार्चुलामा पनि परेको छ । बन्दको अवस्थालाई मध्यनजर गरि प्रहरीहरु परिचालन गरिएको जिल्ला प्रहरी कार्यालय दार्चुलाका प्रहरी निरिक्षक एबं सूचना अधिकारी पुस्कर ऐरीले जानकारी दिनुभयो । सरकारले गरेका असंबैधानीक कदमको विरोध गर्दे संघर्ष गरिरहेको उक्त समुहले आज आमहड्ताल गरेको छ । दार्चुलामा पनि केहि विद्यालय बन्द भएका छन । भने यातायातका साधनहरु प्रहरी स्कटिङमा मात्रै सञ्चालन भइरहेका छन् । बजार आंशिक रुपमा खुलेका छन् । जिल्ला प्रहरी कार्यालय दार्चुलाले भने, दार्चुलामा बन्दको खासै प्रभाव नपरेको बताएको छ । जिल्लामा सञ्चालीत यातायातका साधन चलेका छन, भने बजार पनि खुलेको प्रहरीले जनाएको छ । सडकमा र गाडीमा केही अवरोध हुन सक्ने आशंकामा बिहानदेखि नै जिल्ला भरि सुरक्षा व्यवस्थामा कडाई पारिएको प्रहरीले जनाएको छ । शैक्षिक संस्थाहरुमा भने आंशिक प्रभाव देखिएको प्रहरीले जनाएको छ । तर नेकपा प्रचण्ड–माधव समुहका जिल्ला अध्यक्ष गणेश खत्रीले भने यातायात र बजार पुर्ण रुपमा बन्द रहेको बताउनुभयो । सदरमुकाम क्षेत्रमा बजार आंसिक रुपमा बन्द रहेको उहाँले बताउनुभयो । निर्धक्क भएर गाडी र व्यवसाय चलाउन सरकारको आग्रह । सरकारले आज पूर्ववत् रुपमै सार्वजनिक बस लगायत आ–आफ्नो उद्योगधन्दा, पेसा, व्यवसाय सञ्चालन गर्न उद्यमी व्यवसायीहरुलाई आग्रह गरेको छ । सरकारले सुरक्षाका दिने भन्दै आफ्नो नियमित काम नरोक्न गृहमन्त्रालयले आग्रह गरेको हो । मन्त्रालयका प्रवक्ता चक्रबहादुर बुढाले दैनिक रुपमा सञ्चालित उद्योग, पेसा, व्यवसाय सञ्चालनमा कुनै बाधा अवरोध पुग्न नदिने गरी सुरक्षा व्यवस्था मिलाइएको बताउनुभयो । शान्ति सुरक्षामा खलल पुग्ने, सार्वजनिक तथा निजी सम्पत्तिको तोडफोड, आगजनी, सार्वजनिक गाडी अवरोधलगायतका गतिविधि गरेको पाइएमा त्यस्ता गतिविधिमा संलग्नमाथि कारबाही हुने उहाँले बताउनुभयो । यस्तै, प्रहरीले कहीँकतै केही समस्या भए प्रहरीको १०० र ट्राफिक प्रहरीको १०३ नम्बरमा सम्पर्क गर्न पनि आग्रह गरेको छ ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता