पत्रकार खगेश्वरी बुढा (ज्योती) दृष्टीकोण समाचार दार्चुला
बलात्कारजस्तो जघन्य अपराधमा संलग्न हुनेमा नजिकका छिमेकी, आफ्नै बाबु, दाजुदेखि प्रहरी समेत छन् । यसले के देखाउँछ भने हरेक आमालाई पलपलमा छोरी जोगाउने चिन्ता छ ।
आमाहरूलाई एकतिर घरको काम, अर्को्तिर कार्यालयको जागिर अनी छोरी जोगाउने चिन्ता । यतिसम्मकी एउटी आमालाई आफ्नै बाबुसँग छोरी छोडेर बाहिर निस्कन डराउनु पर्ने अवस्था छ । आफ्नी अबोध छोरीलाई विद्यालयमा पठाउँदा ढुक्क भएर बस्न नसक्ने अवस्था एकातिर छ भने छरछिमेक र आफन्तबाट पनि डराउनुपर्ने स्थिति छ । बाबु, दाजु, गुरु, अनी आफन्त र अरुलाई न्याय दिने प्रहरीबाटै छोरीहरू बलात्कृत हुने र बलात्कारजस्तो कुकृत्यलाई लुकाउन हत्या नै गर्ने अपराध बढेपछि यतिखेर छोरीहरूको सुरक्षामाथि गम्भीर प्रश्न उठेको छ । दिनैजस्तै यस्ता अपराधिक घटना बढ्दै जान थालेपछि हाम्रो समाज छोरीहरूका लागि असुरक्षित हुन थालेको छ । अपराधिक मानसिकता बोकेका पुरुषहरू छोरीहरूको अस्मिता लुटेर सिंगो मुलुकलाई नै कलंकित बनाउँदै छन् । अबोध बालिका बलात्कृत हुन्छे, मान्छेहरू आन्दोलित हुन्छन् अनि सरकार राहत दिएर बलात्कृत बालिकामाथि पटक पटक बलात्कार गर्छ । मानौ राहत पाउने भएपछि अझ धेरै छोरीहरू बलात्कृत हुँदैछन । यतिसम्म कि राजनीतिक दलहरूले समेत बलात्कारपछि हत्या गरिएको शबमाथि राजनीति गर्न थाल्छन् । बलात्कार जस्तो अमानवीय र जघन्य अपराध रोक्न राज्यस्तरबाट पनि खासै पहल भएको छैन । बनेका कानुनअनुसार पीडकलाई कारवाही नहुँदा अपराधिक मानसिकता बढेको छ । बलात्कारीलाई कठोर सजायको व्यवस्था गर्ने हो भने केही हदसम्म मानिसहरू डराउँथे तर भएका ऐन, कानुनअनुसार बलात्कारीलाई सजायँ भएका थोरै घटनाहरू मात्रै छन् । उच्च नेतृत्वमा रहेकाहरूलाई बलात्कारको मुद्दा उठाउन बलात्कार हुनैपर्ने अवस्था छ । आफ्नै छोरी बलात्कार गर्ने बाबुलाई यस्तो सजाय होस् कि समाजमा अरु बाबुहरूले छोरीमाथि बलात्कार नगरुन् । दाजुहरूले बहिनीमाथि बलात्कार नगरुन् । तर यहाँ छोरीहरू बलात्कृत हुँदै छन । त्यसमाथि राजनीति गरिरहन पाउँ भन्ने मानसिकताले गर्दा छोरीहरू असुरक्षित छन् । ती छोरीहरूले पटकपटक बलात्कृत भएर हत्याको शिकार हुनुपरिरहेको छ । हिजो आज म हरेक दिन रात नारी अस्तीत्व र पहिचान खोजिरहेकी छु । तर किन हो कहिँ कतै भेट्न सकिरहेकी छैन । अनगिन्ती प्रश्न र जिज्ञासा कहिले आफैलाई सोध्छु कहिले अरुलाई । तर पनि जवाफ पाउन सकेकी छैन । प्रत्येक दिन, प्रत्येक क्षण भइरहेका बलात्कार र लैंगिक हिंसाका घटनाहरूले यो समाज कता जाँदैछ ? भन्ने सोच्न बाध्य बनाउँछ । महिला वा पुरुष जो सुकै होस् । हरेकले सम्मानपूर्वक बाँच्न पाउनु पर्दछ । मेरो आमाको, छोरीको, दिदीको, श्रीमतीको मात्र हैन प्रत्येकको आमाको, छोरीको, दिदीको, श्रीमतीको सम्मान गर्नु पर्दछ । नेपालको संविधानको धारा १६(१) मा प्रत्येक व्यक्तिलाई ‘सम्मानपूर्वक बाँच्न पाउने मौलिक हक’ संरक्षित गरिएको छ । ‘सम्मानपूर्वक बाँच्न पाउने’ Life with Dignity को हक हो । सम्मानपूर्वक भन्नाले प्रत्येक व्यक्तिको आफ्नो इच्छाअनुसार कसैको दवाव, धम्की, प्रभाव वा डरमा नपरी आफ्नो शरीर, सम्पत्ति र बासस्थानमा गोपनियताका साथ रहन पाउने र कसैले अतिक्रमण गर्न नपाउने र सुरक्षित जिन्दगी जिउने हक हो । प्रत्येक नागरिकले आ–आफ्नो इच्छा अनुसार आ–आफ्नो प्रतिष्ठा कायम गरी बाँच्न पाउनु पर्छ भन्ने हो । साथै नागरिकको शरीर, सम्पत्ति, बासस्थान र क्रियाकलापको गोपनियता एवं अनतिक्रम्यताको संरक्षण गर्ने कर्तव्य सरकारको हो । प्रत्येक नागरिक जन्मदा नै स्वतन्त्र भएर जन्मछ । उसले कानुनले अपराध भनी परिभाषा गरेको काम नगरुन्जेल उसको स्वतन्त्रतामा रोक लाग्न सक्दैन । तर कहिलेकाहीँ कसैले आफ्नो स्वतन्त्रताको दुरुपयोग गरी अरु कसैको अनतिक्रम्य सम्मानपूर्वक बाँच्न पाउने अधिकारमाथि आक्रमण गर्न सक्छ । अन्याय गर्ने भन्दा अन्याय सहनु पाप हो । त्यसैले हामी सबैले यस्ता नाङ्गो मानसिकता विरुद्ध आवाज उठाउन आवश्यक छ ।
दार्चुला मेरो जिल्ला लिपुलेक मेरो किल्ला
सैलुन ब्यवसायी मासुक सल्मानीको भारत उत्तरप्रदेशको शौजानपुरस्थित खुदारगञ्जमा एउटा सानो कटेरो छ। उनको घरायसी आर्थिक अवस्था निकै कमजोर थियो। त्यसैले कामको खोजीमा एक बर्षअघि...
यति बेला हामी (कोभिड–१९) कोरोना भाइरसको विश्व महामारी खेपी रहेका छौ । यो समय विश्व ठुलो संकटबाट अगाडि गुजरि रहेको छ । यस संकटको घडिमा हामिले नैतिकता गुमाउनु हुदैन ।
राम सिह धामी दार्चुला । विश्वभरी कोरोना भाईरसको सनत्रास फैलिरहेकाबेला अहिले शरभन्दा गाँउमा बडि भिडभार देखिएको छ । यतिबेला विश्व कोरोना भाइरस (कोभिड–१९) को सनत्रासमा गुज्...
सरकार सञ्चालनका हरेक अंगहरुमा महिला उपस्थिति न्युन रहेको छ । निजामती कर्मचारी आन्तरिक बढुवा र मूल्याङ्कनमा कोही महिला कर्मचारी परेको भेटिदैन । उत्कृष्ट पुरुष्कार पाउनेमा...
नेपाल लगायतका देशहरूमा पाइने एक प्रकारको रूख हो। यो पतझड वर्गमा पर्दछ। यसको रूख होचो झ्याम्म परेको हुन्छ जुन धेरजसो भीरालो ठाउँमा उम्रन्छ। उच्च पहाडी भेकमा पाइने यो वनस्प...
दृष्टिकोण दैनिक सम्बाददाता