.jpg "४० जना कैदीबन्दीलाई कोरोनाविरुद्धको खोप")
दृष्टिकोण समाचार माघ २० दार्चुला । दार्चुलाका कारागारका कैदीबन्दीलाई कोरोनाविरुद्धको खोप लगाइएको छ । कारागारभित्रका ४० जना कैदीबन्दीलाई कोरोनाविरुद्धको खोप लगाइएको जिल्ला अस्पताल दार्चुलाका सूचना अधिकारी डम्मरदत्त भट्टले जानकारी दिनुभयो । यसअघि कारागारमा रहेका ३२ जनामा कोरोना संक्रमण देखिएको थियो । कोरोनाको जोखिम कारागारभित्र पनि रहेको भन्दै कोरोनाविरुद्धको खोप लगाइएको भट्टले बताउनुभयो । सरकारले कैदीबन्दीलाई पहिलो चरणमै खोप लगाउनका लागि प्राथमिकतामा राखेको छ । कैदीबन्दीलाई स्वास्थ्यकर्मीले कारागारभित्रै पुगेर खोप लगाएको जेलर मानबहादुर खडायतले बताउनुभयो । कारागार दरबन्दी रहेका स्वास्थ्यकर्मी चार वर्षदेखि नआएको कारण अस्पतालबाटै आएका स्वास्थ्यकर्मीले खोप लगाएका हुन् । यस्तै सोमबार मात्र जिल्लाभरीका ११ जना स्वास्थ्यकर्मी, ७ जना स्वास्थ्य संस्थामा कार्यरत सहयोगी, एक जना चालक, १ जना सफाईकर्मी गरी ६० जनालाई खोप लगाइएको स्वास्थ्य कार्यालय दार्चुलाले जनाएको छ । गत माघ १४ गतेबाट शुरु भएको कोरोनाविरुद्धको खोप अभियान अन्तर्गत सोमबारसम्म जिल्लाभरीका ६ सय ८५ जनाले खोप लगाइएको स्वास्थ्य कार्यालय दार्चुलाका सूचना अधिकारी खगेन्द्र कार्कीले जानकारी दिनुभयो । भारत सरकारले अनुदानमा दिएको कोरोना विरुद्धको खोपको पहिलो चरणमा अंग्रपक्तिमा काम गर्ने स्वास्थ्यकर्मी, सरसफाईकर्मी तथा कोरोना संक्रमणबाट मृत्यु भएकोहरुको शब ब्यवस्थापनमा खटिएका सुरक्षाकर्मीहरुलाई खोप लगाउन लागिएको हो । स्वास्थ्य कार्यालय दार्चुलाले यो अवधिमा २ वटा नगरपालिका र ७ गाउँपालिकाका स्वास्थ्यकर्मी, एम्बुलेन्स चालक, महिला स्वास्थ्य स्वयंसेविकाहरुलाई खोप लगाएको छ । पहिलो चरणमा माघ १४ गते देखि १८ गते सम्म कोरोना खोप लगाउने तालिका बनाएको थियो । यो अवधिमा सबैलाई खोप लगाउन नसकिएको कारण तीन दिन खोप लगाउने अभियान थप गरिएको स्वास्थ्य कार्यालय दार्चुलाका प्रमुख जयराज भट्टले बताउनुभयो । एक मात्रै खोप केन्द्र जिल्ला अस्पताल दार्चुला तोकिएको हुँदा सबैलाई समयमै खोप लगाउन नसकिएको हो । खोप केन्द्र लगाउन ढिलाई भएपछि मंगलबारदेखि गोकुलेश्वर अस्पताल गोकुलेश्वरमा पनि खोप केन्द्र थप गरिएको छ । खोप लगाएकामध्ये अहिलेसम्म कसैलाई स्वास्थ्य समस्या नदेखिएको स्वास्थ्य कार्यालय दार्चुलाले जनाएको छ ।
लागु औषध दुरुपयोग तथा ओसार–पसार विरुद्दको अन्तराष्ट्रिय दिवस सप्ताहव्यापी रुपमा दार्चुलामा पनि मनाईने भएको छ । दार्चुलाका प्रमुख जिल्ला अधिकारी यज्ञराज जोशीको अध्यक्षतामा...
सुदुरपश्चि प्रदेश सरकारले प्रमुख १० वटा उद्देश्य राखेर साढे ३१ अर्बको बजेट ल्याएको छ । शनिबार सुदुरपश्चिम प्रदेश सरकारका आर्थिक मामिला मन्त्री सुरन्द्रबहादुर पालले आगामी...
चितवनको इच्छाकामना गाउँपालिकाको फिस्लिङ नजिकै आज बिहान बस र कार ठोक्किँदा २० जना घाइते भएका छन् । नेपालगञ्जबाट काठमाण्डौको लागि छुटेको भे १ ख ४०६२ नम्बरको बस र बिपरित दि...
अहिले सामाजिक सञ्जालमा दार्चुला जिल्लाका स्थानीय तहहरुमा आएको बेरुजु रकमको फोटोहरु भाइरल भइरहेका छन् । महालेखापरीक्षकको कार्यालयले यहि जेठ १३ गते आर्थिक बर्ष २०७९÷८० को ल...
दार्चुला जिल्लामा छिन–छिनमा बत्ती आउने जाने समस्याले सेवाग्राही हैरान बनेका छन् । महाकाली नगरपालिकाको थालीगाड देखि सुन्सेरा सम्मको ११ हजार केभीएको विद्युत्त प्रशारण लाईन...
जोन क्षेत्रमा यान्त्रिकरण सहयोग कार्यक्रम अन्तरगत दशरथचन्द नगरपालिका वडा नम्बर २ देहीमाण्डौंमा कृषि औजार वितरण गरिएको छ । प्रधानमन्त्री कृषि आधुनिकिकरण परियोजना ईकाई दार्...
दृष्टिकोण दैनिक सम्बाददाता